完整藏文原文 · 德格版页 当前仅加载第 13 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་གློ་བུར་དུ་འོངས་པའི་གནས་བརྟན་གྱི་བྱ་བ་ཞེས་བྱའོ།། །།འདུལ་བ་གཞུང་དམ་པ། བམ་པོ་ལྔ་བཅུ་རྩ་གཉིས་པ། འགྲོ་བའི་བྱ་བ་གང་ཞེ་ན། འགྲོ་བའི་དགེ་སློང་དེས་ཡུལ་ཕྱོགས་གང་ལོགས་སུ་འགྲོ་བ་དེའི་ཡུལ་ཕྱོགས་བརྟག་པར་བྱ། དེ་
D7a.013.0291b01.01ཕྱོགས་ནས་འོངས་པའི་དགེ་སློང་རྣམས་ལ་བར་ཆད་དུ་འགྱུར་བ་བརྒྱད་ལས་གང་ཡང་རུང་བར་ཆད་དུ་འགྱུར་བ་མི་འབྱུང་ངམ་ཞེས་དྲི་བར་བྱ། བདག་དེར་སོང་ནས་བསོད་སྙོམས་དང་ན་བའི་སྨན་དང་། བསྙེན་བཀུར་བྱེད་པས་བྲེལ་བར་མི་འགྱུར་རམ། བདག་ལ་
D7a.013.0291b02.01བསོད་སྙོམས་དང་། ན་བའི་སྨན་དང་། བསྙེན་བཀུར་བྱེད་པས་ཀྱང་རུང་བྲེལ་ཅིང་མ་རྙེད་པར་གྱུར་ན་ལུས་ཉམས་ཤིང་དུས་འདའ་བར་མི་འགྱུར་རམ་བདག་དེར་སོང་ན་ལུས་བདེ་བ་དང་སེམས་ལ་བདེ་བར་འགྱུར་རམ། བདག་དེར་སོང་ནས་དགེ་བའི་ཆོས་རྣམས་འཕེལ་བར་འགྱུར་
D7a.013.0291b03.01རམ། བདག་དེར་སོང་ན་དགེ་སློང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། དེས་པ་དགེ་བའི་ཆོས་ཅན། ལྟ་བ་མཚུངས་པ། གནས་པ་མཚུངས་པར་འགྱུར་རམ། བདག་ཐེ་ཚོམ་མ་སྐྱེས་པ་དེ་དག་མི་སྐྱེ་བར་བྱེད་དམ། སྐྱེས་པ་ཡང་སླར་སེལ་བར་བྱེད་དམ།
D7a.013.0291b04.01སྡིག་པར་ལྟ་བ་མ་སྐྱེས་པ་མི་སྐྱེ་བར་བྱེད་དམ། སྐྱེས་པའི་རྣམས་སླར་ལྡོག་པར་བྱེད་དམ། བདག་དང་ཚེ་དང་ལྡན་པ་དེ་དག་དང་ལྷན་ཅིག་ལུས་བདེ་བ་དང་སེམས་བདེ་བར་འགྱུར་རམ། བདག་ཚེ་དང་ལྡན་པ་དེ་དག་དང་ལྷན་ཅིག་ཏུ་དགེ་བའི་ཆོས་རྣམས་ལ་འཕེལ་བར་འགྱུར་
D7a.013.0291b05.01རམ་ཞེས་དྲི་བར་བྱ་སྟེ། དེ་ལྟར་ན་ཡུལ་ཕྱོགས་བརྟག་པར་བྱ་བའོ། །གྲོགས་རྣམས་ལ་བརྟག་པར་བྱ་སྟེ། ཚེ་དང་ལྡན་པ་འདི་དག་ཚུལ་ཁྲིམས་དང་ལྡན་ནམ། ཡོན་ཏན་དང་ལྡན་ནམ། དེས་པ་དགེ་བའི་ཆོས་ཅན་ཡིན་ནམ། ལྟ་བ་མཚུངས་སམ། གནས་པ་མཚུངས་སམ།
D7a.013.0291b06.01གལ་ཏེ་འདི་ལྟར་བདག་ལ་ཐེ་ཚོམ་མ་སྐྱེས་པ་ལ་མི་སྐྱེ་བར་བྱེད་དམ། སྐྱེས་པ་སླར་སེལ་བར་བྱེད་དམ། སྡིག་པར་ལྟ་བ་ལ་ཡང་མ་སྐྱེས་པ་ལས་མི་སྐྱེ་བར་བྱེད་དམ། བདག་ཚེ་དང་ལྡན་པ་དེ་དང་ལྷན་ཅིག་ཏུ་ལུས་དང་སེམས་བདེ་བར་འགྱུར་རམ། བདག་ཚེ་དང་ལྡན་པ་དེ་དག་དང་ལྷན་ཅིག་ཏུ་
D7a.013.0291b07.01