完整藏文原文 · 德格版页 当前仅加载第 13 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
ཐིག་བཏབ་པ་བཞིན་བྱེད་དོ། །ཕུར་པ་བཙུགས་པ་བཞིན་བྱེད་དོ། །ཉེས་པ་དེ་ཡང་དགེ་འདུན་ལ་འདི་ཉིད་དུ་བཤགས་པར་བྱའི་འདི་ལས་ཕྱི་རོལ་དུ་ནི་མ་ཡིན་ནོ། །ཁྱོད་ཀྱི་ལས་དེ་ཡང་དགེ་འདུན་དེ་དག་ཉིད་ཀྱིས་སླར་བདེ་བར་བྱེད་ཀྱིས་འདི་ལས་ཕྱི་རོལ་དུ་ནི་མ་ཡིན་ནོ། །
D7a.013.0279a01.01ཁྱོད་ཀྱིས་ཉེས་པ་དེ་ཡང་མ་བཤགས་སམ་སླར་མ་བྱས་ན་ནི་ཚངས་པ་མཚུངས་པར་སྤྱོད་པ་ཤེས་པ་དག་གིས་གང་དུ་འདོད་པ་དེར་གླེང་བར་བྱེད་དོ། །དེ་སྟེ་ཡང་དེ་བཞིན་དུ་བྱས་པ་ལས་ཀྱང་དུལ་བར་མ་གྱུར་ན་གང་ཟག་དེ་ཐིག་བཏབ་པ་བཞིན་བྱས་ཕུར་པ་བཙུགས་པ་བཞིན་དུ་བྱས་ལ་སྤང་བར་བྱའོ། །
D7a.013.0279a02.01དེ་འདི་ལྟ་སྟེ། རྟ་རྒོད་བཞིན་ཏེ། དེ་ནི་སོ་སོར་གནས་པར་བྱ་བ་ཞེས་བྱའོ། །གཟུ་བོས་བྱ་བ་གང་ཞེ་ན། རྩོད་པ་ཞི་བར་བྱེད་པའི་ཕྱིར་དགེ་སློང་གཟུ་བོ་ཆོས་ཉི་ཤུ་རྩ་གཉིས་དང་ལྡན་པ་བཙལ་བར་བྱའོ། །ཉི་ཤུ་རྩ་གཉིས་གང་ཞེ་ན། ཚུལ་ཁྲིམས་དང་ལྡན་ཞིང་སྔར་བསྙེན་པར་རྫོགས་
D7a.013.0279a03.01པར་གྱུར་པ་དང་། ངོ་ཚ་ཞིང་འགྱོད་པ་ཅན་དང་། སྡོམ་ཞིང་བསླབ་པ་ལ་མོས་པ་དང་། མང་དུ་ཐོས་ལ་མང་དུ་ཐོས་པ་འཛིན་ཅིང་མང་དུ་ཐོས་པ་བསགས་པ་དང་། གཞུང་ཁ་དོན་ལོབས་པ་དང་། འདུལ་བ་དང་འདུལ་བ་ལྷག་པ་ཤིན་ཏུ་རྟོགས་པ་དང་། རྩོད་པ་ལ་མཁས་པ་དང་། རྩོད་
D7a.013.0279a04.01པ་བྱུང་བ་ལ་མཁས་པ་དང་། རྩོད་པ་ཞི་བར་བྱ་བ་ལ་མཁས་པ་དང་། རྩོད་པ་ཞི་བར་གྱུར་པ་ཕྱིས་མི་འབྱུང་བར་མཁས་པ་དང་། བསྟན་བཅོས་ལ་མཁས་པ་དང་། དངོས་པོ་ལ་མཁས་ཤིང་དངོས་པོ་སྤྱོད་པ་ལ་མཁས་པ་དང་། ཁྲོ་བ་མེད་པ་ཁྲོ་བཞིན་མི་སྨྲ་བ་ཁྲོ་བར་མི་འགྱུར་བ་དང་། འཇམ་
D7a.013.0279a05.01བཞིན་སྤྱོད་པ་དང་། ལུས་དང་། ངག་དང་། བསྒོ་བ་ཡང་རྟོགས་པར་བྱེད་པ་དང་། རྫོགས་པར་བསྒོ་ཞིང་རྫོགས་པར་བྱེད་པ་དང་། གོ་བར་བྱེད་ཅིང་གོ་བར་བྱས་པས་ཡང་ཆུད་པར་བྱེད་པ་དང་། བརྟགས་ནས་སྨྲ་ཞིང་བརྟགས་ནས་སྨྲས་པ་རྟོགས་པར་བྱེད་པ་དང་། འདོད་པར་
D7a.013.0279a06.01མི་འགྲོ་བ་དང་། ཞེ་སྡང་དུ་མི་འགྲོ་བ་དང་། གཏི་མུག་ཏུ་མི་འགྲོ་བ་དང་། འཇིགས་པར་མི་འགྲོ་བ་སྟེ། གཟུ་བོ་དགེ་སློང་ཆོས་ཉི་ཤུ་རྩ་གཉིས་པོ་འདི་དང་ལྡན་ན་གཞན་ལ་མི་རྟེན་པ་ཡིན་ཞིང་ཕྱོགས་གཉི་ག་ལ་ཡང་ཆོས་ཀྱི་ལོངས་སྤྱོད་དུ་འགྱུར་རོ། །འདི་ལྟར་ཡང་གཟུ་བོའི་དགེ་སློང་
D7a.013.0279a07.01