完整藏文原文 · 德格版页 当前仅加载第 13 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུང་མས་ཇོ་བོའི་སྲས་ཅི་ཁྱོད་འབྲེག་མཁན་གྱི་ཁྱིམ་ན་འདུག་འདུག་གམ། དེས་གོས་ལ་བལྟས་ན་སྐྲ་ཆགས་ཤིང་འདུག་པ་མཐོང་ནས་དེས་བསམས་པ། བསོད་སྙོམས་པ་དེ་གདིང་བའི་སྟེང་དུ་འདུག་བཞིན་དུ་སྐྲ་མ་བྲེགས་གྲང་ཞེས་དེ་(བལྟར་,ལྟར་)འགྲོའོ་
D7a.013.0109a01.01སྙམ་བསམས་ནས། དེར་སོང་སྟེ་བལྟས་པ་དང་། དེའི་གདིང་བ་སྐྲ་དག་གིས་གང་ཞིང་འདུག་པ་མཐོང་ནས། འཕགས་པ་གདིང་བའི་སྟེང་དུ་སྐྲ་མི་འབྲེག་པ་ཙམ་ཡང་མི་ཤེས་སམ་ཞེས་ཉེས་པ་ངོར་བརྗོད་པ་དང་། བསོད་སྙོམས་པ་དེ་གནོང་ནས་སྤ་གོང་སྟེ་ངོ་ཚ་ནས་ཅང་མི་
D7a.013.0109a02.01ཟེར་བར་འདུག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་བདག་དེ་དག་འཕྱ་བ་ནི་ཡུས་ཏེ། དེ་བས་ན་དགེ་སློང་གདིང་བའི་སྟེང་ན་འདུག་ཅིང་སྐྲ་མ་འབྲེག་ཤིག །
D7a.013.0109a03.01བཅོམ་ལྡན་འདས་ཀྱིས་དགེ་སློང་དག་གདིང་བའི་སྟེང་ན་འདུག་ཅིང་སྐྲ་མ་འབྲེག་ཤིག་ཅེས་བཀའ་སྩལ་པ་དང་། དགེ་སློང་དག་གིས་གནས་ཁང་དང་། བཀད་ས་དང་། སྒོ་ཁང་དུ་སྐྲ་བྲེགས་ནས་དེ་ཉིད་ཉེས་པའི་དམིགས་སུ་གྱུར་ནས། བཅོམ་ལྡན་འདས་
D7a.013.0109a04.01ཀྱིས་བཀའ་སྩལ་པ། གང་དགེ་འདུན་གྱི་ཕྱག་དར་བྱེད་པའི་གནས་དེར་སྐྲ་མ་འབྲེག་ཤིག །བྲེགས་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་གང་དགེ་འདུན་གྱི་ཕྱག་དར་བྱ་བའི་གནས་དེར་སྐྲ་མ་འབྲེག་ཤིག་ཅེས་གསུངས་པ་དང་། དགེ་
D7a.013.0109a05.01སློང་ཁ་ཅིག་རྒས་ཤིང་འཁོགས་ལ་རིད་པར་གྱུར། ཁ་ཅིག་ནི་ན་བར་གྱུར་ཏེ། ཕྱི་རོལ་དུ་འགྲོ་མི་ནུས། མི་ན་བ་དག་ཀྱང་ཚ་ཞིང་ཆར་པ་བབ་པར་གྱུར་པ་དང་། དེ་དག་ཀྱང་ཕྱིར་འབྱུང་མི་ནུས་ནས་གནོད་པར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་
D7a.013.0109a06.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་དགེ་སློང་དག་རྒས་ཤིང་འཁོགས་ལ་རིད་པར་གྱུར་པ་དང་། ན་སྟེ་མི་བདེ་བ་དག་ནི་སྔ་གང་དུ་སྐྲ་བྲེག་པར་གྱིས་ཤིག །མི་ན་བ་དག་ཚ་ཞིང་ཆར་པ་བབ་པར་གྱུར་ཏེ། ཕྱི་རོལ་དུ་འབྱུང་དུ་མི་
D7a.013.0109a07.01