完整藏文原文 · 德格版页 当前仅加载第 13 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ལྟ་ཞིང་གཙུག་ལག་ཁང་གི་ནང་དུ་ཞུགས་ལ་སྣང་གཡེལ་ཆེ་བའི་ཕྱོགས་སུ་འདུག་ཤིག་དང་། ཅི་ནས་གཞི་ན་གནས་པའི་དགེ་སློང་དག་གིས་མཐོང་ནས་དགེ་སློང་འདི་ནི་གློ་བུར་དུ་འོངས་པ་ཞིག་གོ་ཞེས་ནས་དེ་དག་གིས་ངལ་བསོ་བར་བྱ་བར་འགྱུར། གློ་བུར་
D7a.013.0290a01.01དུ་འོངས་པའི་དགེ་སློང་གཙུག་ལག་ཁང་གི་ནང་དུ་ཞུགས་པ་དང་། གང་རིགས་པར་ཆོས་གོས་ཀྱི་ཚང་ཐུར་དང་། ལྷུང་བཟེད་ཀྱི་སྣོད་དང་། རིལ་བ་དང་། ལྷམ་རྣམས་གཞག་པར་བྱའོ། །དེ་ནས་དགེ་སློང་གནས་བརྟན་དག་ལ་བཀུར་སྟིར་བཅས། རི་མོར་བཅས།
D7a.013.0290a02.01འཇིགས་པའི་དབང་དུ་གྱིས་ལ་རྐང་པ་ལ་ཕྱག་བྱོས་ཤིག །དགེ་སློང་གསར་བུ་རྣམས་ལ་ཚིག་སྙན་པས་དགའ་བར་བྱོས་ཤིག །སྟན་ཇི་ལྟ་བུ་ཐོབ་པ་དེ་ལ་འདུག་པར་བྱ། གློ་བུར་དུ་འོངས་པའི་དགེ་སློང་ཟས་ཀྱི་ཚེའམ། བཏུང་བའི་ཚེའམ། ཐུག་པ་བཏུང་བའི་
D7a.013.0290a03.01ཚེའམ། ཕྱག་བྱ་བའི་ཚེའང་རུང་། བསྒོའམ། གཎྜཱི་བརྡུངས་ནས་དགེ་འདུན་འདུ་བའི་ཁར་འདུས་ཤིག །ལོ་གྲངས་དྲིས་ལ་གར་བབ་པའི་རིམ་བཞིན་དུ་འདུག་ཤིག །དེ་སྟེ་མལ་སྟན་འབྲིམ་ན་ཤིན་ཏུ་རྟོགས་ལ་ལོང་ཤིག །གནས་ཁང་བསྐོས་ན་ཅི་འདི་ན་
D7a.013.0290a04.01གནས་སམ་མི་གནས་ཞེས་དྲིས་ཤིག །དེ་སྟེ་གནས་ན་ནི་ཅི་བདེ་ཞེས་བྱོས་ཤིག །དེ་སྟེ་མི་གནས་པ་ཞིག་ཡིན་ན་ནི་དེས་ལྷུང་བཟེད་དང་ཆོས་གོས་ཕྱོགས་གཅིག་ཏུ་ཞོག་ལ་ཕྱག་དར་བྱ་བའི་ཕྱིར་ཕྱགས་མ་ཚོལ་ཅིག །ཆུ་རྫ་དང་ཤིང་སྟན་ཀྱང་ཚོལ་ཅིག །གནས་
D7a.013.0290a05.01ཁང་གི་སྒོ་དྲུང་དུ་འོངས་ན་ཡང་དལ་ནས་རྡུངས་ཤིག །འོན་ཏེ་དེ་ན་སྦྲུལ་ལམ། སྡིག་པའམ། རྐང་{མངས་སམ,མང་ངམ}། ཏེ་མ་པུ་ཀའམ། ཧེ་ལ་ཏ་ཀའམ། སྲོག་ཆགས་གདུག་པ་གཞན་དག་ཀྱང་རུང་སྟེ་ཡོད་ན་ཚོར་བར་བྱས་པར་འགྱུར་རོ། །དེ་སྒོའི་དཔྱིས་བླ་འོག་ཏུ་རྟོགས་
D7a.013.0290a06.01ཤིག །སྒོ་འཕར་ལའང་རྟོགས་ཤིག །དེ་ནས་སྒོ་དལ་ནས་ཕྱེ་སྟེ་ཤེས་བཞིན་དུ་ནང་དུ་ཞུགས་ལ་དབུས་སུ་འདུག་ནས་གྲྭ་བཞིར་སྦྲུལ་གྱི་གནས་སམ། སྡིག་པའི་གནས་སམ། སྲིན་བུའམ། སྦྲང་མའམ། གྲོག་སྦུར་གཞན་གྱི་གནས་ལྟོས་ཏེ། ཡོད་པར་གྱུར་ན་
D7a.013.0290a07.01