完整藏文原文 · 德格版页 当前仅加载第 13 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
བཀྲུ་དང་། །བསོད་སྙོམས་པ་ལ་རྣམ་པ་གཉིས། །རྒྱགས་དང་འབྲས་བུ་མེ་ཏོག་དག །ཕོངས་ན་རུང་གིས་བཟའ་བར་བྱའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
D7a.013.0187a01.01དགེ་སློང་དག་ཁྲོན་པའི་ནང་ནས་ཆུ་བཅུས་ཏེ་དེ་དག་གིས་བཙགས་ན་འབྲས་ཅན་བྲུལ་མ་དང་ཁུར་བའི་དུམ་བུ་དག་བྱུང་ངོ་། །དེ་དག་ཐེ་ཚོམ་སྐྱེས་ནས་ཆགས་པ་དང་དུམ་བུ་དག་ཀྱང་འཁྲུ་བར་གྱུར་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་
D7a.013.0187a02.01ལྡན་འདས་ཀྱིས་བཀའ་སྩལ་པ། དེས་ཁ་ཟས་ཀྱི་བྱ་བ་བྱེད་མི་ནུས་ཀྱིས་ཕྱུང་སྟེ་བོར་ལ་ཚོགས་ཤིག །དེ་ལ་ཐེ་ཚོམ་དུ་མ་བྱེད་ཅིག །དགེ་སློང་དག་རྫིང་ནས་ཆུ་འཆུ་བ་དང་དེར་ཆུའི་བུམ་པ་དང་སྦྲང་རྩིའི་བུམ་པ་དག་བཀྲུས་པ་དང་། དགེ་སློང་དག་གིས་ཀྱང་ལྷུང་བཟེད་སྣུམ་
D7a.013.0187a03.01ཅན་དག་བཀྲུས་སོ། །དེ་དག་གི་སྣུམ་གྱིས་ཆུའི་སྟེང་ཞག་ཏུ་ཆགས་པར་གྱུར། ཞོའི་འབྲུམ་བུ་དག་ཀྱང་སྣང་བར་གྱུར་ནས། དགེ་སློང་དག་ཐེ་ཚོམ་སྐྱེས་ཏེ་མ་བཅུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེས་ཁ་ཟས་ཀྱི་བྱ་བ་བྱེད་མི་ནུས་ཀྱིས་ཆུས་ཤིག །
D7a.013.0187a04.01ཕྱི་དྲོ་མི་འཐུང་ནས་བཅོམ་ལྡན་འདས་ཀྱིས་བཀའ་སྩལ་པ། འཐུང་ཤིག་བུམ་པ་དང་རིལ་བ་དག་གི་ནང་དུ་མི་ལྡུགས་ཏེ། བཅོམ་ལྡན་འདས་ཀྱིས་བཀའ་སྩལ་པ། དེར་ལུགས་ཤིག་དགེ་སློང་དག་ཅིག་ལམ་དུ་ཞུགས་ཏེ་དོང་བ་དང་། དེ་ན་ཆུ་མེད་དེ་ཁྱིམ་བདག་གིས་སྣོད་ནས་ཆུ་
D7a.013.0187a05.01འགྲོན་པ་མང་པོ་ལ་བྱིན་པ་དང་། དགེ་སློང་དག་གིས་འཐུང་དུ་མ་བཏུབ་སྟེ། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་གཞན་མེད་ན་རྟོགས་ལ་འཐུང་ཤིག །དེ་དག་བུམ་པ་དང་རིལ་བའི་ནང་དུ་མི་ལྡུགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་ཡང་
D7a.013.0187a06.01ལུགས་ཤིག །ཕྱི་དྲོ་མི་འཐུང་བ་དང་། བཅོམ་ལྡན་འདས་ཀྱིས་བཀའ་སྩལ་པ། འཐུང་ཤིག་ལམ་ན་རྡོ་ཆུ་སྒྲོམ་ཡོད་པ་དང་། དགེ་སློང་དག་ཐེ་ཚོམ་སྐྱེས་ཏེ་ཆུ་མ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་རྡོ་ཆུ་སྒྲོམ་ནི་བཀྲུ་བཀྲུ་བ་ཡིན་
D7a.013.0187a07.01