完整藏文原文 · 德格版页 当前仅加载第 13 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གསར་བུ་དག་མ་ཐོབ་པར་གྱུར་ནས་བཅོམ་ལྡན་འདས་ཀྱིས་དྲིས་པ་ལ་ལན་འདེབས་པའི་དགེ་སློང་གིས་དགེ་འདུན་ལ་བསྒོ་ལ་དགེ་སློང་གི་དགེ་འདུན་ཐམས་ཅད་འདུས་ཤིང་འཁོད་པ་དང་། གཙུག་ལག་ཁང་སྐྱོང་གིས་དགེ་འདུན་གྱི་ནང་དུ་རིན་
D7a.013.0086a01.01ཐང་བསྐྱེད་པར་བྱོས་ཤིག་ཅེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་དགེ་སློང་གཞན་ཞིག་དུས་འདས་ནས་དེའི་ལྷུང་བཟེད་དང་ཆོས་གོས་དགེ་སློང་མ་ཞིག་གི་ལག་ཏུ་བཞག་གོ། །དགེ་སློང་དག་གིས་དེའི་རོ་བསྲེགས་ནས་སླར་
D7a.013.0086a02.01གཙུག་ལག་ཁང་དུ་ཕྱིན་ནས་ལྷུང་བཟེད་དང་ཆོས་གོས་དག་བཙལ་ན་མ་རྙེད་དེ། དེ་དག་གིས་དགེ་སློང་མའི་དབྱར་མོ་ཁང་ན་དགེ་སློང་མ་མིང་འདི་ཞེས་བྱ་བ་ཞིག་ལ་ཡོད་པར་ཤེས་ནས་དེ་དག་གིས་དགེ་སློང་མའི་དབྱར་མོ་ཁང་དུ་དོང་སྟེ། འཕགས་མ་དགེ་སློང་འདི་ཞེས་
D7a.013.0086a03.01བྱ་བ་དུས་འདས་པ་དེའི་ལྷུང་བཟེད་དང་ཆོས་གོས་འདི་ན་གཏམས་ཤིང་འདུག་པ་དེ་ཚུར་བྱིན་ཅིག་ཅེས་སྨྲས་པ་དང་། དེས་སྨྲས་པ། འཕགས་པ་དགེ་སློང་དེ་གང་དུ་དུས་འདས་ངེད་ཀྱི་གཙུག་ལག་ཁང་དུ་དུས་ལས་འདས་སོ། །འཕགས་པ་ཁྱེད་ཀྱི་དེ་ན་མཆིས་
D7a.013.0086a04.01པ་ནི་ཁྱེད་དབང་། བདག་ཅག་གི་དེ་ན་མཆིས་པ་ནི་བདག་ཅག་དབང་ངོ་། །ཇི་ལྟར་ཞེ་ན། བདག་ཅག་གི་ཡང་ཆོས་ཀྱི་མིང་པོ་ལགས་སོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D7a.013.0086a05.01དགེ་སློང་གི་ལྷུང་བཟེད་དང་ཆོས་གོས་ནི་དགེ་སློང་དག་དབང་གིས་དགེ་སློང་མ་དག་མ་འཆང་ཤིག་ཅེས་བཀའ་སྩལ་ཏོ། །མཉན་དུ་ཡོད་པ་ན་དགེ་སློང་མ་གཞན་ཞིག་དུས་ལས་འདས་ནས་དེའི་ལྷུང་བཟེད་དང་ཆོས་གོས་དགེ་སློང་ཞིག་ལ་བཞག་གོ། །དགེ་སློང་མ་
D7a.013.0086a06.01དག་གིས་དེའི་རོ་བསྲེགས་ནས། དགེ་སློང་མའི་དབྱར་མོ་ཁང་དུ་ལྷགས་ཏེ། ལྷུང་བཟེད་དང་ཆོས་གོས་བཙལ་ན་མ་རྙེད་ནས་གཙུག་ལག་ཁང་ཞིག་ན་དགེ་སློང་མིང་འདི་ཞེས་བྱ་བ་ཞིག་ལ་ཡོད་པར་ཤེས་ནས། དེ་དག་གཙུག་ལག་ཁང་དུ་འོངས་ཏེ་དགེ་སློང་དག་
D7a.013.0086a07.01