完整藏文原文 · 德格版页 当前仅加载第 13 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
པོར་བྱུགས་ཏེ། དུས་སུ་རིམ་བཞིན་དུ་སྟན་རྣམས་བཏིང་ལ། ཆུ་གཙང་མའི་རིལ་བ་རྣམས་དང་། བཤང་སའི་རིལ་བའང་ཆུས་དགང་བར་བྱ། མེ་ཡང་ཉེ་བར་གཞག་པར་བྱ། མེ་མར་དང་། མེ་མར་གྱི་ཀོང་བུ་དང་། མེ་མར་གྱི་སྡོང་བུ་དང་། ལག་གི་
D7a.013.0239b01.01ཚུལ་ཤིང་ཡང་ཉེ་བར་གཞག་པར་བྱ་སྟེ། གལ་ཏེ་གསོ་སྦྱིན་མ་བྱས་པའི་དགེ་སློང་དག་འོངས་ན་དེ་དང་ལྷན་ཅིག་ཏུ་གསོ་སྦྱིན་བྱ་ཞིང་སོ་སོར་ཐར་པའི་མདོ་བཀླགས་པའང་བསྒྲག་པར་བྱའོ། །གལ་ཏེ་མ་འོངས་ནས་ཕྱོགས་མཐོ་བ་དེར་འཛེགས་ཏེ། དེར་འགྲེངས་
D7a.013.0239b02.01ནས་ཕྱོགས་བཞི་ཀུན་ཏུ་བལྟས་ལ་དེ་སྟེ་འགའ་ཞིག་འོངས་ན། དེས་ཚེ་དང་ལྡན་པ་མྱུར་དུ་ཤོག་ཤིག །གསོ་སྦྱིན་བྱའོ་ཞེས་བོད་དེ། དེ་སྟེ་སུའང་མི་འོང་ན་དེས་དེ་ནས་བབས་ཏེ་དུས་ཀྱི་མཐར་གྱུར་གྱི་བར་དུ་སྡོད་ལ་འདུག་སྟེ། རྐྱང་པ་གསུམ་པ་བརྗོད་པར་བྱ། སྦྱིན་པའི་
D7a.013.0239b03.01ཡོན་ཏན་བཀླག་པར་བྱ་སེམས་བསྐྱེད་པར་བྱ། ཁ་ནས་ཀྱང་དེང་ནི་དགེ་འདུན་གྱི་བཅོ་ལྔའི་གསོ་སྦྱིན་ཏེ། བདག་དགེ་སློང་མིང་འདི་ཞེས་བྱ་བའི་ཡང་དེང་བཅོ་ལྔའི་གསོ་སྦྱིན་ཏེ། བར་ཆད་ཀྱི་ཆོས་རྣམས་ཀྱང་ཡོངས་སུ་དག་གིས་ལྷ་རྣམས་ཀྱིས་ཀྱང་བདག་དགེ་སློང་མིང་འདི་
D7a.013.0239b04.01ཞེས་བགྱི་བ་ཡོངས་སུ་དག་པར་ཟུང་ཤིག །འདིར་ནི་ཚུལ་ཁྲིམས་ཀྱི་ཕུང་པོ་ཡོངས་སུ་བསྐང་བའི་ཕྱིར་གསོ་སྦྱིན་བྱིན་གྱིས་བརླབ་པར་བྱ་སྟེ། ནམ་དགེ་འདུན་མཐུན་པར་ཚོགས་པ་དེ་ནི་གསོ་སྦྱིན་རྒྱས་པར་མྱོང་བ་དང་སོ་སོར་ཐར་པའི་མདོ་ཡང་མྱང་བར་བྱའོ་ཞེས་དེ་ལྟར་ལན་
D7a.013.0239b05.01གཉིས་ལན་གསུམ་དུ་བརྗོད་པར་བྱའོ། །ཇི་ལྟར་དགེ་སློང་གཅིག་ལ་དེ་བཞིན་དུ་དགེ་སློང་གཉིས་སམ། གསུམ་གནས་ཀྱང་རུང་སྟེ། དེ་བཞིན་དུ་མངོན་དུ་སྦྱང་བར་བྱ། སེམས་བསྐྱེད་པར་བྱའོ། །གཅིག་ལ་གཅིག་བརྗོད་པར་བྱ། དེ་ལྟར་བྱས་ན་གསོ་སྦྱིན་བྱས་པ་ཡིན་ཏེ།
D7a.013.0239b06.01འདི་ནི་བྱིན་གྱིས་བརླབ་པ་ཞེས་བྱའོ། །སྨྱོས་པའི་སྡོམ་པ་གང་ཞེ་ན། དགེ་སློང་གང་མྱོས་པར་གྱུར་ལ་སེམས་འཁྲུགས་ཤིང་ནད་ཀྱིས་གཟིར་བ་དེ་ལ་སྨྱོས་པའི་སྡོམ་པ་གསོལ་བ་དང་གཉིས་ཀྱི་ལས་ཀྱིས་སྦྱིན་པར་བྱ་བ་ནི་ཇི་ལྟར་ཚེ་དང་ལྡན་པ་བྱེ་མ་ཅན་བཞིན་རྒྱས་པར་སྦྱར་ཏེ།
D7a.013.0239b07.01