完整藏文原文 · 德格版页 当前仅加载第 13 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
མཆི་ནས་མངོན་དུ་དད་ཀྱིས། བདག་ལ་དགེ་བསྙེན་དུ་ཟུང་ཤིག །བཙུན་པ་དེང་ཕན་ཆད་མུ་སྟེགས་ཅན་གཅེར་བུ་པ་དང་། གཅེར་བུ་མ་དང་། གཅེར་བུ་པའི་ཉན་ཐོས་རྣམས་ལ་ནི་སྒོ་བཅད། བཅོམ་ལྡན་འདས་ཀྱི་ཉན་ཐོས་དང་། དགེ་སློང་དང་། དགེ་
D7a.013.0174a01.01སློང་མ་དང་། དགེ་བསྙེན་ཕ་དང་། དགེ་བསྙེན་མ་ལ་ནི་སྒོ་དབྱེའོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་དཔལ་སྦེད་ལ་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྟབས། ཡང་དག་པར་གཟེངས་བསྟོད། རབ་ཏུ་དགའ་བར་བྱས་ནས་གདན་ལས་
D7a.013.0174a02.01བཞེངས་ཏེ་བཞུད་དོ། །དེ་ནས་བཅོམ་ལྡན་འདས་གཙུག་ལག་ཁང་དུ་བྱོན་ནས་དགེ་སློང་གི་དགེ་འདུན་གྱི་གུད་དུ་གདན་བཏིང་བ་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག་ཁྱིམ་བདག་དཔལ་སྦེད་ཀྱི་ཁྱིམ་དུ་དེ་ལྟ་བུའི་
D7a.013.0174a03.01གནོད་པ་དག་བྱུང་བ་དེ་ལ་དེར་དེ་བཞིན་གཤེགས་པས་མཁྱེན་པར་མ་གྱུར་ན་གོར་མ་ཆག་པར་དགེ་སློང་རབ་ཏུ་མང་པོ་ཞིག་དུག་གིས་དུས་བྱས་པར་འགྱུར། ཁྱིམ་བདག་དེས་ངན་དུ་སྤྱད་པས་མཚམས་མེད་པའི་སེམས་ཅན་དམྱལ་བར་ལྟུང་ངོ་། །དེ་བས་ན་དགེ་འདུན་གྱི་གནས་
D7a.013.0174a04.01བརྟན་གྱི་དགེ་སློང་ལ་མཚུངས་པར་སྤྱོད་པའི་ཆོས་བཅའོ། །དགེ་འདུན་གྱི་གནས་བརྟན་དགེ་སློང་གི་རྒན་རིམས་སུ་འདུག་ནས་ཁ་ཟས་དག་བཤམས་ཏེ་འོངས་པ་དང་། སྔར་ཆུང་ངུ་ན་ལན་ཚྭ་ཙམ་ཡང་མ་བླང་ཤིག །རྒན་རིམས་སུ་འབྱོར་ཚོགས་ཞེས་སྐད་མ་ཕྱུང་བར་
D7a.013.0174a05.01བླངས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་ན་ཁྱིམ་བདག་གཞན་ཞིག་གིས་གཙུག་ལག་ཁང་ཆེན་པོ་ཞིག་རྩིག་པ་ལ་ཞུགས་པ་ལས། དེས་ཕྱེད་ཙམ་བརྩིགས་པ་དང་དུས་འདས་སོ། །དེའི་བུ་ཁྱིམ་གྱི་བདག་པོར་གྱུར་ནས་དགེ་
D7a.013.0174a06.01སློང་དག་གིས་དེའི་གན་དུ་སོང་སྟེ་བཞིན་{བཟངས་,བཟང་}ཁྱོད་ཀྱི་ཕས་གཙུག་ལག་ཁང་རྩིག་པ་ལ་ཞུགས་པ་དང་། དེ་ཡང་ཕྱེད་ཙམ་ཟིན་པ་དང་དུས་འདས་སོ། །དེ་ནི་ཁྱོད་ཀྱིས་མཇུག་བསྒྲུབ་པའི་རིགས་སོ་ཞེས་སྨྲས་པ་དང་། དེ་དད་པ་ཆུང་སྟེ་གཙུག་ལག་ཁང་དེ་ནི་ཆེ་བས་ན་
D7a.013.0174a07.01