完整藏文原文 · 德格版页 当前仅加载第 13 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་བཟའ་བར་བྱའོ། །འདི་ནི་ཤིན་ཏུ་འདྲེས་པ་ཞེས་བྱའོ། །ཀུན་དགར་རུང་བ་གང་ཞེ་ན། དགེ་སློང་གིས་རུང་བ་ནི་ཀུན་དགའི་ནང་དུ་འདུག་པའམ། ཀུན་དགའི་གནས་ཁང་གི་འདུག་པ་བླངས་སམ། ལེན་དུ་བཅུག་ཀྱང་རུང་སྟེ། འདི་ནི་སུའི་ཡིན་པ་
D7a.013.0254a01.01དེ་ལ་འདི་སྦྱིན་ནོ་ཞེས་དེ་ལྟ་བུས་བླངས་ན་ནི་ཀུན་དགར་རུང་བ་ཞེས་བྱའོ། །ནགས་སུ་རུང་བ་གང་ཞེ་ན། ནགས་ཞེས་བྱ་བ་ནི་ཤིང་གི་ནགས་ཏེ། དེ་ལ་ཇི་སྙེད་ཀྱི་ཡལ་ག་དང་། ལོ་མ་དང་། འདབ་མ་དང་། མེ་ཏོག་རྣམས་ལ་གཅིག་ལ་གཅིག་ཁྱབ་པར་གྱུར་པ་རྒྱང་གྲགས་
D7a.013.0254a02.01གཅིག་གི་མཐའ་ཚུན་ཆད་ལ་དེར་དགེ་སློང་གིས་གང་དུ་དགའ་བར་ཆོས་གོས་རྣམས་བཞག་ལ་དེ་ལ་གང་དུ་དགའ་བར་སྐྱ་རེངས་ཤར་གྱི་བར་དུ་གནས་པར་བྱ་སྟེ། འདི་ནི་ནགས་སུ་རུང་བ་ཞེས་བྱའོ། །འཁོར་གྱི་རུང་བ་གང་ཞེ་ན། དགེ་འདུན་གྱི་གཙུག་ལག་ཁང་ན་སོ་སོའི་ཁང་པའི་
D7a.013.0254a03.01འཁོར་མང་དུ་གྱུར་ཏེ། དེ་དག་ཏུ་ཇི་ལྟར་རྙེད་པ་སོ་སོར་བྱིན་གྱིས་བརླབས་པ་བཞིན་བགོས་ཤིང་སྤྱད་པར་བྱ་བ་ནི་འཁོར་གྱི་རུང་བ་ཞེས་བྱའོ། །ཡུལ་གྱི་རུང་བ་གང་ཞེ་ན། འཛམ་བུའི་གླིང་གི་དུས་སུ་བྱང་གི་སྒྲ་མི་སྙན་གྱི་གླིང་དུ་དགེ་སློང་ཟན་རུང་སྟེ། ཡུལ་གྱིས་རུང་བ་ནི་འཛམ་བུའི་
D7a.013.0254a04.01གླིང་འདིའི་དུས་ཀྱི་ཚེ་དེ་ན་བྱང་གི་སྒྲ་མི་སྙན་གྱི་གླིང་ནི་ནམ་ཕྱེད་དེ་ཇི་ལྟར་འཛམ་བུའི་གླིང་གི་དུས་ཀྱི་ཚེ་གླིང་བཞི་པོ་ཀུན་དུ་ཡང་སྦྱར་ཞིང་ཡུལ་དེར་ཟར་རུང་བ་ནི་ཡུལ་གྱི་རུང་བ་ཞེས་བྱའོ། །ཕྱོགས་ཀྱི་རུང་བ་གང་ཞེ་ན། སྨོད་པ་ཅན་གྱི་ལྗོངས་སུ་ལེན་པ་དང་བླངས་ནས་ཟ་བ་ནི་དགེ་སློང་གིས་
D7a.013.0254a05.01རུང་བ་སྟེ། རྫུ་འཕྲུལ་ཆེན་པོ་དང་། མཐུ་ཆེན་པོའི་དགེ་སློང་རྣམས་སྨོད་པ་ཅན་གྱི་ལྗོངས་སུ་དེར་བསོད་སྙོམས་ཀྱི་ཕྱིར་དོང་བ་དང་། དེ་དག་ལ་སྨོད་པ་ཅན་གྱི་མི་རྣམས་ཀྱིས་རང་གི་ལག་ནས་བྱིན་ལེན་མི་བྱེད་པར་མདུན་དུ་འདོར་བར་བྱེད་པ་དང་། དགེ་སློང་དེ་རྣམས་ཇི་ལྟར་གྲུབ་པ་མི་
D7a.013.0254a06.01ཤེས་ནས་དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། བྱིན་ལེན་ནི་རྣམ་པ་ལྔས་ཤེས་པར་བྱ་སྟེ། བྱིན་ལེན་རྣམ་པ་ལྔ་གང་ཞེ་ན། ལུས་ཀྱིས་ལུས་ལ་བྱ་བ་དང་། ལུས་ཀྱིས་ལུས་ལ་ཟིན་པ་ལ་བྱ་བ་དང་། ལུས་ཀྱིས་
D7a.013.0254a07.01