完整藏文原文 · 德格版页 当前仅加载第 13 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
བསྲོས་ཏེ། དགེ་འདུན་སྡེ་གཉིས་བཤོས་གསོལ་ནས་རྙེད་པ་ཡང་མང་དུ་ཕུལ་ཏེ་དགེ་སློང་དག་གིས་བགོས་པ་དང་། དགེ་སློང་དག་ངེད་ཅག་ལ་ནི་ཆོས་གོས་གསུམ་དགོས་ཀྱིས། དགེ་ཚུལ་ཕ་དག་གི་སྟོད་གཡོགས་དང་མཐང་གོས་སུ་ཟད་ན། ཇི་ལྟར་བདག་ཅག་དང་
D7a.013.0166b01.01མཉམ་པར་བགོ་ཞེས་འཕྱའོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང་དགེ་སློང་མ་ནི་སྐལ་བ་མཉམ་པར་བགོས་ཤིག །དགེ་ཚུལ་ཕ་དང་། དགེ་ཚུལ་མ་དང་། དགེ་སློབ་མ་དག་ལ་
D7a.013.0166b02.01ནི་སུམ་ཆ་ཅིག་བྱིན་ཅིག །བཅོམ་ལྡན་འདས་ཀྱིས་དགེ་ཚུལ་ཕ་དག་ལ་སུམ་ཆ་ཅིག་བྱིན་ཅིག་ཅེས་བཀའ་སྩལ་པ་དང་། ཇི་ཙམ་ཞིག་ན་དགེ་ཚུལ་ཕ་གཞན་ཞིག་ལོ་ཉི་ཤུ་ཡང་ཚང་ཞིང་བསྙེན་པར་རྫོགས་པར་ཡང་འདོད་ན་དེ་ལ་དགེ་སློང་གིས་ཚེ་དང་ལྡན་པ་ལོ་ཉི་ཤུ་ཚང་ན་ཅིའི་ཕྱིར་
D7a.013.0166b03.01བསྙེན་པར་རྫོགས་པར་མི་བྱེད་ཅེས་སྨྲས་པ་དང་། དེས་ཀྱང་བཅོམ་ལྡན་འདས་ཀྱིས་ནི་བདག་ཅག་གི་རྙེད་པ་འདི་ལྟ་བུར་བཅས་ན་སྟོད་གཡོགས་དང་མཐང་གོས་སུ་མི་ལྡང་ན་ཆོས་གོས་གསུམ་ལྟ་ཅི་སྨོས། ཇི་ལྟར་བསྙེན་པར་རྫོགས་པར་བྱ་ཞེས་སྨྲས་སོ། །དེ་ལྟར་གྱུར་པ་དགེ་
D7a.013.0166b04.01སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་ཕ་བསྙེན་པར་རྫོགས་པར་འདོད་པ་དང་། དགེ་སློབ་མ་ལ་སུམ་གཉིས་བྱིན་ཅིག །དགེ་ཚུལ་ཕ་དང་དགེ་ཚུལ་མ་གཞན་ནི་སྐལ་བ་སུམ་ཆར་ཟད་དོ། །རྐྱང་པའི་སྒོ་གཉིས་ཀྱི་
D7a.013.0166b05.01མདོའི་ཚིགས་སུ་བཅད་པ་གསུམ་པའོ།། །།མདོར་ན། ཀོ་ས་ལ་ན་དྲུག་བཅུ་དང་། །བརྒྱ་ཕྲག་ཕྱེད་དང་བཅུ་གསུམ་དང་། །སྒྲ་ཅན་ཟིན་དང་དཔལ་སྦེད་དང་། །གཙུག་ལག་ཁང་དང་མཆོད་རྟེན་དེ་བཞིན་ཏེ། །གདུགས་དང་བྲིས་པ་དེ་བཞིན་སྦྱར། །ཟན་ལ་མགྲོན་དུ་བོས་
D7a.013.0166b06.01པའོ། །སངས་རྒྱས་བཅོམ་ལྡན་འདས་ཀོ་ས་ལར་ལྗོངས་རྒྱུ་ཞིང་སྤྱོད་པ་ན་རི་བྲགས་ཀྱི་གྲོང་གཞན་ཞིག་ཏུ་བྱོན་ནས་རི་བྲགས་ཀྱི་གྲོང་དེ་ན་ཁྱིམ་བདག་ཅིག་གནས་པས་བཅོམ་ལྡན་འདས་ཉན་ཐོས་ཀྱི་དགེ་འདུན་དུ་བཅས་པར་ཁྱིམ་དུ་བཤོས་ལ་སྤྱན་དྲངས་སོ། །དགེ་སློང་མ་དྲུག་བཅུ་
D7a.013.0166b07.01