完整藏文原文 · 德格版页 当前仅加载第 13 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
ཏམ། ཁ་བསྒྱུར་བ་ཞིག་ཏུ་གྱུར་ན་ཡང་དེ་ལ་བདག་གིས་མཁན་པོའི་ཆོས་གོས་ཀྱི་ལས་རང་གིས་བྱའོ་སྙམ་མམ། གཞན་ལ་བྱེད་དུ་གཞུག་གོ་སྙམ་དུ་ལྷན་ཅིག་སྤྱོད་པས་མྱུར་དུ་སྤྲོ་བ་བསྐྱེད་པར་བྱ། དེ་སྟེ་མཁན་པོ་ན་བ་ཞིག་ཏུ་གྱུར་ན་ཡང་དེ་ལ་
D7a.013.0303a01.01བདག་ཉིད་ཀྱིས་མཁན་པོ་ན་བའི་ནད་གཡོག་བྱའོ་སྙམ་མམ། གཞན་ལ་ནད་གཡོག་བྱེད་དུ་གཞུག་གོ་སྙམ་དུ་ལྷན་ཅིག་སྤྱོད་པས་མྱུར་དུ་སྤྲོ་བ་བསྐྱེད་པར་བྱ། དེ་སྟེ་མཁན་པོ་ལ་ཐེ་ཚོམ་ཞིག་སྐྱེས་པར་གྱུར་ན། དེ་ལ་ཅི་ནས་བདག་གིས་མཁན་པོའི་ཐེ་ཚོམ་སྐྱེས་པ་
D7a.013.0303a02.01དེ་བདག་ཉིད་ཀྱིས་སླར་བསལ་ལོ་སྙམ་མམ། གཞན་མཁན་པོའི་ཐེ་ཚོམ་སེལ་དུ་གཞུག་གོ་སྙམ་དུ་ལྷན་ཅིག་སྤྱོད་པས་མྱུར་དུ་སྤྲོ་བ་བསྐྱེད་པར་བྱའོ། །དེ་སྟེ་མཁན་པོ་སྡིག་པ་ལ་ལྟ་བར་གྱུར་ན་ཡང་དེ་ལ་ཅི་ནས་བདག་གིས་མཁན་པོ་སྡིག་པ་ལ་ལྟ་བར་གྱུར་པ་དེ་སླར་གཏང་
D7a.013.0303a03.01བར་བྱའོ་སྙམ་མམ། གཞན་ལ་སླར་གཏོང་བར་བྱེད་དུ་གཞུག་གོ་སྙམ་དུ་ལྷན་ཅིག་སྤྱོད་པས་མྱུར་དུ་སྤྲོ་བ་བསྐྱེད་པར་བྱའོ། །དེ་སྟེ་མཁན་པོ་ལ་ཆད་པའི་ལས་ཤིག་མངོན་དུ་འབྱུང་ངམ་བྱུང་བར་གྱུར་ན། དེ་ལ་ཅི་ནས་བདག་གིས་མཁན་པོ་ཆད་པའི་ལས་ཀྱིས་གཅོད་པར་བྱེད་དམ་
D7a.013.0303a04.01བཅད་ཀྱང་རུང་སྟེ། དབྱུང་བར་བྱའོ་སྙམ་དུ་ལྷན་ཅིག་སྤྱོད་པས་སྤྲོ་བ་མྱུར་དུ་བསྐྱེད་པར་བྱའོ། །དེ་སྟེ་མཁན་པོ་ལ་སྤང་བའི་ལས་ཤིག་མངོན་དུ་བྱེད་པར་འགྱུར་རམ། བྱས་པར་གྱུར་ཀྱང་རུང་སྟེ། དེར་ཅི་ནས་བདག་གིས་མཁན་པོ་ལ་སྤང་བའི་ལས་ཤིག་མངོན་དུ་བྱེད་ཀྱང་རུང་
D7a.013.0303a05.01བྱས་ཀྱང་རུང་སྟེ། དབྱུང་ངོ་སྙམ་དུ་ལྷན་ཅིག་སྤྱོད་པས་མྱུར་དུ་སྤྲོ་བ་བསྐྱེད་པར་བྱའོ། །དེ་སྟེ་མཁན་པོ་ལ་དགེ་འདུན་གྱི་ལྷག་མའི་ཉེས་པ་ཞིག་བྱུང་བར་གྱུར་ན། དེ་ལ་ཅི་ནས་བདག་གིས་མཁན་པོ་ལ་ཆད་པར་བྱེད་པ་བྱིན་ཅིག་པ་དང་། གཞི་ནས་བསླང་བའི་ཆད་པའམ།
D7a.013.0303a06.01ཆད་པ་བྱས་ཟིན་ནས་ཡིད་མགུ་བར་བྱ་བ་བྱིན་ཅིག་པའམ། གཞི་ནས་བསླང་སྟེ་ཡིད་མགུ་བར་བྱ་བའམ། ཡིད་མགུ་བར་སྤྱད་ནས་དབྱུང་བ་བྱིན་ཅིག་པར་ལྷན་ཅིག་གནས་པས་སྤྲོ་བ་བསྐྱེད་པར་གྱུར་ན་ནི་ལེགས། སྤྲོ་བ་མ་བསྐྱེད་ན་འདས་པ་དང་བཅས་པར་འགྱུར་རོ། །དེ་ལྟར་
D7a.013.0303a07.01