完整藏文原文 · 德格版页 当前仅加载第 13 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་སྣུམ་བག་སྔར་ཟོ་ཤིག་དང་ཕྱིས་བཀྲུ་སྨན་གཏང་ངོ་ཞེས་སྨྲས་པ་དང་། དེ་སྣུམ་བག་ཟ་བ་ལ་ཞུགས་སོ། །ཇི་ཙམ་ཞིག་ན་དེའི་གྲོང་དུ་ཉེ་བར་འགྲོ་བའི་དགེ་སློང་དེར་འོངས་ནས་དེས་ཁྱིམ་བདག་ཅི་བྱེད་ཅིང་འདུག་ཅེས་སྨྲས་པ་དང་། དེས་ཇི་ལྟར་གྱུར་པ་ཞིབ་
D7a.013.0111b01.01ཏུ་སྨྲས་སོ། །དེས་ཁྱིམ་བདག་ཁོ་བོ་བཀྲུ་སྨན་གཏོང་བ་རབ་ཏུ་མཁས་ཀྱིས་སྨན་པ་ལ་སྦྱིན་པ་དེ་ཁོ་བོ་ལ་བྱིན་ཅིག་དང་། ངས་ཁྱོད་ལ་བཀྲུ་སྨན་བཏང་ངོ་ཞེས་སྨྲས་པ་དང་། ཁྱིམ་བདག་དེས་ལེགས་ཀྱིས་དེ་བཞིན་དུ་བགྱིའོ་ཞེས་སྨྲས་ནས་དེས་དེ་བཀྲུ་
D7a.013.0111b02.01སྨན་བཏང་ནས་གཙུག་ལག་ཁང་དུ་ལངས་ཏེ་སོང་ངོ་། །ཁྱིམ་བདག་དེའི་བཀྲུ་སྨན་མཆོད་ནས་དེའི་ཉེ་དུ་དག་སོང་སྟེ་སྨན་པ་ལ་དྲིས་པ། ཁྱིམ་བདག་དེ་བཀྲུ་སྨན་མཆོད་ན་ཐབས་ཇི་ལྟ་བུར་བགྱི་ཞེས་སྨྲས་པ་དང་། དེ་ལ་བཀྲུ་སྨན་སུས་བླུད། དེ་དག་གིས་
D7a.013.0111b03.01འཕགས་པ་འདི་ཞེས་བྱ་བས་བླུད་དོ་ཞེས་སྨྲས་པ་དང་། དེ་ཁྲོས་ནས་དེ་ཉིད་ཀྱི་གན་དུ་སོང་ལ་དྲིས་ཤིག་ཅེས་སྨྲས་སོ། །དེ་དག་གིས་དེ་དེའུ་ཤི་བ་ལས་སོས་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D7a.013.0111b04.01ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་གིས་རྔན་པ་ལེན་ཅིང་སྨན་མ་གཏོང་ཤིག །དེ་སྟེ་བཀྲུ་སྨན་བཏང་ན་ཡང་གུད་དུ་མ་འགྲོ་ཤིག །དེ་འདྲ་བའི་རྐྱེན་ཅིག་བྱུང་ན་ཡང་སྨན་དཔྱད་སྟོན་ལ་སོང་ཤིག །དེ་བཞིན་དུ་མ་བྱས་པར་སོང་ན་ཡང་འདས་པ་དང་
D7a.013.0111b05.01བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། ནོར་བདག་གིས་ནོར་ཆགས་པ་བཟུང་སྟེ། དེས་དེ་ལ་དུས་འདི་ཙམ་ཞིག་ན་བྱིན་ཅིག་ཅེས་དུས་བཏབ་ནས་བཏང་ངོ་། །དེས་བསམས་པ། དེ་ལྟར་དུས་བཏབ་ཏུ་ཟིན་ཀྱང་ངས་དུས་བཞིན་དུ་གཞལ་བར་
D7a.013.0111b06.01མི་ནུས་ཀྱིས་ཇི་ནས་དུས་ལ་བབ་ན་བྲོས་ཏེ་འགྲོའོ་སྙམ་དུ་བསམས་སོ། །ཕྱིས་ཡང་བསམས་པ། ཡུལ་དང་བྲལ་ཏེ་འགྲོ་བ་ཡང་རབ་ཏུ་སྡུག་བསྔལ་གྱིས་ཇི་ནས་ནོར་བདག་དེ་གསད་དོ་སྙམ་བསམས་ནས་དེ་ཛེ་ཏའི་ཚལ་དུ་འགྲོ་བའི་ལམ་དུ་དེས་དེ་བསད་དོ། །ཇི་ཙམ་
D7a.013.0111b07.01