完整藏文原文 · 德格版页 当前仅加载第 13 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མ་བསྟན་པའི་སེམས་ཀྱིས་མ་བསད་ན་ཕས་ཕམ་པའི་ལྟུང་བར་ཡང་འགྱུར། མཚམས་མེད་པའི་ལས་སུ་ཡང་འགྱུར་རོ། །ལུང་དུ་མི་སྟོན་པའི་སེམས་ཀྱིས་མ་བསད་ན་ཕས་ཕམ་པའི་ཉེས་པར་ཡང་མི་འགྱུར་ལ་མཚམས་མེད་པའི་ལས་སུ་ཡང་མི་འགྱུར་རོ། །དེ་བཞིན་དུ་
D7a.013.0211b01.01ཕ་དང་། ཉན་ཐོས་ཀྱི་དགྲ་བཅོམ་པ་ཡང་དེ་བཞིན་ནོ།། །།འདུལ་བ་གཞུང་དམ་པ། བམ་པོ་བཞི་བཅུ་རྩ་ལྔ་པ། བཙུན་པ་དགེ་སློང་མཚམས་ཀྱི་ནང་ན་ལྷན་ཅིག་གནས་པ་ལས་ཐོག་མ་ནས་མ་སྤངས་པར་དགེ་འདུན་ཀྱང་མ་འདུས་པ་དེའི་ཚེ་ཚིག་ཙམ་གྱིས་ལས་
D7a.013.0211b02.01ཐམས་ཅད་བགྱིས་ན་བགྱིས་པ་ཞེས་ཀྱང་བགྱི་ལ་ནོངས་པར་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏེ། དེ་ལྟ་བས་ན་དེའི་ཕྱིར་ངས་མཽད་གལ་གྱི་བུ་
D7a.013.0211b03.01ལ་ཁྱེད་ཅག་གིས་སོ་སོར་ཐར་པའི་མདོ་ལྷོགས་ཤིག །དེ་བཞིན་གཤེགས་པ་ལ་སོ་སོར་ཐར་པའི་མདོ་ཀློག་པ་མ་སྡོད་ཅིག་ཅེས་བསྒོ་བ་ཡིན་ནོ། །ཡང་དགེ་སློང་ལ་ལ་གསོ་སྦྱིན་ལྔ་ལས་གང་ཡང་རུང་བའི་གསོ་སྦྱིན་མངོན་དུ་མ་མྱོང་ན་གསོ་སྦྱིན་བགྱིས་ཤིང་ནོངས་པར་
D7a.013.0211b04.01ཡང་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། གསོ་སྦྱིན་བྱིན་གྱིས་བརླབས་པའོ། །བཙུན་པ་བཅོམ་ལྡན་འདས་ཀྱིས་ཁྱིམ་པ་འདུག་པར་གསོ་སྦྱིན་མི་བྱ་ཞིང་སོ་སོར་ཐར་པ་མ་ཀློག་ཤིག་ཅེས་གསུངས་ན། ཁྱིམ་པ་མཆིས་བཞིན་
D7a.013.0211b05.01དུ་དགེ་འདུན་གྱིས་གསོ་སྦྱིན་བགྱིས་ཏེ་སོ་སོར་ཐར་པའི་མདོ་བཀླགས་ན་བཀླགས་པ་ཞེས་ཀྱང་བགྱི་ལ་ནོངས་པར་ཡང་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུ་ཡང་ཡོད་དེ། ངས་འདི་ལྟར་དགེ་སློང་རྣམས་ཁྱེད་ཀྱིས་ཀཽ་ས་ལའི་རྒྱལ་
D7a.013.0211b06.01པོ་གསལ་རྒྱལ་གྱི་མདུན་དུ་འཁོར་གཞན་མེད་པར་བྱོས་ལ་སོ་སོར་ཐར་པའི་མདོ་ལྷོགས་ཤིག་དང་དེ་རབ་ཏུ་དད་པར་འགྱུར་རོ། །ཞེས་བསྒོ་བ་ཡིན་ནོ། །བཅོམ་ལྡན་འདས་དགེ་སློང་དགེ་བའི་སེམས་དང་ལྡན་པས་ནོངས་པར་འགྱུར་རམ། དེ་སྟེ་མི་དགེ་བའི་སེམས་དང་།
D7a.013.0211b07.01