完整藏文原文 · 德格版页 当前仅加载第 13 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །དཀར་པོའི་ཕྱོགས་སུ་བཟློག་སྟེ་རྣམ་པ་ལྔར་བརྗོད་དེ། ཐ་དད་པ་ལྔ་སྟེ། སྟོན་པ་ཐ་དད་པ་དང་། ཆོས་ཐ་དད་པ་དང་། དགེ་འདུན་ཐ་དད་པ་དང་། ལས་ཐ་དད་པ་དང་། ལམ་ཐ་དད་པའོ། །ལྷུང་བཟེད་འདི་ལྔ་མེད་ན་ཡང་མ་ཚོལ་ཅིག །ཡོད་
D7a.013.0061a01.01ན་ཡང་བཅང་བར་མ་བྱེད་ཅིག །ལྔ་གང་ཞེ་ན། ཤེལ་གྱི་ལྷུང་བཟེད་དང་། རྡོའི་ལྷུང་བཟེད་དང་། ཁར་བའི་ལྷུང་བཟེད་དང་། རིན་པོ་ཆེའི་ལྷུང་བཟེད་དང་། ལྷག་པའི་ལྷུང་བཟེད་དོ། །རྣམ་པ་ལྔར་དགེ་སློང་གིས་ཟན་ཟོས་ན་འདས་པ་དང་བཅས་པར་འགྱུར་ཏེ།
D7a.013.0061a02.01འདབ་མའི་སྣོད་དུ་ཟན་ཟ་བ་དང་། སྙིམ་པར་ཟན་ཟ་བ་དང་། ལྕེ་ཕྱུང་ལ་ཟན་ཟ་བ་དང་། མཆུས་ལེན་ཅིང་ཟན་ཟ་བ་དང་། ལག་པས་ཕུགས་སུ་ཕུལ་ཏེ་ཟན་ཟ་བའོ། །བརྟད་པའི་གོས་རྣམ་པ་ལྔ་སྟེ། འགྲོ་བས་ན་སྦྱིན་པ་དང་། འགྲོ་བའི་ཕྱིར་སྦྱིན་པ་དང་།
D7a.013.0061a03.01ནད་པས་ན་སྦྱིན་པ་དང་། ནད་པའི་ཕྱིར་སྦྱིན་པ་དང་། བརྟད་པ་བྱུང་ནས་སྦྱིན་པའོ། །རིངས་པའི་ཟན་ལ་ལྔ་སྟེ། འགྲོ་བ་དང་། ན་བ་དང་། ནད་གཡོག་དང་། ལས་བྱེད་པ་དང་། ཁང་སྐྱོང་རྣམས་སོ། །སྟན་རྣམ་པ་ལྔའི་སྟེང་དུ་མི་འདུག་པར་བྱ་སྟེ། དེ་
D7a.013.0061a04.01བཞིན་གཤེགས་པའི་དང་། དགེ་འདུན་གྱི་གནས་བརྟན་གྱི་དང་། སློབ་དཔོན་གྱི་དང་། མཁན་པོའི་དང་། ཆོས་འཆད་པའིའོ། །འདུལ་བའི་གཞུང་དམ་པ་ལས་ལྔ་པ་རྫོགས་{སྷོ,སོ}།། །།འདུལ་བ་བཅུ་དྲུག་སྟེ། མདོར་ན། སྨྲ་བར་བྱ་དང་རྒོལ་
D7a.013.0061a05.01བ་དང་། །ལན་འདེབས་གཟུ་བོ་འཛིན་གཉིས་དང་། །རྗེས་སུ་རིགས་དང་ཡོན་ཏན་དང་། །གནས་དང་བཤད་པ་དེ་བཞིན་ཏེ། །ལྟུང་བ་གཉིས་དང་ཆད་པའི་ལས། །རྣམ་པར་ཞི་གཉིས་བསོད་ནམས་མང་། །ཐ་མར་བྱས་ནས་སྡེར་བསྡུས་པའོ། །སངས་རྒྱས་
D7a.013.0061a06.01བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་རྒོལ་བའི་དགེ་སློང་གིས་དོན་གྱིས་རྒོལ་བར་འཚལ་ན་གནས་དུར་ཤིན་ཏུ་བསམ་པ་བསམས། ཤིན་ཏུ་དཔྱད་པ་དཔྱད། ཤིན་ཏུ་བརྟག་པ་བརྟགས་ནས་དོན་གྱིས་རྒལ་བར་བགྱི། ཨུ་པཱ་ལི་རྒོལ་
D7a.013.0061a07.01