完整藏文原文 · 德格版页 当前仅加载第 13 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ཅིག །དགེ་སློང་ནད་པ་གཞན་ཞིག་ནད་མ་སོས་ནས། དེ་འདི་སྙམ་དུ་བདག་འཚོ་སྟེ་ཅི་རུང་གིས་བདག་ཉིད་འཆིའོ་སྙམ་དུ་བསམས་ཏེ། དགེ་སློང་དེས་ནད་གཡོག་ལ་འདི་སྐད་དུ་ཚེ་དང་ལྡན་པ་ཐག་པ་ཞིག་བྱིན་ཅིག་ཅེས་སྨྲས་སོ། །དེས་དེ་ལ་བྱིན་ནས་དེ་འགགས་པ་དང་། དེ་
D7a.013.0013b01.01དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། དགེ་སློང་གིས་བབ་བབ་ཏུ་ནད་པ་ལ་ཐག་པ་མ་སྦྱིན་ཅིག །དགེ་སློང་ཞིག་བསོད་སྙོམས་སྤྱོད་པ་ན་གྲོང་ཁྱེར་ཡངས་པ་ཅན་ན་གནས་པ་དག་ཀྱང་མདའ་
D7a.013.0013b02.01དང་། གཞུ་ལག་ན་ཐོགས་པ་འོངས་ནས་དགེ་སློང་དེས་བཞིན་{བཟངས་,བཟང་}ཁོ་བོ་མ་གསད་པར་འདི་ལ་འཕོངས་ཤིག་ཅེས་སྨྲས་པ་དང་། དེས་མདའ་འཕངས་ནས་དེ་དེར་བསད་དོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་
D7a.013.0013b03.01དེ། དགེ་སློང་གིས་དེ་སྐད་མ་བསྒོ་ཤིག །དགེ་སློང་ནད་པ་གཞན་ཞིག་ཀྱང་རྒྱས་པར་ནི་སྔ་མ་ཇི་ལྟ་བ་བཞིན་དུ་ཐག་པ་ཁྱེར་ནས་ནགས་ཆེན་པོར་སོང་བ་དང་། དེས་དེར་ཤིང་ལ་འཛེགས་ནས་ཐ་གུ་དེས་བཏགས་ཏེ་དེས་ལྐོག་མ་ཞགས་མིག་ཏུ་བཅུག་ནས་ལུས་མཆོངས་པ་
D7a.013.0013b04.01དང་། ཐག་པ་ཆད་ནས་དེའི་འོག་ན་ཁྱི་བུ་བྱུང་བ་ཞིག་འདུག་སྟེ་དེའི་སྟེང་དུ་དགེ་སློང་ལྷུང་བ་དང་། ཁྱི་དེ་བུ་དང་བཅས་ཏེ་དུས་ལས་འདས་ཏེ། དགེ་སློང་དེ་དག་གིས་ཐོས་ནས་རྒྱས་པར་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D7a.013.0013b05.01དགེ་སློང་སྔ་མ་ནི་ཉེས་པར་འགྱུར་གྱི་ཕྱི་མ་ལ་ཉེས་པ་མེད་དོ། །དགེ་སློང་ལུས་ཀྱིས་འདི་ལྟར་བརྩལ་བ་ནི་མ་བྱེད་ཅིག །བྱས་ན་ཉེས་པ་སྦོམ་པོར་འགྱུར་རོ། །དགེ་སློང་གཞན་ཞིག་གྲོང་དུ་དོན་ཅིག་ཡོད་དེ། དེས་དགེ་སློང་ནད་སོས་ནས་རིང་པོར་མ་ལོན་པ་ཞིག་ཁྲིད་དེ་སོང་བ་
D7a.013.0013b06.01དང་། ལམ་དུ་རྐུན་པོས་སྐྲག་ནས་དེས་དེ་ལ་ཚེ་དང་ལྡན་པ་སྐྱེན་པར་འདོང་ཞེས་སྨྲས་པ་དང་། དེས་མི་ནུས་སོ་ཞེས་སྨྲས་ནས། དགེ་སློང་གིས་ཚུར་ཤོག་བཅོམ་མ་རེ་ཞེས་སྨྲས་ནས། དེས་དེ་ལྟར་ཁྲིད་དེ་དེ་ཡང་གྲོང་དུ་ཁྲིད་པ་དང་དུས་ལས་འདས་སོ། །དེ་འདི་
D7a.013.0013b07.01