完整藏文原文 · 德格版页 当前仅加载第 13 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་དུར་ཁྲོད་ཀྱི་ནང་དུ་དོང་བ་དང་། སྦྲུལ་གྱིས་རེག་པར་གྱུར་ནས་དེ་ལྟ་བུར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྦྲུལ་རྣམས་བསྐྲད་པའི་ཕྱིར་སྒྲ་དང་བཅས་པའི་ཁར་བ་འཆང་བར་གནང་
D7a.013.0273a01.01སྟེ། འདི་ནི་ཁར་བའི་རབ་ཏུ་ལྡན་པ་ཞེས་བྱའོ། །དྲ་བའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་ན་བ་དང་རྒས་པ་ལ་དྲ་བ་གནང་སྟེ། དགེ་སློང་གིས་ཚོན་སྣ་ཚོགས་ཀྱིས་དྲ་བ་བརྒྱན་པའི་ཕྱིར་མ་འཆང་ཤིག །འདི་ནི་དྲ་བའི་རབ་ཏུ་ལྡན་པ་ཞེས་བྱའོ། །ཁར་བ་
D7a.013.0273a02.01དང་དྲ་བའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་ན་བ་དང་རྒས་པ་ལ་ཁར་བ་དང་དྲ་བའི་སྡོམ་པ་གསོལ་བ་དང་གཉིས་ཀྱི་ལས་ཀྱིས་བྱིན་ཅིག་པར་རྗེས་སུ་གནང་སྟེ། རྒྱས་པར་ནི་འདུལ་བ་ལས་འབྱུང་བ་བཞིན་ཏེ། འདི་ནི་ཁར་བ་དང་དྲ་བའི་རབ་ཏུ་ལྡན་པ་ཞེས་བྱའོ། །སྒོག་
D7a.013.0273a03.01སྐྱའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་ན་བ་རླུང་ནད་ཅན་ལ་སྒོག་སྐྱ་རྗེས་སུ་གནང་སྟེ། ཇི་ལྟར་ཚེ་དང་ལྡན་པ་ཤཱ་རིའི་བུ་ལ་གནང་བ་བཞིན་ནོ། །དགེ་སློང་མི་ན་བར་སྒོག་སྐྱ་མ་ཟ་ཤིག །ཟ་ན་འདས་པ་དང་བཅས་པར་འགྱུར་རོ། །དེ་སྟེ་ན་ཟོ་ལ་ཚུལ་བཞིན་དུ་བྱོས་
D7a.013.0273a04.01ཤིག །སྒོག་པའི་ཚུལ་དེ་ནི་འདི་ལྟ་བུ་སྟེ་དགེ་སློང་གིས་སྒོག་སྐྱ་ཟོས་ན་སྟོན་པ་ལ་ལྟར་མ་འགྲོ་ཤིག །མཁན་པོ་དང་སློབ་དཔོན་གྱི་དྲུང་དུ་མ་འགྲོ་ཤིག །བླ་མ་ལ་ཡང་མ་ཡིན། བླ་མའི་གནས་སུ་གྱུར་པ་ཡང་མ་ཡིན་སྟོན་པར་ཡང་མ་བྱེད་ཅིག །ནོད་པར་ཡང་མ་བྱེད་ཅིག །དྲན་
D7a.013.0273a05.01པར་ཡང་མ་ཡིན། འདྲི་བར་ཡང་མ་ཡིན། གྲོང་དུ་ཡང་མ་འཇུག་ཤིག །ཟས་ལ་གྲལ་དུ་ཡང་མི་བཀད། ཐུག་པ་འཐུང་བར་ཡང་མ་ཡིན། སྐྱོ་མ་འཐུང་བར་ཡང་མ་ཡིན། ཆོས་ཉན་པར་ཡང་མ་ཡིན། དགེ་སློང་རྣམས་དང་ལྷན་ཅིག་ཏུ་འདུག་པར་ཡང་མ་བྱེད་ཅིག །འདུ་
D7a.013.0273a06.01བར་ཡང་མ་ཡིན། གཞན་ཅིའི་དོན་ལ་ཡང་རུང་སྟེ། ལྷན་ཅིག་མི་འདུག །གནས་ཁང་དབེན་པར་འདུག་པར་བྱ། དེ་སྟེ་གང་ཟག་གི་གདིང་བ་དང་བགོ་བ་མེད་པར་གྱུར་ན་ཕྱོགས་བཞིའི་དགེ་འདུན་གྱི་ངན་པ་ལས་ལོང་ཤིག །བཤང་གཅིའི་ས་ཡང་ལོགས་ཤིག་ཏུ་བྱོས་ཤིག །དེ་
D7a.013.0273a07.01