完整藏文原文 · 德格版页 当前仅加载第 13 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
པ་པ་ཞིག་དེར་སོང་བ་དེས་བཀག་པར་གྱུར་པ་སྙམ་གྱིས་སོང་ལ་དེ་བོས་ཤིག་ཅེས་སྨྲས་པ་དང་། དེ་དག་གིས་དེ་བོས་ནས་དགོན་པ་པ་ཁྱིམ་བདག་དེ་ནི་དགེ་སློང་གི་དགེ་འདུན་དབྱར་གནས་པ་རྣམས་ལ་གོས་དབུལ་བ་ལས་ད་མི་དབུལ་བ་ནི་ཁྱོད་དེའི་ཁྱིམ་དུ་སོང་ནས་
D7a.013.0012a01.01བཀག་པར་མ་གྱུར་ཏམ་ཞེས་དྲིས་ན། བཙུན་པ་བདག་གིས་ནི་མ་བཀག་གོ། །མ་བསྒོའོ་ཞེས་སྨྲས་པ་དང་། དེ་དག་གིས་འདི་སྨྲར་མི་བཏུབ་ཀྱིས་ཁྲིད་ལ་སྒོ་ལེབ་ཀྱི་བར་དུ་ཚིར་ཅིག་ཅེས་སྨྲས་ནས་དེ་དག་གིས་སྒོ་ལེབ་ཀྱི་བར་དུ་བཙིར་བ་དང་། དེ་དུས་ལས་འདས་སོ། །དགེ་
D7a.013.0012a02.01སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །དགེ་སློང་ཞིག་བསོད་སྙོམས་སྤྱོད་པ་དང་སྒོ་དོག་པ་ཞིག་ན་བླ་གཏུན་ཞིག་བསྒྲེང་ཞིང་འདུག་པ་ལས་དེའི་ཆོས་གོས་ཀྱི་གྲྭས་བསྔོས་
D7a.013.0012a03.01པས་ཁྱེའུའི་སྟེང་དུ་འགྱེལ་ནས་ཁྱེའུ་དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། བག་ཡོད་པར་བྱོས་ལ་བསོད་སྙོམས་སྤྱོད་ཅིག །བྲམ་ཟེ་ཞིག་གིས་ནང་པར་སྔར་བཀྲ་ཤིས་པ་དང་།
D7a.013.0012a04.01ལྟས་བྱས་ནས་ཁྱིམ་གྱི་ནང་ན་འདུག་པ་དང་། དགེ་སློང་ཞིག་ཁྱིམ་དེར་བསོད་སྙོམས་སྤྱོད་པ་ལ་དེ་ཁྲོས་ནས་ཕུལ་བ་དང་། དགེ་སློང་དེ་ཁྱེའུ་ཞིག་གི་སྟེང་དུ་འགྱེལ་ནས་ཁྱེའུ་ཤི་བར་གྱུར་ཏོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0012a05.01ཉེས་པ་མེད་དོ། །དགེ་སློང་ཐལ་མོའི་རིག་སྔགས་འདེབས་ཤིང་དེ་ལག་པས་བྱུགས་ཏེ་ཐལ་མོ་ཅིག་བསྣུན་པ་དང་། དེ་དུས་ལས་འདས་སོ། །དགེ་སློང་དེ་དག་འགྱོད་པ་སྐྱེས་ཏེ། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་ནི་མེད་དེ། བག་ཡོད་པར་བྱོས་
D7a.013.0012a06.01ལ་ཐལ་མོ་སྣུན་ཅིག །དགེ་སློང་ཞིག་བརྣངས་ཏེ་ཤི་ལ་ཐུག་པ་དང་དེ་ལ་དགེ་སློང་ཞིག་གིས་ཁུ་ཚུར་ཅིག་བསྣུན་ནས་བརྣངས་པ་དེ་ཁྲག་དང་བཅས་ཏེ་བྱུང་ནས་དགེ་སློང་དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0012a07.01