完整藏文原文 · 德格版页 当前仅加载第 13 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
བཀུར་སྟི་དང་གྲགས་པ་མི་སྤོང་བ་ལ་དགའ་ཞིང་མི་སྤོང་བ་ལ་མོས་པས་སྤོང་བ་ལ་མི་དགའ་ཞིང་རྣལ་འབྱོར་དུ་མི་འཇུག་པ་དང་། སྒོམ་པ་ལ་མི་དགའ་ཞིང་སྒོམ་པ་ལ་མི་མོས་པར་གྱུར་པས་སྒོམ་པ་ལ་མི་དགའ་ཞིང་རྣལ་འབྱོར་དུ་མི་འཇུག་པའོ། །ཆོས་དྲུག་ནི་སྟོན་པས་བསྟན་
D7a.013.0037b01.01པ་མི་ཉམས་པའི་རྒྱུར་འགྱུར་ཏེ། ལས་ལ་མི་དགའ་བར་གྱུར་པ་དང་། སྨྲ་བ་ལ་མི་དགའ་བ་དང་། ཉལ་བ་ལ་མི་དགའ་བ་དང་། འདུ་འཛིའི་གཏམ་ལ་མི་དགའ་བ་དང་། རྙེད་པ་དང་བཀུར་སྟི་ལ་མི་དགའ་ཞིང་། སྤོང་བ་ལ་དགའ་ཞིང་སྤོང་བ་ལ་མོས་པར་གྱུར་
D7a.013.0037b02.01པས་སྤོང་བ་ལ་དགའ་ཞིང་རྣལ་འབྱོར་དུ་འཇུག་པ་དང་། སྒོམ་པ་ལ་དགའ་ཞིང་སྒོམ་པ་ལ་མོས་པར་གྱུར་པས་སྒོམ་པ་ལ་དགའ་ཞིང་སྒོམ་པ་ལ་མོས་ཏེ་རྣལ་འབྱོར་དུ་འཇུག་པའོ། །ཆོས་དེ་དྲུག་ནི་སྟོན་པས་བསྟན་པའི་རྒྱུར་འགྱུར་ཏེ། དགེ་སློང་ཁྱེད་ཅག་གིས་ཤེས་པར་
D7a.013.0037b03.01བྱོས་ཤིག །ཆོས་འདི་དག་ནི་ཀུན་ཏུ་འདོད་ཆགས་པའི་རྒྱུར་འགྱུར། ཀུན་ཏུ་ཞེ་སྡང་བ་དང་། ཀུན་ཏུ་གཏི་མུག་པ་དང་། ཀུན་ཏུ་སྦྱོར་བ་དང་། ཀུན་ཏུ་ཉོན་མོངས་པ་དང་། རབ་ཏུ་སྤྲོས་པ་རྣམས་ཀྱི་རྒྱུར་འགྱུར་བ་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་
D7a.013.0037b04.01སྟོན་པས་བསྟན་པ་མ་ཡིན་གྱིས་ཁྱེད་ཀྱིས་རྟོགས་པར་ཤེས་པར་གྱིས་ཤིག །ཆོས་དྲུག་ནི་སྟོན་པས་བསྟན་པའི་རྒྱུར་འགྱུར་ཏེ། དགེ་སློང་དག་ཁྱེད་ཀྱིས་འདི་དག་ཤེས་པར་གྱིས་ཤིག །ཆོས་འདི་དག་ནི་ཀུན་ཏུ་འདོད་ཆགས་པའི་རྒྱུར་མི་འགྱུར། ཀུན་ཏུ་ཞེ་མི་སྡང་བ་དང་། ཀུན་
D7a.013.0037b05.01ཏུ་གཏི་མི་མུག་པ་དང་། ཀུན་ཏུ་མི་སྦྱོར་བ་དང་། རྣམ་པར་བྱང་བ་དང་། མ་སྤྲོས་པ་རྣམས་ཀྱི་རྒྱུར་འགྱུར་བ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པ་སྟེ་ཁྱོད་ཀྱིས་རྟོགས་པར་བྱོས་ཤིག །གཞན་ཡང་ཆོས་དེ་དྲུག་ནི་སྟོན་པས་བསྟན་པའི་རྒྱུར་འགྱུར་
D7a.013.0037b06.01ཏེ། དགེ་སློང་དག་ཁྱེད་ཀྱིས་འདི་དག་ཤེས་པར་གྱིས་ཤིག །ཆོས་འདི་དག་ནི་ཆོག་མི་ཤེས་པའི་རྒྱུར་འགྱུར་ཏེ། མགུ་མི་མྱོང་བ་དང་། དགང་དཀའ་བ་དང་། གསོ་དཀའ་བ་དང་། འདོད་པ་མང་བ་རྣམས་ཀྱི་རྒྱུར་འགྱུར་བ་འདི་ནི་ཆོས་མ་ཡིན། འདི་ནི་འདུལ་བ་མ་ཡིན།
D7a.013.0037b07.01