完整藏文原文 · 德格版页 当前仅加载第 13 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ནི་བརྒལ། ངན་སོང་གི་སྒོ་ནི་བཅད། མཐོ་རིས་དང་ཐར་པའི་སྒོ་ནི་ཕྱེ་ནས་ལྷ་དང་མིའི་གནས་སུ་བཞག་གོ། །ཁྱོད་མཐུས་ཤིན་ཏུ་མི་བཟད་ངན་སོང་གི། །ཉེས་པ་མང་དུ་ལྡན་པའི་ལམ་རྣམས་བཅད། །མཐོ་རིས་འགྲོ་བའི་ལམ་ཕྱིར་བསོད་ནམས་མཆོག །
D7a.013.0146b01.01མྱ་ངན་འདའ་ལམ་བདག་གིས་དེ་རིང་ཐོབ། །ཁྱོད་ལ་བརྟེན་པས་ཉེས་པ་མེད་པ་ཡི། །བདག་དེང་ཤིན་ཏུ་གཙང་བ་རྣམ་དག་མིག །འཕགས་པའི་ཡིད་དུ་འོང་བའི་ཞི་གནས་ཐོབ། །བདག་གིས་སྡུག་བསྔལ་རྒྱ་མཚོ་ཕ་རོལ་རྒལ། །སྐྱེ་བོ་ལྷ་དང་ལྷ་མིན་མི་ཡིས་མཆོད། །
D7a.013.0146b02.01སྐྱེ་རྒ་ན་དང་འཆི་ལས་རྣམ་པར་བྲལ། །སྲིད་པ་སྟོང་དུའང་མཐོང་བར་ཤིན་ཏུ་དཀའ། །ཐུབ་ཁྱོད་དེང་བདག་མཐོང་བས་འབྲས་བུར་བཅས། །དེ་ནས་སེ་མོ་དོ་ནི་འཕྱང་བཞིན་དུ། །ཞབས་གཉིས་ལ་ནི་ཕྱག་བྱས་དགའ་བ་སྐྱེས། །དགྲ་ཐུལ་དེ་ལ་གཡས་སུ་བསྐོར་ནས་ནི། །ལྷ་ཡི་
D7a.013.0146b03.01འཇིག་རྟེན་ལྷ་ཡི་ཡུལ་དེར་སོང་། །དེ་ནས་ལྷའི་བུ་སྔོན་སྦྲུལ་གདུག་པ་དེ་ཚོང་པ་ཁེ་ཐོབ་པ་ལྟར། རྣ་ཆུན་པ་ལོ་ལེགས་པ་ལྟར། དཔའ་བོ་གཡུལ་ལས་རྒྱལ་བ་ལྟར། ནད་པ་ནད་ཐམས་ཅད་ལས་ཐར་བ་ལྟར། ཇི་ལྟ་བུའི་ལོངས་སྤྱོད་དང་། བཅོམ་ལྡན་འདས་ཀྱི་དྲུང་དུ་འོངས་
D7a.013.0146b04.01པ་དེ་ལྟ་བུའི་ལོངས་སྤྱོད་དང་། རང་གི་གནས་སུ་སོང་བ་དང་། དགེ་སློང་དག་སྲོད་དང་ཐོ་རངས་ལ་མི་ཉལ་བར་ཐུབ་པར་བརྩོན་པར་སྤྱོད་པ་རྣམས་ཀྱིས་མཐོང་བ་བཅོམ་ལྡན་འདས་ཀྱི་དྲུང་ན་རྒྱ་ཆེར་སྣང་བ་མཐོང་ནས་ཐེ་ཚོམ་དུ་གྱུར་ཏེ། བཅོམ་ལྡན་འདས་ལ་བཅོམ་ལྡན་
D7a.013.0146b05.01འདས་ཅི་མདང་མཚན་མོ་བཅོམ་ལྡན་འདས་ལ་ཚངས་པ་འཁོར་གྱི་བདག་པོ་ལྟར་མཆིས་སམ། ལྷའི་དབང་པོ་བརྒྱ་བྱིན་དང་། འཇིག་རྟེན་སྐྱོང་བ་བཞི་དག་བལྟ་བའི་ཕྱིར་མཆིས་སམ་ཞེས་ཞུས་པ་དང་། དགེ་སློང་རྣམས་ཚངས་པའི་འཁོར་གྱི་བདག་པོ་ཡང་མ་ཡིན། ལྷའི་
D7a.013.0146b06.01དབང་པོ་བརྒྱ་བྱིན་ཡང་མ་ཡིན། འཇིག་རྟེན་སྐྱོང་བ་བཞི་ལ་སོགས་པས་ང་ལ་བལྟ་བའི་ཕྱིར་འོངས་པ་ཡང་མ་ཡིན་གྱི། གང་སྦྲུལ་གདུག་པ་དགེ་སློང་གིས་བཟོད་པར་བྱས་པ་དེ་ང་ལ་སེམས་མངོན་དུ་དད་ནས་དུས་ལས་འདས་པ་དང་། སུམ་བཅུ་རྩ་གསུམ་རིས་ཀྱི་ལྷའི་
D7a.013.0146b07.01