完整藏文原文 · 德格版页 当前仅加载第 13 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རྒོལ་བ་དང་ལན་གློན་པའི་དགེ་སློང་རྣམས་ལས་སྙན་ཚིག་ཏུ་སྨྲ་བ་དང་། ཕྱག་བྱེད་པ་དང་། སྔར་ལྡང་བ་དང་། ཐལ་མོ་སྦྱོར་བ་དང་། ཕྱག་བྱས་པར་གྱུར་པ་རྣམས་བདག་གིར་མ་བྱེད་ཅིག །དེ་དག་བསྙེན་བཀུར་བྱེད་ན་ཡང་ཉམས་སུ་མ་ལེན་ཅིག །ལྷུང་བཟེད་འབུལ་ན་ཡང་
D7a.013.0279b01.01མི་བླང་། ཆོས་གོས་འབུལ་ན་ཡང་མི་བླང་། ཟས་འབུལ་ན་ཡང་མི་བླང་། ཡོ་བྱད་གཞན་ཅི་ཡང་རུང་དབུལ་བ་བདག་གིར་མི་བྱའོ། །དེས་ཀྱང་དེ་དག་ལ་བསྙེན་བཀུར་མི་བྱ། ལྷུང་བཟེད་མི་སྦྱིན། ཆོས་གོས་མི་སྦྱིན། དེ་དག་ལས་ལུང་སྟོན་པར་ཡང་མི་བླང་། དྲན་པར་
D7a.013.0279b02.01བྱ་བ་ཡང་མ་ཡིན། རྣལ་འབྱོར་ཡང་མ་ཡིན། ཡིད་ལ་བྱ་བ་ཡང་མ་འདྲི་ཤིག །དེས་ཀྱང་དེ་དག་ལ་ལུང་བསྟན་པ་མ་སྦྱིན་ཅིག །དྲན་པར་བྱ་བ་མ་ཡིན། ཀུན་དྲི་བ་མ་ཡིན། རྣལ་འབྱོར་མ་ཡིན། ཡིད་ལ་བྱ་བ་ཡང་མི་བསྒོའོ། །སྟན་གཅིག་ལ་འདུག་པར་མི་བྱ།
D7a.013.0279b03.01འཆག་ས་གཅིག་ཏུ་འཆག་པར་མི་བྱ། གནས་ཁང་གཅིག་ཏུ་འཁོད་པར་མི་བྱ། གཞན་དུ་ཚིག་འདི་སྐད་ཅེས་བརྗོད་དོ། །ཚེ་དང་ལྡན་པ་ཁྱེད་ཀྱིས་འདི་ལྟ་བུ་ལས་ལེགས་པར་རྙེད་པ་ཅི་ཡོད་ན་འདི་ལྟར་ཁྱེད་ཀྱིས་ལེགས་པར་གསུངས་པ་ཆོས་འདུལ་བ་ལས་རབ་ཏུ་བྱུང་ན་ཐབ་མོ་བྱེད་པ་
D7a.013.0279b04.01ལ་ཞུགས་ཤིང་རྣམ་པར་བཟུང་ནས་རྩོད་པ་ལ་ཞུགས་ཏེ། ཚེ་དང་ལྡན་པ་རྣམས་རྩོད་པ་གཉིས་སུ་གྱུར་པ་ནི་གཉི་ག་རྒྱལ་བར་མི་འགྱུར་གྱི། དེ་དག་གཏན་ལ་ཕབ་ན་གཅིག་ནི་རྒྱལ་བར་འགྱུར། གཅིག་ནི་ཕམ་པར་འགྱུར་གྱིས་ཚེ་དང་ལྡན་པ་རྣམས་འདི་ལྟར་སོ་སོར་རྩོད་པ་དང་། རྣམ་
D7a.013.0279b05.01པར་རྩོད་པ་དང་། མི་མཐུན་པར་སྨྲ་བ་དེ་ལྟ་བུ་དེ་ཐོང་ཤིག་ཅེས་བྱ་བ་དེ་ནི་གཟུ་བོས་བྱ་བ་ཞེས་བྱའོ། །དེའི་ངོ་བོ་ཉིད་ཚོལ་བ་བྱིན་པས་བྱ་བ་གང་ཞེ་ན། དགེ་སློང་གང་གིས་ཉེས་པ་སྤྱོད་པ་དེ་ཁས་ལེན་ཁས་བླངས་པ་ལས་བསྙོན། བསྙོན་པ་ལས་ཀྱང་སླར་ཁས་ལེན་པ་དེ་ལ་དགེ་འདུན་གྱིས་བཞག་
D7a.013.0279b06.01པ་མ་ཡིན་པ་བསྐྱོ་བ་མ་ཡིན་པ་གསོལ་བ་དང་བཞིའི་ལས་ཀྱིས་དེའི་ངོ་བོ་ཉིད་ཚོལ་བ་བྱིན་ཅིག །དེའི་ངོ་བོ་ཉིད་ཚོལ་བ་བྱིན་པའི་དགེ་སློང་གིས་བྱ་བ་འདི་ལྟ་བུ་ལ་འཇུག་པར་བྱའོ། །དེའི་ངོ་བོ་ཉིད་ཚོལ་བ་བྱིན་པའི་དགེ་སློང་གིས་རབ་ཏུ་དབྱུང་བར་མི་བྱ་བ་ནས་སྔ་མ་བཞིན་ཏེ། གང་ལ་དགེ་འདུན་གྱིས་
D7a.013.0279b07.01