完整藏文原文 · 德格版页 当前仅加载第 13 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་མི་གནོད་པའི་ཚུལ་དུ་ལོགས་ཤིག་ཏུ་འགྲོ་བར་གྱིས་ཤིག །དེ་ནས་གནས་ཁང་དུ་ཆག་ཆག་ཐོབ་ཤིག །ཕྱག་དར་བྱོས་ཤིག །ཕྱག་དར་འོར་ཅིག །ལྕི་བས་ཞལ་ཞལ་འཇམ་པོར་ཡུགས་ཤིག །དེ་ན་འདི་ལྟ་སྟེ། མལ་སྟན་ཁྲིའམ། ཁྲིའུ་ཤིང་ངམ། ཁྲིའུའམ།
D7a.013.0290b01.01ལ་བའམ། སྟན་ནང་ཚངས་ཅན་ནམ། གྲུ་བཞི་པ་དག་ཡོད་ན་ཕྱིར་བྱུང་ནས་དེ་སྟེ་རྒན་པོ་ཞིག་སྔར་འདུག་ན་ནི་སྐད་ཅིག་སྡོད་ཅིག །མ་ཡིན་ན་སེ་གོལ་གྱིས་དལ་ནས་གཏོགས་ཏེ་ཤེས་བཞིན་དུ་ནང་དུ་ཞུགས་ལ་རྐང་པ་ཁྲུས་ཤིག །གློ་བུར་དུ་འོངས་པའི་དགེ་སློང་གིས་གཞི་ན་གནས་
D7a.013.0290b02.01པའི་དགེ་སློང་རྣམས་ལ་འདི་ན་བསྡིགས་པའི་ལས་བྱས་པའམ། སྨད་པའི་ལས་བྱས་པའམ། བསྐྲད་པའི་ལས་བྱས་པའམ། སླར་བསྡུམ་པའི་ལས་བྱས་པའམ། མ་མཐོང་བས་སྤངས་པའི་ལས་བྱས་པའམ། སླར་ལས་མ་བྱས་པའི་ཕྱིར་སྤངས་པའི་ལས་བྱས་པའམ།
D7a.013.0290b03.01སྡིག་པ་ལ་ལྟ་བ་མ་བཏང་བའི་ཕྱིར་སྤངས་པའི་ཕྱིར་ལས་བྱས་པའམ། ཆད་པ་བྱེད་པའམ། གཞི་ནས་བསླང་སྟེ་ཆད་པ་བྱེད་པའམ། ཡིད་མགུ་བར་བྱེད་པའམ། གཞི་ནས་བསླང་སྟེ་ཡིད་མགུ་བར་བྱེད་པ་ཡང་རུང་སྟེ། དེ་ལྟ་བུ་དག་ཡོད་དམ་མེད་དྲིས་ཤིག །དེ་སྟེ་ཡོད་ན་ཡང་དེ་
D7a.013.0290b04.01དང་དེ་ལྟ་བུར་སྤང་བར་བྱའོ། །གཙུག་ལག་ཁང་ནས་ཕྱིར་འབྱུང་བ་དང་། ནང་དུ་འཇུག་པ་དང་། ཉེ་འཁོར་དང་། སྣམ་ཕྱི་ས་དང་། གཅི་ས་དང་། སྐས་དང་། ཐེམ་སྐས་དང་། སྒོ་བཅད་པ་དེ་དབྱེ་བ་ལ་སོགས་པ་རྟོགས་ཤིག །དྲིས་ཤིག །དགེ་འདུན་གྱི་བྱ་བ་བཅས་པ་ཇི་
D7a.013.0290b05.01ལྟ་བུ་དྲིས་ཤིག །གནས་ཁང་དུ་ཞུགས་ཏེ་སྟན་ཐིང་ལ་སྐྱིལ་མོ་ཀྲུང་ཆོས་ཏེ་ལུས་དྲང་པོར་སྲོང་ལ་དྲན་པ་མངོན་དུ་བཞག་སྟེ་རེག་པར་བྱ་བ་བརྒྱད་ལ་སྤང་བར་བྱའོ། །དེ་ནི་འདི་ལྟ་སྟེ། ནད་དོ། །སྐྲན་ནོ། །མཚོན་ནོ། །དུག་གོ། །མི་རྟག་པའོ། །སྡུག་བསྔལ་བའོ། །སྟོང་པ་ཉིད་དོ། །བདག་
D7a.013.0290b06.01མེད་པའོ་སྙམ་དུ་སོམས་ཏེ་འདུག་ལ། དེ་སྟེ་ནུས་ན་ནི་ཇི་སྲིད་ནུས་བཞིན་འདུག །འོན་ཏེ་ཡང་མི་ནུས་ན་ལངས་ཏེ་བཀླག་པ་གསུམ་བཀླག་གོ། །སྦྱིན་པའི་ཡོན་ཏན་བརྗོད་ལ་སྦྱིན་པའི་ཡོན་ཏན་བརྗོད་ནས་གཡས་ཕྱོགས་སུ་འཕྲེས་པར་བྱའོ། །རྐང་པས་རྐང་པ་མནན་ཏེ་སྣང་བའི་དྲན་པ་མངོན་དུ་
D7a.013.0290b07.01