完整藏文原文 · 德格版页 当前仅加载第 13 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་སྟེ། ཚེ་དང་ལྡན་པ་ཉེ་དགའ་བོ་ལ་རབ་ཏུ་འབྱུང་བར་འདོད་པ་ཞིག་འོངས་ནས་དེས་དེ་ལྷུང་བཟེད་མེད་པར་རབ་ཏུ་ཕྱུང་ངོ་། །དེའི་ཚེ་ན་དགེ་སློང་དག་གིས་ལྷུང་བཟེད་བཀྲུས་ནས་ལྷུང་བཟེད་བཞག་པའི་སར་བཞག་སྟེ། མཆོད་རྟེན་ལ་ཕྱག་བྱས་
D7a.013.0099a01.01ནས་བདག་བདག་གི་ལྷུང་བཟེད་བླངས་ཏེ་ཟས་ཟ་བའི་གནས་སུ་འཁོད་དོ། །གང་གི་ཚེ་དགེ་སློང་དག་ཟས་ཟ་བའི་ཚེ་ལྷུང་བཟེད་དག་བཀྲུས་ནས་མཆོད་རྟེན་ལ་ཕྱག་བྱེད་པ་ལ་ཞུགས་པ་དང་། གསར་དུ་རབ་ཏུ་བྱུང་བ་དེ་ཡང་དེ་དག་དང་ལྷན་ཅིག་ཏུ་ཕྱག་བྱས་
D7a.013.0099a02.01ནས་གང་གི་ཚེ་དགེ་སློང་དག་མཆོད་རྟེན་ལ་ཕྱག་བྱས་ཏེ་ལག་པ་བཀྲུས་པ་དང་། གསར་དུ་རབ་ཏུ་བྱུང་བ་དེས་ཀྱང་གནས་བརྟན་ཀུན་ཤེས་ཀཽཎྜི་ནྱའི་ལྷུང་བཟེད་བླངས་པ་དང་། དེས་སླར་བཟློག་གོ། །དེ་ནས་གང་པོ་དང་། མིང་ཆེན་དང་། མ་འགགས་པ་དང་། ཤཱ་
D7a.013.0099a03.01རིའི་བུ་དང་། མཽད་གལ་གྱི་བུ་དང་། འོད་སྲུང་དང་། ཀུན་དགའ་བོ་དང་། རེ་བ་ཏི་ལ་སོགས་པའི་ལྷུང་བཟེད་བླངས་ཏེ། དེ་དག་གིས་ཀྱང་སླར་བཟློག་པ་དང་། དེ་མཆི་མས་མིག་གང་བཞིན་དུ་ཕྱོགས་གཅིག་ཏུ་འདུག་གོ། །འདོད་ཆགས་དང་མ་བྲལ་བའི་དགེ་སློང་
D7a.013.0099a04.01དག་འདི་ལྟར་ལྷུང་བཟེད་དག་མེད་པར་སུས་རབ་ཏུ་ཕྱུང་ཞེས་ཕྱས་འདོགས་སོ། །ཁ་ཅིག་གིས་ནི་ཉེ་དགའ་བོ་ཡིན་ནོ་ཞེས་སྨྲས་ནས། དེ་དག་གིས་ཉེས་པ་སྦོམ་པོ་ལ་སྤྱོད་པ་དེ་མ་གཏོགས་པར་གཞན་སུ་ཞིག་དེ་ལྟར་བྱེད་ཅེས་སྨྲས་པ་དང་། དེ་ལྟར་གྱུར་པ་དགེ་སློང་
D7a.013.0099a05.01དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འདི་རྣམས་འཕྱ་བ་ནི་ཡུས་ཏེ། དེ་བས་ན་དགེ་སློང་དག་གིས་ལྷུང་བཟེད་མེད་པར་རབ་ཏུ་མ་དབྱུང་བར་དང་པོར་ལྷུང་བཟེད་དག་ཚོལ་ལ་གདོད་རབ་ཏུ་ཕྱུང་ཤིག །དེ་སྟེ་
D7a.013.0099a06.01མི་འབྱོར་ན་བདག་གིས་ལྷུང་བཟེད་ཆུང་ངུ་བྱིན་ཅིག །དགེ་སློང་གིས་ལྷུང་བཟེད་མེད་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་མ་འགགས་པ་ལ་ཉེ་གནས་གཞོན་ནུ་ལྷུང་བཟེད་འཛིན་པ་ཞིག་ཡོད་པ་དེས་
D7a.013.0099a07.01