完整藏文原文 · 德格版页 当前仅加载第 13 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེས་བཅོམ་ལྡན་འདས་དགྲོངས་པའི་སླད་དུ་དོང་ཆེན་པོའི་ནང་དུ་སེང་ལྡེང་གི་མེ་མདག་གིས་བཀང་ངོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷ་གང་འདོད་ཆགས་ཀྱི་མེ་དང་། ཞེ་སྡང་གི་མེ་དང་། གཏི་མུག་གི་མེ་དག་ཀྱང་ཡེ་ཤེས་ཀྱི་
D7a.013.0171b01.01ཆུས་བཏབ་ན་ཞི་བར་འགྱུར། མེའི་ནང་ན་ཐ་མ་དེས་ཅི་ཞིག་བྱར་ཡོད་ཀྱིས་མྱ་ངན་མ་བྱེད་པར་འདུག་ཤིག །ལྷ་བྲན་གྱིས་གསོལ་པ། དེ་གཅིག་པུ་མ་ལགས་ཀྱི་གཞན་དག་གིས་ཀྱང་བཅོམ་ལྡན་འདས་དགྲོངས་པའི་སླད་དུ་བྱ་བ་སྦྱར་ཏེ། དུག་རྣོན་པོ་མི་བཟད་པས་ཁ་ཟས་
D7a.013.0171b02.01དང་བཏུང་བའི་ནང་དུ་སྦྱར་ཏོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷ་དུག་གི་གཉེན་པོ་ཡེ་ཤེས་ཀྱིས་འདོད་ཆགས་ཀྱི་དུག་དང་། ཞེ་སྡང་གི་དུག་དང་། གཏི་མུག་གི་དུག་ཀྱང་རབ་ཏུ་བཏང་། རབ་ཏུ་སྐྱུགས། རབ་ཏུ་བོར་ན་དུག་གི་ནང་ན་ཐ་མ་དེས་
D7a.013.0171b03.01བྱར་ཅི་ཞིག་ཡོད། བདག་སླར་ལོག་ལ་བདག་གི་ལས་ལ་ནན་ཏན་བྱོས་ཤིག །དེ་ནས་བཅོམ་ལྡན་འདས་རྒྱལ་པོའི་ཁབ་ཏུ་བྱོན་པ་དང་། རྒྱལ་པོའི་ཁབ་ན་གནས་པའི་ལྷ་དག་གིས་སྔ་མ་བཞིན་དུ་གསོལ་པ་དང་། ལྷ་དེ་དག་ལ་བཅོམ་ལྡན་འདས་ཀྱིས་ལྷ་སྔ་མ་བཞིན་དུ་བསྒོ་སྟེ་
D7a.013.0171b04.01སླར་བཀྱེའོ། །དེ་ནས་དཔལ་སྦེད་ཀྱི་ཁང་པའི་སྒོར་བྱོན་པ་དང་དཔལ་སྦེད་ཀྱི་ཁྱིམ་གྱི་ལྷས་སྔ་མ་བཞིན་དུ་གསོལ་པ་དང་། བཅོམ་ལྡན་འདས་ཀྱིས་ལྷ་དེ་དག་ཀྱང་ལྷ་སྔ་མ་བཞིན་དུ་བསྒོ་སྟེ་སླར་བཀྱེའོ། །དེ་ནས་དཔལ་སྦེད་ཀྱི་ཆུང་མས་བསམས་པ། ད་ནི་བཅོམ་ལྡན་འདས་
D7a.013.0171b05.01སྒོ་དང་པོར་ཕྱིན་ཅིང་ད་ཙམ་ནི་དོང་གི་སྟེང་དུ་ཞབས་གཞོག་གོ། །ད་ཙམ་ནི་དོང་གི་ཁ་རྩྭས་གཡོགས་པའི་སྟེང་ནས་ལྷུང་སྟེ་ད་ཙམ་ནི་བཅོམ་ལྡན་འདས་མེའི་ནང་དུ་ལྷུང་བས་དུད་པས་ཀྱང་འཚལ། མཆི་མ་ཡང་བྱུང་། མེ་ལྕེས་ཆོས་གོས་ཚིག་པའི་དུད་པའང་བྱུང་ངོ་སྙམ་ནས་མི་
D7a.013.0171b06.01དགའ་བ་དེས་ཁང་པའི་ནང་དུ་བཅུག་པས་ཡིད་མི་དགའ་བ་སྐྱེས་ནས་མིག་མཆི་མས་གང་ཞིང་ངོ་འཛུམ་གནགས་ནས་བརྟབས་མི་དགེ་བ་ལ་རྟོག་སྟེ་ངུ་ཞིང་འདུག་གོ། །དེ་ནས་བཅོམ་ལྡན་འདས་སེམས་ཅན་ཐམས་ཅད་ལ་ཕན་པ་ལ་རབ་ཏུ་འཇུག་པའི་ཡིད་ཀྱིས་སྒོ་བར་མར་
D7a.013.0171b07.01