完整藏文原文 · 德格版页 当前仅加载第 13 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་ལ་ད་བཀུར་བའི་ཚེ་ནི་ང་ལ་སྦྱིན་ནམ་ཁྱོད་ཉིད་ཁྱེར་ཅིག །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་གིས་འཇིགས་པའི་ཚེ་ཁྱེར་ཁྱེར་བ་དེ་ཉིད་ཀྱིའོ། །གང་གི་ཚེ་འཇིགས་པ་མེད་པར་གྱུར་ན་ཡང་
D7a.013.0178b01.01བཅོམ་ལྡན་འདས་ཀྱིས་གནང་ངོ་ཞེས་སླར་མ་ཕུལ་བ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རེ་ཞིག་ངས་དགེ་འདུན་གྱི་མལ་སྟན་དག་གནང་གི་གཏན་དུ་ནི་མ་ཡིན་གྱི། འཇིགས་པ་
D7a.013.0178b02.01དང་བྲལ་ན་སླར་ཕུལ་ལ་རྒན་རིམས་སུ་བྱིན་ཅིག །རྐྱང་པའི་སྒོ་གཉིས་ཀྱི་མདོའི་ཚིགས་སུ་བཅད་པ་བརྒྱད་པའོ།། །།མདོར་ན། ཛེ་ཏའི་ཚལ་དུ་མཆོད་སྟོན་ཚེ། །རྔ་ཆེན་གྱིས་ནི་འདུ་བར་བྱ། །གྲལ་ནི་ཆོལ་བར་འཁོད་པ་དང་། །དགེ་སློང་ལས་ནི་ཞལ་ཏར་བསྐོ། །སངས་རྒྱས་བཅོམ་
D7a.013.0178b03.01ལྡན་འདས་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། ཁྱིམ་བདག་མགོན་མེད་ཟས་སྦྱིན་པས་བཅོམ་ལྡན་འདས་ལ་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་དུས་སྟོན་ཆེན་པོ་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D7a.013.0178b04.01ཁྱིམ་བདག་ངས་གནང་གིས་བྱོས་ཤིག །དེ་ཛེ་ཏའི་ཚལ་དུ་དུས་སྟོན་བྱས་པ་དང་། དགེ་སློང་དག་མ་འདུས་པར་གྱུར་ནས་བཅོམ་ལྡན་འདས་ཀྱིས་མཆོད་སྟོན་ཆེན་པོ་བྱེད་ན་གཎྜཱི་དང་། རྔ་དང་། དུང་བུས་ཤིག་དང་། དགེ་སློང་དག་གདུགས་ཚོད་ལ་བབ་པར་དུས་རིག་པར་འགྱུར་
D7a.013.0178b05.01རོ་ཞེས་བཀའ་སྩལ་པ་དང་། དགེ་སློང་དག་རྔ་དང་དུང་དག་གི་སྒྲས་བརྡེགས་ན་ཆོལ་བར་འཁོད་དོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ལས་ཞལ་ཏ་བ་བསྐོས་ཏེ་ཅི་ནས་རྒན་རིམས་སུ་འཁོད་
D7a.013.0178b06.01ཅིག །ཇི་ལྟར་རྒན་རིམས་སུ་འཁོད་པ་དང་། ནམ་ཟས་དག་རྒན་རིམས་ནས་བྲིམས་ཏེ། གཞོན་ནུའི་གན་དུ་ཕྱིན་ཙམ་ནས་གདུགས་ཚོད་ཀྱང་ཡོལ་ཏེ། དགེ་སློང་དག་ཟས་ཀྱི་བར་ཆད་དུ་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་།
D7a.013.0178b07.01