完整藏文原文 · 德格版页 当前仅加载第 13 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སྒོའི་(སྟན་,སྟེན་)པ་བླ་འོག་སྟེ། དེ་ཤིན་ཏུ་འབྱོར་པར་བྱའོ། །དགེ་སློང་གཙུག་ལག་ཁང་ནས་གུད་དུ་འདོང་ན་བླ་འོག་གཉི་ག་ཆུག་ལ་དེང་ཤིག་དང་། གཙུག་ལག་ཁང་རུབ་པར་འགྱུར་རོ། །གཙུག་ལག་ཁང་རུབ་ན་བདག་ཅག་ཉིད་དང་། ལྷུང་བཟེད་དང་། ཆོས་གོས་དང་།
D7a.013.0283b01.01མལ་སྟན་རྣམས་ཀྱང་རུབ་པར་འགྱུར་ཏེ། འདི་ནི་འཁོར་ལོའི་བྱ་བ་ཞེས་བྱའོ། །གནས་སྟོང་པའི་བྱ་བ་གང་ཞེ་ན། དགེ་སློང་གིས་གནས་སྟོང་པ་དེ་ཆག་ཆག་གདབ་པར་བྱ། ས་ཕྱག་པར་བྱ། ཕྱག་དར་དོར་བར་བྱ། ཅི་ནུས་སུ་ལྕི་བས་ཞལ་ཞལ་འཇམ་པོར་བྱ། གསང་
D7a.013.0283b02.01དང་། ཞིགས་པ་དང་། གོགས་པ་རྣམས་སླར་བཅོས་པར་བྱ། དེ་སྟེ་སྣོད་རྣམས་སོ་སོ་ནས་འདུག་པར་གྱུར་ན་ཡང་སྤྱད་དུ་བཟོད་ན་ནི་བཀྲུ་ཞིང་གཞག་པར་བྱ། མི་བཟོད་ན་དོར་བར་བྱ། དེ་སྟེ་རུང་བར་བྱེད་པ་ཡོད་ན་ཡང་རྩྭ་སྔོན་པོ་རྣམས་རེགས་ཤིག །ཁྱིམ་པ་དག་
D7a.013.0283b03.01ལྷགས་ན་དེ་དག་ལ་ཆོས་ཀྱི་གཏམ་བྱ་བར་བྱ། དགེ་སློང་གིས་གནས་སྟོང་པར་ཞུགས་ན་ཡང་ཡལ་བར་དོར་བར་མི་བྱ། དེ་སྟེ་གནས་པར་མི་འདོད་ན། དེས་ག་ལས་གར་འགྲོ་བརྟག་པར་བྱ། འགྲོ་བའི་ཉེ་འཁོར་དང་། བཤང་ས་དང་། གཅི་ས་དང་། སྐས་ཀ་དང་། ཐེམ་
D7a.013.0283b04.01སྐས་དང་། སྒོ་བཅད་པ་དང་། སྤྱོད་ཡུལ་རྣམས་ཀྱང་བརྟགས་ལ་གནས་པར་བྱའོ། །ཇི་ལྟར་དེ་དག་གིས་ཕྱིར་བྲེལ་བ་དང་། གནོད་པར་མི་འགྱུར་བར་བྱ་སྟེ། དེ་ནི་གནས་སྟོང་པའི་བྱ་བ་ཞེས་བྱའོ། །གནས་སྟོང་པའི་གནས་བརྟན་གྱི་བྱ་བ་གང་ཞེ་ན། གནས་སྟོང་
D7a.013.0283b05.01པའི་དགེ་སློང་གནས་བརྟན་གྱི་བྱ་བ་ནི་དེས་འདི་ལྟ་བུ་ལ་འཇུག་པར་བྱའོ། །གནས་སྟོང་པའི་དགེ་སློང་གནས་བརྟན་གྱི་བཞིན་གསལ་བ་དང་། ཁྲོ་གཉེར་མེད་པར་བྱ་བ་ནས་སྔ་མ་བཞིན། ཐབ་མོ་དང་། མཚང་འདྲུ་བ་དང་། ཁོན་པ་དང་། རྩོད་པའི་རྣམས་བྱུང་བར་
D7a.013.0283b06.01གྱུར་པ་གདུལ་བར་ནན་ཏན་བྱ། ཞི་བར་བྱ། རྣམ་པར་ཞི་བར་བྱ་བའི་བར་དུ་སྟེ། འདི་ནི་གནས་སྟོང་པའི་གནས་བརྟན་གྱི་བྱ་བ་ཞེས་བྱའོ། །ལྷུང་བཟེད་ཀྱི་བྱ་བ་གང་ཞེ་ན། དགེ་སློང་གིས་ཐལ་བ་མ་བཙགས་པ་ལྷུང་བཟེད་བཀྲུ་བར་མི་བྱ། ལྕི་བ་གསེག་མ་ཅན་གྱིས་བཀྲུ་བ་
D7a.013.0283b07.01