完整藏文原文 · 德格版页 当前仅加载第 13 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ཕུལ་ནས་དེ་དག་གིས་བཙོངས་ཏེ་བགོས་སོ། །དགེ་སློང་དེ་ཕྱིར་སོས་ཏེ་ལངས་ནས་ཆོས་གོས་གསུམ་གྱིས་ཕོངས་པར་གྱུར་ཏེ། དེ་ལྟར་གྱུར་པ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་
D7a.013.0166a01.01སློང་དག་གིས་དགེ་སློང་ལ་དགེ་འདུན་གྱི་ཕྱིར་ཆོས་གོས་གསུམ་མ་བསླང་ཤིག་བསླངས་ན་འདས་པ་དང་བཅས་པར་འགྱུར་རོ། །དགེ་འདུན་གྱིས་ཀྱང་མ་བླང་ཤིག །དེ་སྟེ་བླངས་ན་ཡང་མ་འགེད་ཅིག །བགོས་ན་འདས་པ་དང་བཅས་པར་འགྱུར་རོ། །རྐྱང་པའི་སྒོ་གཉིས་
D7a.013.0166a02.01པའི་མདོའི་ཚིགས་སུ་བཅད་པ་གཉིས་སོ།། །།མདོར་ན། གཉི་ག་ལ་ཡང་གནང་བ་དང་། །རྣམ་པ་ཐ་དད་རྗེས་སུ་གནང་། །སུམ་ཆ་དང་ཡང་དགེ་ཚུལ་དང་། །དགེ་སློབ་མ་དང་དགེ་ཚུལ་མ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་
D7a.013.0166a03.01ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དྲུག་བཅུ་ཞིག་ལྗོངས་རྒྱུ་བ་སྤྱོད་ཅིང་རི་བྲགས་ཀྱི་གྲོང་ཞིག་ཏུ་ཕྱིན་ནས་དེ་ན་ཁྱིམ་བདག་དད་པ་ཞིག་གནས་པས་དེས་དེ་དག་དེའི་ཁྱིམ་དུ་བཤོས་ལ་སྤྱན་དྲངས་ནས་དེས་དགེ་སློང་རེ་རེ་ཞིང་རས་ཡུག་རེ་རེ་དབུལ་ལོ་སྙམ་དུ་བསམས་
D7a.013.0166a04.01སོ། །དེ་དག་ཟན་ཟ་བ་ལ་ཞུགས་པ་དང་། དགེ་སློང་མ་དྲུག་བཅུ་ཞིག་ཀྱང་ལྗོངས་རྒྱུ་བ་སྤྱོད་ཅིང་རི་བྲགས་ཀྱི་གྲོང་དེར་ཕྱིན་པ་དང་། བསོད་སྙོམས་སློང་བ་ལ་ཞུགས་སོ། །གཞན་ཞིག་གིས་ཁྱིམ་བདག་འདིའི་ཁྱིམ་ན་དགེ་སློང་དག་བཤོས་གསོལ་གྱིས་དེར་བཞུད་ཅིག་ཅེས་
D7a.013.0166a05.01སྨྲས་པ་དང་། དེ་དག་དེར་དོང་སྟེ་དེ་དག་གིས་ཀྱང་ཟན་ཟོས་པ་དང་། དེ་ནས་ཁྱིམ་བདག་དེས་རས་ཡུག་དྲུག་བཅུ་ཞིག་རྒན་རིམས་ཀྱི་མདུན་དུ་བཞག་གོ། །དགེ་སློང་དག་ཇི་ལྟ་བུར་བགོ་བ་མི་ཤེས་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་།
D7a.013.0166a06.01བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་སྡེ་གཉིས་ཀྱིས་འཐོབ་པ་ཡིན་གྱིས། དགེ་འདུན་སྡེ་གཉིས་སུ་གོས་ཤིག །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཅིག་གིས་གཙུག་ལག་ཁང་ཞིག་བརྩིགས་ཏེ། དེས་དེའི་ཞལ་
D7a.013.0166a07.01