完整藏文原文 · 德格版页 当前仅加载第 13 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ལེན་པ་དང་། བཅོམ་ལྡན་འདས་ཀྱིས་བཀའ་སྩལ་པ། སོར་མོས་སྟོན་ཅིང་བླང་བར་མི་བྱའོ། །དེ་དག་གིས་ཐམས་ཅད་ལ་སྙོམས་པར་བྲིམ་མ་ནུས་ནས་འཁྲུགས་པར་གྱུར་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་
D7a.013.0251a01.01ལྡན་འདས་ཀྱིས་བཀའ་སྩལ་པ། གསོལ་བ་ཉི་ཚེ་བ་བྱོས་ལ་གང་ཡོངས་སུ་བཟའ་བར་འདོད་པས་རུང་བར་བྱེད་པ་དེས་དགེ་སློང་གི་རུང་བར་བྱེད་པ་ལྔས་རུང་བར་བྱས་ཏེ། བྱིན་ལེན་བྱོས་ལ་བཟའ་བར་བྱའོ། །འདི་ནི་འབྲས་བུའི་ཡོངས་སུ་སྤྱོད་པ་ཞེས་བྱའོ། །མིའི་ལས་ཡོངས་སུ་སྤྱད་པ་
D7a.013.0251a02.01གང་ཞེ་ན། མིའི་སྟན་གསེར་ལས་བྱས་པའམ། དངུལ་ལས་བྱས་པའམ། ཤེལ་ལས་བྱས་པའམ། བཻ་ཌཱུརྱ་ལས་བྱས་པ་ཡང་རུང་། དགེ་སློང་སྟན་ལ་འདུག་ཅིང་སྣོད་དུ་བཟར་མི་རུང་སྟེ། འདི་ནི་མིའི་ལས་ཡོངས་སུ་སྤྱད་པ་ཞེས་བྱའོ། །མི་མ་ཡིན་པའི་ལས་སྤྱད་པ་གང་ཞེ་ན། ལྷའི་ཁང་
D7a.013.0251a03.01པར་རམ། ཀླུའི་ཁང་པར་རམ། གནོད་སྦྱིན་གྱི་ཁང་པར་ཡང་རུང་སྟེ། གསེར་ལས་བྱས་པའམ། དངུལ་ལས་བྱས་པའམ། ཤེལ་ལས་བྱས་པའམ། བཻ་ཌཱུརྱ་ལས་བྱས་པའི་ས་གཞི་ལས་འགྲོ་བ་དང་། སྐས་ལ་འཛེག་པ་དང་། སྟན་ལ་འདུག་པ་དང་། སྣོད་ལ་ཡོངས་སུ་སྤྱོད་པ་
D7a.013.0251a04.01ནི་དགེ་སློང་རྣམས་ཀྱིས་རུང་བ་བྱས་ཏེ། འདི་ནི་མི་མ་ཡིན་པའི་ལས་ཡོངས་སུ་སྤྱོད་པ་ཞེས་བྱའོ། །འདུལ་བ་སྡུད་པ་ལྔ་བརྒྱ་པ་གང་ཞེ་ན། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་རིང་པོར་མ་ལོན་པ་ན་རྒྱལ་པོའི་ཁབ་ཀྱི་གྲོང་ཁྱེར་དུ་དགེ་སློང་ལྔ་བརྒྱ་འདུས་ན་མདོ་སྡེ་ཐམས་
D7a.013.0251a05.01ཅད་དང་། འདུལ་བ་ཐམས་ཅད་དང་། མངོན་པའི་ཆོས་ཐམས་ཅད་བསྡུས་པར་བྱས་པ་འདི་ནི་འདུལ་བ་བསྡུས་པ་ལྔ་བརྒྱ་པ་ཞེས་བྱའོ། །བདུན་བརྒྱས་འདུལ་བ་སྡུད་པ་བདུན་བརྒྱ་པ་གང་ཞེ་ན། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ལོ་བརྒྱ་དང་བཅུའི་འོག་ཏུ་གྲོང་
D7a.013.0251a06.01ཁྱེར་ཡངས་པ་ཅན་དུ་ཡངས་པ་ཅན་ན་གནས་པའི་དགེ་སློང་རྣམས་ཀྱིས་མི་རུང་བའི་དངོས་པོ་བཅུ་རྣམས་ཕྱུང་སྟེ་མདོ་སྡེ་ངན་པ་དང་། འདུལ་བ་ངན་པ་དང་། སྟོན་པས་བསྟན་པ་ངན་པ་དང་། མདོ་སྡེ་ལས་འགལ། འདུལ་བ་ལས་མི་འབྱུང་། ཆོས་ཉིད་དང་མི་མཐུན་པ་ཡངས་པའི་དགེ་སློང་
D7a.013.0251a07.01