完整藏文原文 · 德格版页 当前仅加载第 13 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གིས་དགེ་སློང་གི་འཚོ་བ་དང་ཕྲལ་ན་ཕ་ཡང་མ་ལགས། དགྲ་བཅོམ་པ་ཡང་མ་ལགས་བཞིན་ཕས་ཕམ་པར་ཡང་འགྱུར་ལ་དེ་མཚམས་མེད་པའི་ལས་སུ་ཡང་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་དེའི་
D7a.013.0218b01.01མ་རབ་ཏུ་བྱུང་སྟེ་བསྙེན་པར་རྫོགས་པར་གྱུར་པ་ལས་མཚན་འཕོས་ཏེ་མཚན་འཕོས་པར་གྱུར་པ་ལས་སྲོག་གཅོད་ན་ཕས་ཕམ་པ་ཡིན་ལ་དེ་མཚམས་མེད་པའི་ལས་ཀྱིས་ཀྱང་རེག་པར་འགྱུར་རོ། །དགེ་སློང་མས་དགེ་སློང་མའི་འཚོ་བ་དང་ཕྲལ་ན་མ་ཡང་མ་ལགས། དགྲ་བཅོམ་པ་
D7a.013.0218b02.01ཡང་མ་ལགས་ན་ཕས་ཕམ་པར་འགྱུར་ཞིང་དེ་མཚམས་མེད་པའི་ལས་སུ་ཡང་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དགེ་སློང་མ་དེའི་ཕ་རབ་ཏུ་བྱུང་ཞིང་བསྙེན་པར་རྫོགས་པར་གྱུར་པ་དེའི་མཚན་འཕོས་ཏེ། མཚན་འཕོས་ནས་དེའི་འཚོ་བ་
D7a.013.0218b03.01དང་ཕྲལ་ན་ཕས་ཕམ་པ་ཡང་ཡིན་ལ་དེ་མཚམས་མེད་པའི་ལས་སུ་ཡང་འགྱུར་རོ། །གཞན་གྱིས་སྨྲས་ལ་དེས་སྨྲས་པའི་རྐྱེན་གྱིས་གཞན་ལ་ཕས་ཕམ་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་མས་དགེ་སློང་
D7a.013.0218b04.01འདུས་པ་དགེ་འདུན་གྱིས་མ་བཅིངས་པའི་ཕྱིར་དེའི་རྗེས་སུ་ཕྱོགས་ཏེ། དེ་ཡང་དགེ་འདུན་གྱི་དབུས་སུ་ལན་གསུམ་གྱི་བར་དུ་བསྒོ་ཡང་མི་གཏོང་བ་དེ་ནི་ཕས་ཕམ་པར་འགྱུར་རོ། །གཞན་གྱིས་སྨྲས་ན་དེས་སྨྲས་པའི་རྐྱེན་གྱིས་གཞན་ལ་དགེ་འདུན་གྱི་ལྷག་མར་འགྱུར་བ་མཆིས་སམ།
D7a.013.0218b05.01བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་གང་གིས་དགེ་འདུན་གྱི་དབྱེན་བྱས་པ་དང་། དེའི་རྗེས་སུ་ཕྱོགས་པ་དང་། བཀའ་བློ་མི་བདེ་བའི་ཚིག་དགེ་འདུན་གྱི་ནང་དུ་ལན་གསུམ་གྱི་བར་དུ་བསྒོ་ཡང་སླར་མི་གཏོང་བ་ནི་དགེ་འདུན་གྱི་ལྷག་མར་འགྱུར་རོ། །གཞན་
D7a.013.0218b06.01གྱིས་སྨྲས་ན་དེའི་རྐྱེན་གྱིས་གཞན་ལ་ནོངས་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་གང་གིས་སྡིག་པ་ལ་ལྟ་བ་བཟུང་། རབ་ཏུ་བཟུང་ནས་སླར་མི་གཏོང་བ་དེ་དགེ་འདུན་གྱི་ནང་དུ་ལན་གསུམ་གྱི་བར་དུ་བསྒོ་ཡང་སླར་མི་
D7a.013.0218b07.01