完整藏文原文 · 德格版页 当前仅加载第 13 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
མཛོད་ནས་སྦྱིན་ནོ་ཞེས་དྲིལ་ཆེན་བསྒྲགས་སོ། །དེའི་ཚེ་ན་གང་ཡུལ་མཉམ་དཀའ་ན་གནས་པའི་རྐུན་པོ་རྣམས་དང་གང་ཡུལ་ཀོ་ས་ལ་ན་གནས་པའི་རྣམས་དེའི་ས་མཚམས་ཀྱི་བར་དུ་དོང་ནས་འཁོད་དོ། །ཡུལ་མཉམ་དཀའ་ན་གནས་པའི་རྐུན་པོ་རྣམས་
D7a.013.0129a01.01དང་། ཡུལ་ཀོ་ས་ལ་ན་གནས་པའི་རྣམས་ཐམས་ཅད་ས་མཚམས་ཀྱི་བར་དུ་དོང་སྟེ་འཁོད་ནས། འགྲོན་པ་མང་པོ་དག་འཛོམས་སོ་ཞེས་དེ་སྐད་ཀྱི་སྒྲ་ཀུན་དུ་གྲགས་སོ། །དེ་དག་གིས་ཐོས་ནས་ཡུལ་མཉམ་དཀའི་འགྲོན་པ་མང་པོ་བསེལ་དང་ལྷན་ཅིག་ཡུལ་ཀོ་ས་ལར་འདོང་ངོ་། །
D7a.013.0129a02.01ཡུལ་ཀོ་ས་ལ་ནས་ཀྱང་ཡུལ་མཉམ་དཀར་དེ་བཞིན་དུ་འདོང་སྟེ། ཇི་ཙམ་དུ་དུས་ཕྱི་ཞིག་ན་ཡུལ་མཉམ་དཀའ་ནས་འགྲོན་པ་མང་པོ་བསེལ་དང་བཅས་ཏེ། ཡུལ་ཀོ་ས་ལར་དོང་བ་དང་། དེ་དག་གང་གི་ཚེ་མཚམས་ལས་འདས་ནས་ཡུལ་ཀོ་ས་ལར་ཕྱིན་པ་དེའི་ཚེ་དེ་ནས་དེད་དཔོན་གྱིས་
D7a.013.0129a03.01སྨྲས་པ། ཀྱེ་ཀོ་ས་ལའི་རྒྱལ་པོ་གསལ་རྒྱལ་ནི་མི་སྲུན་ལ་གཏུམ་ཞིང་ཁྲོ་སྟེ་དཔའ་ཞིང་མཐུ་དང་ལྡན་ནོ་ཞེས་གྲག་གིས། གལ་ཏེ་འགྲོན་པ་མང་པོ་དང་བདག་ཅག་རྣམས་བཅོམ་ན་ཡང་བསབ་པར་ནུས་ཀྱིས། བསེལ་བ་དེ་དག་སླར་ཁྱེ་ཤིག་ཅེས་སྨྲས་པ་དང་། འགྲོན་པ་མང་
D7a.013.0129a04.01པོ་དག་གིས་སྨྲས་པ། དེ་ལྟར་ན་དེ་བཞིན་དུ་བགྱིའོ་ཞེས་སྨྲས་ནས་བསེལ་དེ་དག་སླར་བཀྱེའོ། །རྐུན་པོ་རྣམས་ཀྱིས་བྱ་ར་བཙུགས་ཏེ་བསྡད་པ་དང་། བྱ་ར་བས་བསེལ་བ་སླར་ལོག་པ་མཐོང་ནས། དེས་ཀྱེ་བསེལ་བ་རྣམས་སླར་ལོག་གིས་འགྲོན་པ་མང་པོ་གཞོམ་མོ་ཞེས་
D7a.013.0129a05.01སྨྲས་ནས་འགྲོན་པ་མང་པོ་དེ་དག་ཤིང་སཱ་ལའི་དགོན་པར་ཕྱིན་པ་དང་། བཅོམ་མོ། །དེ་ལ་ཚོང་པ་ཁ་ཅིག་ནི་བསད། ཁ་ཅིག་ནི་བྲོས་སོ། །དེ་ལ་བྲོས་པས་མགོ་རྡུལ་གྱིས་གང་བར་བྱས་ཏེ་རྒྱལ་པོ་གསལ་རྒྱལ་གྱི་དྲུང་དུ་སོང་ནས། ལྷ་ལ་བདག་ཅག་ནི་ཚོང་པ་ལགས་ན། ཁྱེད་ཀྱི་
D7a.013.0129a06.01ཡུལ་དུ་ཕྱིན་ན་ཚོང་པ་མ་ལགས་པར་གྱུར་ཏོ། །ཅི་བྱས། ལྷ་བདག་ཅག་ནི་རྐུན་པོས་བཅོམ་མོ། །རྒྱལ་པོ་གསལ་རྒྱལ་གྱིས་འཕགས་སྐྱེས་པོ་ལ་བཀའ་སྩལ་པ། གཞོན་ནུ་མྱུར་དུ་རིངས་པར་སོང་ལ་རྐུན་པོ་དང་ནོར་རྣམས་ཟུང་ལ་འོན་ཅིག་ཅེས་བསྒོ་བ་དང་། ལྷ་དེ་བཞིན་དུ་བགྱིའོ་
D7a.013.0129a07.01