完整藏文原文 · 德格版页 当前仅加载第 13 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
ཟེར་ན་རིན་ཐང་བཞིན་དུ་ཆོད་ལ་ཕོབ་ཤིག །དེ་སྟེ་བྱིན་ཅིག་ཅེས་ཟེར་བ་ལས་ཁྱེར་ན་ཁྱེར་དུ་ཟད་དོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་གློ་བུར་དུ་འོངས་པ་གཞན་ཞིག་གཞི་ན་འདུག་པའི་དགེ་སློང་ཞིག་གིས་ངལ་བསོར་བཅུག་ནས་དེའི་ཕྱི་བཞིན་ངོ་མི་
D7a.013.0200a01.01ཤེས་པའི་དགེ་སློང་ཞིག་འོངས་ཏེ། ཇི་ཙམ་ན་གཞི་ན་གནས་པའི་དགེ་སློང་དེ་སོ་ཤིང་འདོར་དུ་ཕྱི་རོལ་དུ་སོང་ངོ་། །དེ་ནས་དེའི་ལྷུང་བཟེད་དང་ཆོས་གོས་དག་དེས་ཁྱེར་བ་དང་། གློ་བུར་དུ་འོངས་པའི་དགེ་སློང་དག་གིས་བསམས་པ། འདི་ཡང་སྔོན་ཁྱིམ་འདི་ན་གནས་པ་ཞིག་ཡིན་
D7a.013.0200a02.01ནོ་སྙམ་ནས་དེས་ཀྱང་ཅུང་ཟད་ཀྱང་མ་སྨྲས་ནས། དེས་ཁྱེར་ཏེ་བྲོས་སོ། །གཞི་ན་གནས་པའི་དགེ་སློང་དེ་སླར་འོངས་པ་དང་། ལྷུང་བཟེད་དང་ཆོས་གོས་མི་སྣང་ནས། དེས་སྨྲས་པ། ཚེ་དང་ལྡན་པ་ངའི་ལྷུང་བཟེད་དང་ཆོས་གོས་སུས་ཁྱེར། དེས་སྨྲས་པ། གནས་ཁང་ན་འདུག་
D7a.013.0200a03.01པས་ཁྱེར་རོ། །ངའི་གནས་ཁང་ན་གནས་པ་གང་ཡིན། ཁྱོད་ཀྱིས་ལྷུང་བཟེད་དང་ཆོས་གོས་ཁྱེར་གྱིས་སྐྱིན་པ་བྱིན་ཅིག །དེ་དང་དེ་གཉིས་ལྷན་ཅིག་རྩོད་པར་གྱུར་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D7a.013.0200a04.01པ། གློ་བུར་དུ་འོངས་པའི་དགེ་སློང་གིས་གཞི་ན་གནས་པའི་དགེ་སློང་ལ་དགེ་སློང་འདི་ཁྱོད་ཀྱི་ཅུང་ཟད་ཅི་ཡང་རུང་བ་སློང་ན་སྦྱིན་ནམ་མི་སྦྱིན་ཞེས་དྲིས་ཤིག །དེ་སྟེ་མ་སྦྱིན་ཅིག་ཅེས་ཟེར་ན་རིན་ཐང་བཞིན་དུ་ཕོབ་ཤིག །དེ་སྟེ་བྱིན་ཅིག་ཅེས་ཟེར་བ་ལས་ཁྱེར་ན་ཁྱེར་དུ་ཟད་དོ། །གླེང་གཞི་
D7a.013.0200a05.01ནི་མཉན་དུ་ཡོད་པ་ན་སྟེ། དགེ་སློང་ཞིག་གིས་གཞི་ན་གནས་པའི་དགེ་སློང་ཞིག་ལ་ཆོས་གོས་བཞག་ནས་ཆེམས་བཞག་པ། དེ་སྟེ་ང་སོང་གི་འོག་ཏུ་ངའི་སློབ་མ་དག་འོངས་ཏེ་འདོད་ཅེས་ཟེར་ན་བྱིན་ཅིག་ཅེས་སྨྲས་ནས་སོང་ངོ་། །དེའི་སློབ་མ་ཞིག་གིས་ཆོས་གོས་ཁྱེར་ཏེ་བྲོས་སོ། །
D7a.013.0200a06.01དེ་ལ་དགེ་སློང་དེས་བླངས་པ་དང་། ཕན་ཚུན་རྩོད་པར་གྱུར་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སློབ་མ་ལ་བྱིན་ཅིག་ཅེས་ཟེར་ན། དེས་ཁྱེར་བ་ནི་ཁྱེར་རྒྱལ་དུ་ཟད་མོད་ཀྱི་གཏན་ཚིགས་
D7a.013.0200a07.01