完整藏文原文 · 德格版页 当前仅加载第 13 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་རྣམས་ནི་ཐ་མའོ། །འདུལ་བ་མ་ཡིན་པ་བཅུ་ནི་མི་དགེ་བ་བཅུའི་ལས་ཀྱི་ལམ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། ཕྲ་མ་དང་། ཚིག་རྩུབ་མོ་དང་། ཚིག་འཁྱལ་བ་
D7a.013.0042a01.01དང་། ངན་དུ་སེམས་པ་དང་། ཆགས་པ་དང་། ལོག་པར་ལྟ་བའོ། །གཞན་ཡང་འདུལ་བ་མ་ཡིན་པ་བཅུ་ནི་ལོག་པའི་ཡན་ལག་བཅུ་སྟེ། ལོག་པར་ལྟ་བ་དང་། ལོག་པར་རྟོག་པ་དང་། ལོག་པར་སྨྲ་བ་དང་། ལོག་པའི་ལས་ཀྱི་མཐའ་དང་། ལོག་པར་འཚོ་བ་
D7a.013.0042a02.01དང་། ལོག་པར་རྩོལ་བ་དང་། ལོག་པའི་དྲན་པ་དང་། ལོག་པའི་ཏིང་ངེ་འཛིན་དང་། ལོག་པའི་རྣམ་པར་གྲོལ་བ་དང་། ལོག་པའི་ཡེ་ཤེས་སོ། །འདུལ་བ་བཅུ་ནི་དགེ་བའི་ལས་ཀྱི་ལམ་བཅུ་སྟེ། སྲོག་གཅོད་པ་ལས་སླར་ལྡོག་པ་དང་། མ་བྱིན་པ་ལེན་པ་ལས་
D7a.013.0042a03.01སླར་ལྡོག་པ་དང་། འདོད་པས་ལོག་པར་སྤྱོད་པ་ལས་སླར་ལྡོག་པ་དང་། {བརྫུན་,རྫུན་}དུ་སྨྲ་བ་ལས་སླར་ལྡོག་པ་དང་། ཕྲ་མ་ལས་སླར་ལྡོག་པ་དང་། ཚིག་རྩུབ་མོ་སྨྲ་བ་ལས་སླར་ལྡོག་པ་དང་། ཚིག་འཁྱལ་བ་སྨྲ་བ་ལས་སླར་ལྡོག་པ་དང་། ངན་དུ་སེམས་པ་དང་། ཆགས་པ་
D7a.013.0042a04.01དང་། ལོག་པར་ལྟ་བ་རྣམས་ལས་སླར་ལྡོག་པ་རྣམས་སོ། །གཞན་ཡང་འདུལ་བ་བཅུ་ནི་ཡང་དག་པའི་ཡན་ལག་བཅུ་སྟེ། ཡང་དག་པར་ལྟ་བ་དང་། ཡང་དག་པར་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་
D7a.013.0042a05.01བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་དང་། ཡང་དག་པའི་རྣམ་པར་གྲོལ་བ་དང་། ཡང་དག་པའི་ཡེ་ཤེས་སོ། །གཞན་ཡང་འདུལ་བ་བཅུ་སྟེ། སངས་རྒྱས་ཀྱི་དུས་སུ་བྱུང་བ་དང་། དུས་ཐམས་ཅད་དུ་བྱུང་
D7a.013.0042a06.01བ་དང་། ཉི་ཚེ་བའི་དུས་སུ་བྱུང་བ་དང་། ཐམས་ཅད་དུ་འགྲོ་བ་དང་། དུས་ཀྱི་འདུལ་བ་དང་། ཡུལ་གྱི་འདུལ་བ་དང་། གང་ཟག་གི་འདུལ་བ་དང་། གནས་ཀྱི་འདུལ་བ་དང་། རྩོལ་བའི་འདུལ་བ་དང་། ཉོན་མོངས་པའི་འདུལ་བའོ། །བསྡུ་བ་བཅུ་སྟེ། ལྷུང་
D7a.013.0042a07.01