完整藏文原文 · 德格版页 当前仅加载第 13 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་ཅེས་གསུངས་ན། རིགས་པ་དེ་གང་ལགས། དེ་ནི་ཕྱོགས་གཅིག་ཏུ་རིགས་པར་བྱས་པའོ། །སྐྲ་བརྒྱར་གྱེས་པའི་ཡན་ལག་གི་དུམ་བུ་ཚོལ་ལ་སྦྱོར་ཅིག །སོ་སོར་དབྱེ་བར་ནི་མ་བྱེད་ཅིག་ཅེས་གསུངས་ན་དེ་སྐད་དུ་གསུངས་པའི་དོན་གང་། ཡན་ལག་གི་དུམ་བུ་ནི་
D7a.013.0229b01.01དད་པ་བླང་བའོ། །ཡན་ལག་བཙལ་བར་བྱ། དུམ་བུ་བཙལ་བར་བྱ། དགེ་འདུན་འདུས་པ་བཙལ་བར་བྱའི་དབྱེན་དུ་འགྱུར་བ་ལ་ནི་འཇུག་པར་མི་བྱའོ། །མདོར་ན། ཀཽ་ཤཱམ་བཱི་ཡི་ཕྱོགས་གཉིས་དང་། །གསོ་སྦྱིན་དང་ནི་ཆོས་གོས་དང་། །ཀཽ་ཤཱམ་བཱི་ཡི་ཕྱོགས་གཅིག་དང་། །
D7a.013.0229b02.01ཡངས་པ་ཅན་གྱི་གཟུ་བོ་སྟེ། །གཟུ་བོས་ཀྱང་ནི་ཕྱོགས་གཉིས་སུ། །ཡངས་པ་ཅན་གྱི་གཟུ་བོའོ། །ཀཽ་ཤཱམ་བཱིའི་ཕྱོགས་གཉིས་པོ་གཅིག་ཏུ་འདུས་ནས་གསོ་སྦྱིན་ལ་ཞུགས་ན་གཟུ་བོ་རྣམས་ཀྱིས་ཇི་ལྟར་འཚལ་ཅིག །མཚམས་ཀྱི་ཕྱི་རོལ་དུ་དེང་ལ་གསོ་སྦྱིན་བྱོས་ཤིག །ཀཽ་ཤཱམ་
D7a.013.0229b03.01བཱིའི་ཕྱོགས་གཉིས་ཀ་གཅིག་ཏུ་འདུས་ཤིང་འཁོད་པ་ལ་དེ་ན་མི་ཞིག་གིས་དགེ་འདུན་ལ་གོས་ཕུལ་ན་དེ་གང་དབང་། གནས་བརྟན་གང་ན་འདུག་པ་དབང་ངོ་། །ཕྱོགས་གཅིག་ན་ནི་གནས་བརྟན་མཆིས། ཕྱོགས་གཅིག་ན་ནི་གནས་བརྟན་འོག་མ་མཆིས་ན་གང་དབང་། དེ་གཉིས་
D7a.013.0229b04.01ལས་གང་ལ་ཆུ་རྒྱུན་བྲིམས་པ་དེ་དབང་ངོ་། །ཐམས་ཅད་ཀྱིས་ཇི་ལྟར་བགོ་བར་བགྱི། གང་ལ་ཐོབ་པ་དེ་རྣམས་ལ་རིམ་བཞིན་དུའོ། །ཡུལ་ཡངས་པ་ཅན་དང་ཀཽ་ཤཱམ་བཱི་པ་གཉིས་ལྷན་ཅིག་གསོ་སྦྱིན་བགྱིད་ན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །གཟུ་བོ་རྣམས་ཀཽ་ཤཱམ་
D7a.013.0229b05.01བཱི་པ་དང་གསོ་སྦྱིན་བགྱིས་ན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །གཟུ་བོ་རྣམས་ཡངས་པ་ཅན་པ་དག་དང་གསོ་སྦྱིན་བགྱིས་ན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །མདོར་ན། གང་གི་དུས་སུ་བྱེ་བར་གྱུར། །སྲིང་མོ་རྣམས་ལའང་རྗེས་བསྒྲགས་པ། །
D7a.013.0229b06.01ཕྱོགས་དང་དགེ་སློང་མ་ཡི་དགེ་འདུན་དང་། གང་གི་དུས་སུ་ཀཽ་ཤཱམ་བཱིའི་དགེ་འདུན་རྣམས་བྱེ་བར་གྱུར། གང་གི་ཚེ་དེ་དག་གི་མཚམས་ཀྱི་ནང་དུ་གསོ་སྦྱིན་ཐ་དད་དུ་བྱས་པ་ནའོ། །གང་གི་དུས་སུ་དགེ་སློང་གང་གིས། ཀཽ་ཤཱམ་བཱིའི་དགེ་སློང་ཕྱེ། ཆོས་བཞིན་སྨྲ་བ་མ་ཡིན་པ་དག་
D7a.013.0229b07.01