完整藏文原文 · 德格版页 当前仅加载第 13 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མ་མང་ཞིག་གཞོངས་སྤྱད་པ་སྤྱོད་ཅིང་དོང་བ་ན་དེ་དག་ལས་དགེ་སློང་མ་ཞིག་ན་བར་གྱུར་ནས། དེ་དལ་བུས་འགྲོ་ཞིང་ཕྱི་ནས་འོང་བ་ལས་དེ་ལམ་སྟོར་ཏེ། རི་བྲགས་ཀྱི་གྲོང་གཞན་ཞིག་ཏུ་ཕྱིན་ནས་དེ་ཁྱིམ་པའི་ཁྱིམ་དུ་དུས་ལས་འདས་སོ། །དེས་
D7a.013.0087a01.01དེ་དུར་ཁྲོད་དུ་བོར་ནས་ལྷུང་བཟེད་དང་ཆོས་གོས་སྦས་ཏེ་བཞག་གོ། །དེ་ནས་དུས་ཕྱི་ཞིག་ན་དགེ་སློང་མང་ཞིག་གཞོངས་སྤྱད་པ་སྤྱོད་ཅིང་རི་བྲགས་ཀྱི་གྲོང་དེར་ཕྱིན་པ་དང་། ཁྱིམ་བདག་དེས་དེ་དག་མཐོང་ནས་འཕགས་པ་དག་བདག་གི་ཁྱིམ་དུ་དགེ་སློང་མ་ཞིག་
D7a.013.0087a02.01དུས་ལས་འདས་ཏེ། དེའི་ལྷུང་བཟེད་དང་ཆོས་གོས་འདི་ལགས་ཀྱིས་སྣོམས་ཤིག་ཅེས་སྨྲས་པ་དང་། དེ་དག་གིས་སྨྲས་པ། ཁྱིམ་བདག་བཅོམ་ལྡན་འདས་ཀྱིས་མ་གནང་སྟེ། འདི་དག་ནི་དགེ་སློང་མ་དབང་ངོ་། །དེ་ལྟར་གྱུར་པ་དགེ་སློང་རྣམས་ཀྱིས་
D7a.013.0087a03.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་གང་ན་དགེ་སློང་མ་མེད་པ་དེར་ནི་དགེ་སློང་རྣམས་ཀྱིས་བླང་བར་བྱ་སྟེ། དེ་ལ་ཐེ་ཚོམ་མ་བྱེད་ཅིག་ཅེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ། སངས་རྒྱས་བཅོམ་ལྡན་འདས་ལ་ཚེ་དང་
D7a.013.0087a04.01ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་ཞིག་དུས་ལས་འདས་ཏེ། དེ་དབང་བའི་ལྷུང་བཟེད་དང་ཆོས་གོས་ཁྱིམ་པའི་དེ་ན་མཆིས་ན། དེ་གང་དབང་བཅོམ་ལྡན་འདས་ཀྱིས་གང་དེ་སྔར་འོངས་པ་དབང་ངོ་ཞེས་བཀའ་སྩལ་ཏོ། །གཉིས་མཆིས་ན་གང་དབང་།
D7a.013.0087a05.01གང་སྔར་བསླངས་པའོ། །གཉིས་ཀས་བསླངས་ན་གང་དབང་། གང་གིས་སྔར་ཐོབ་པའོ། །གཉིས་ཀས་ཐོབ་ན་གཉིས་ཀ་དབང་ངོ་། །དེ་སྟེ་གཉིས་ཀས་ཐོབ་ན་གང་ལ་ཁྱིམ་གྱི་བདག་པོ་དད་དེ་བྱིན་པ་དེ་དབང་ངོ་། །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་ན་
D7a.013.0087a06.01ཛེ་ཏའི་ཚལ་ན་དགེ་སློང་གཉིས་ཤིག་འཐབ་པར་གྱུར་ཏེ། དགེ་སློང་གཞན་དག་གིས་བསྐོར་ཅིང་འཁོད་དོ། །བྲམ་ཟེ་དང་ཁྱིམ་བདག་གིས་དེ་མཐོང་ནས། དེ་དག་གིས་འཕགས་པ་བདག་ཅག་གིས་ཁྱིམ་པ་འཐབ་པ་དག་མཐོང་བ་ཡང་བདག་ཅག་གིས་གཅུགས་
D7a.013.0087a07.01