完整藏文原文 · 德格版页 当前仅加载第 13 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་སྩལ་བར་བགྱིའམ། མི་སྩལ་བར་བགྱི། གསུངས་པ། སྦྱིན་པར་བྱའོ། །ཇི་ཙམ་ཞིག་སྩལ། ཀུན་དང་ཡང་མཉམ་པར་རོ། །ནད་གཡོག་དབྱར་གནས་གཞན་དུ་ཚུལ་དུ་ཞུགས་པ་ཞིག་ན། དེ་ལ་ནད་གཡོག་གི་གོས་སྩལ་བར་བགྱིའམ། མི་སྩལ་བར་
D7a.013.0225a01.01བགྱི། བཅོམ་ལྡན་འདས་ཀྱིས་བཀའ་སྩལ་པ། སྦྱིན་པར་བྱའོ། །ནད་གཡོག་སུས་བགྱི། མཁན་པོ་དང་། སློབ་དཔོན་དང་། མཁན་པོ་གཅིག་པ་དང་། སློབ་དཔོན་གཅིག་པ་དང་། སྨྲ་བ་དང་། ཀུན་དུ་སྨྲ་བ་དང་། སྟོན་པ་དང་། ལྷན་ཅིག་སྤྱོད་པ་དང་། སློབ་མས་སོ། །
D7a.013.0225a02.01དེ་སྟེ་མེད་ན་དགེ་འདུན་གྱིས་ནད་གཡོག་སྐོས་ཤིག །དེ་སྟེ་དགེ་འདུན་གྱིས་ཀྱང་ནད་གཡོག་མ་བསྐོས་ན་འདས་པ་དང་བཅས་པའོ། །ནད་གཡོག་གིས་ཀྱང་ནད་པའི་ནད་གཡོག་མ་བྱས་ན་ཉེས་བྱས་སུ་འགྱུར་རོ། །དེ་སྟེ་ནད་པས་ནད་གཡོག་ལ་ཆོས་བཞིན་དུ་བསྒོ་བ་མ་མཉན་ན་ཉེས་བྱས་སུ་
D7a.013.0225a03.01འགྱུར་རོ། །ནད་པ་ལ་ཡང་དེ་བཞིན་ནོ། །ནད་པ་ལ་ཇི་སྲིད་དུ་ནད་གཡོག་བགྱི། ཇི་སྲིད་ནད་པ་ཤི་བའམ། དེ་སྟེ་སོས་པར་གྱུར་པའི་བར་དུའོ། །མི་ཕན་པ་རྣམས་སྤོང་བར་བྱེད། ཕན་པའི་རྣམས་ནི་སྒྲུབ་པར་བྱེད། དོན་རྣམས་ཀྱང་ཉམས་པར་མི་བྱེད་པ་བསླབ་པ་སྩལ་པས་
D7a.013.0225a04.01གང་ནས་བཟུང་ཞིང་གོས་རྣམས་བྱིན་གྱིས་བརླབ་པར་བགྱི་ནམ་རྙེད་ནའོ། །ནོར་རྣམས་ཇི་ལྟར་རུང་བར་བགྱི། མི་རུང་བ་འདིས་རུང་བ་བསྒྲུབ་པར་བྱ་ཞིང་ན་བའི་སྨན་རྣམས་གཞག་པར་བྱའོ་སྙམ་དུའོ། །མདོར་ན། དགེ་སློང་གནས་པ་རྣམ་བཞི་ནི། །གནང་བ་དང་ནི་རས་རྣམས་དང་། །
D7a.013.0225a05.01སོང་ནས་སླར་འོངས་སྤང་བ་དང་། །སྦོམ་པོ་མུ་སྟེགས་ཅན་དང་གསུམ། །དགེ་སློང་གིས་སྔར་ཡང་མ་ལགས། སླད་ཀྱིས་ཀྱང་མ་ལགས་པར་གནས་བཞིར་དབྱར་ཅིག་ཅར་ཚུལ་དུ་ཡང་ཞུགས་ལ་ནོངས་པར་ཀྱང་མི་འགྱུར་བ་མཆིས་སམ། ཡོད་དེ། དེ་འདི་ལྟར་དགེ་སློང་
D7a.013.0225a06.01དེ་ཁྲིའམ་རེ་ལྡེའམ་ར་གོང་ཡང་རུང་སྟེ། གནས་བཞིའི་མཚམས་སུ་མནན་ནས་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་ཀྱང་བྱ་སྟེ། ཉེས་པ་ཡང་མེད་དོ། །དེའི་གོས་ཀྱི་བགོས་སྐལ་གང་ནས་འཐོབ། ཐམས་ཅད་ནས་སོ། །དབྱར་གྱི་རས་ཆེན་ཚད་ལས་ཆུང་ངུ་འཆང་ན་དེའི་
D7a.013.0225a07.01