完整藏文原文 · 德格版页 当前仅加载第 13 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
དང་དྲེགས་བྱེད་ཅིང་། །སྐྱིད་པ་བྱེད་པ་བོར་བྱས་ཏེ། །ཚངས་པ་བླ་མའི་ཁང་པ་ནས། །ཅི་ཡི་ཕྱིར་ནི་ཁྱོད་འདིར་འོངས། །བུ་མོ་མཛའ་མོས་སྨྲས་པ། རྟག་ཏུ་དགའ་དང་དྲེགས་བྱེད་ཅིང་། །སྐྱིད་པ་བྱེད་པ་བོར་བྱས་ཏེ། །ཚངས་པ་བླ་མའི་ཁང་པ་ནས། །
D7a.013.0107b01.01འདིར་ནི་འོང་བར་འདོད་གྱུར་པ། །ཡུན་རིང་པོ་ཡི་ལས་ཀྱིས་གཉེར། །ལས་ཀྱིས་རིང་ནས་གཉེར་ནས་ཀྱང་། །གང་དུ་ལས་ཀྱིས་གཉེར་བ་དེར། །ལས་ཀྱང་རྣམ་པར་སྨིན་པར་གྱུར། །ལས་གང་རྣམ་པར་སྨིན་པས་ན། །འཁོར་ལོ་འབར་དང་རབ་འབར་བ། །
D7a.013.0107b02.01བདག་གི་སྲོག་ལ་གནོད་གྱུར་ཏེ། །ཀླད་ལ་འཁོར་ལོ་འབར་བར་གྱུར། །མི་དེས་སྨྲས་པ། ཁྱོད་ཀྱིས་ངན་པའི་སེམས་བསྐྱེད་དེ། །དཀའ་བ་བྱེད་པའི་མ་ཡི་མགོར། །ཁྱོད་ཀྱིས་རྡོག་པ་བརྒྱབ་པས་ན། །དེ་ཡི་ལས་ཀྱི་འབྲས་བུ་ཡིན། །བུ་མོ་མཛའ་
D7a.013.0107b03.01མོས་སྨྲས་པ། འཁོར་ལོ་འབར་བ་རབ་འབར་བ། །བདག་གི་སྲོག་ལ་གནོད་བྱེད་པ། །ལོ་གྲངས་སྟོང་ཕྲག་ཇི་སྲིད་དུ། །ང་ཡི་ཀླད་ན་འཁོར་བར་འགྱུར། །མི་དེས་སྨྲས་པ། ལོ་གྲངས་སྟོང་ཕྲག་དྲུག་བཅུ་དང་། །ལོ་གྲངས་བརྒྱ་ཡི་བར་དུ་ནི། །འབར་
D7a.013.0107b04.01བའི་ལྕགས་ཀྱི་འཁོར་ལོས་ཀྱང་། །ཁྱོད་ཀྱི་མགོ་ལ་འཇོག་པར་བྱེད། །དེ་ནས་བུ་མོ་མཛའ་མོ་དེས་མི་དེ་ལ་ཀྱེ་སྐྱེས་བུ་གཞན་དག་ཀྱང་འདིར་འོང་བ་ལྟ་ཡོད་དམ་ཞེས་སྨྲས་པ་དང་། མི་དེས་སྨྲས་པ། གང་གིས་ལས་འདི་ལྟ་བུ་བྱས་པ་དག་ནི་འདིར་འོང་བར་འགྱུར་
D7a.013.0107b05.01རོ། །དེ་ནས་བུ་མོ་མཛའ་མོ་སྡུག་བསྔལ་གྱིས་མངོན་དུ་གཟིར་བ་དང་། སེམས་ཅན་རྣམས་ལ་སྙིང་རྗེ་བ་བསྐྱེད་ནས་མི་དེ་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་ངས་སེམས་ཅན་ཐམས་ཅད་ཀྱི་ཕྱིར་འཁོར་ལོ་འདི་མགོ་ལ་བཟོད་པར་བྱས། གཞན་གང་གིས་འདི་འདྲ་བའི་ལས་
D7a.013.0107b06.01བྱས་པ་དེ་དག་འདིར་མ་འོང་ཤིག་ཅེས་སྨྲས་མ་ཐག་ཏུ་བུ་མོ་མཛའ་མོ་བྱང་ཆུབ་སེམས་དཔའ་དེའི་མགོ་ལས་འཁོར་ལོ་དེ་ཤིང་ཏ་ལ་བདུན་ཙམ་དུ་ནམ་མཁའ་ལ་འཕགས་ནས་འདུག་པ་དང་། དེ་ཡང་དུས་འདས་ཏེ་དགའ་ལྡན་གནམ་གྱི་ལྷའི་ཁམས་སུ་སྐྱེས་སོ་ཞེས་བཅོམ་ལྡན་
D7a.013.0107b07.01