完整藏文原文 · 德格版页 当前仅加载第 13 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་གི་ཆུང་མ་དེས་སྨྲས་པ། འཕགས་པ་བློན་པོ་ཆེན་པོ་འདི་ཞེས་བགྱི་བ་ལ་ཁོ་མོའི་ཁྱིམ་འདི་དང་། ཁོ་མོའི་ནོར་འདི་དང་། རྫས་འདི་དག་ཐམས་ཅད་འབུལ་གྱིས་ཚུར་སྤྱོན་ཞེས་བགྱི་བར་སྤྱོད་དམ། ནུས་སོ་ཞེས་སྨྲས་ཏེ། དེ་སོང་ནས་དེ་ལ་བསྒོ་བ་དང་། དེ་གཉིས་དུམ་
D7a.013.0021b01.01པར་གྱུར་ནས་དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །ཁྱིམ་བདག་གི་ཆུང་མ་ཞིག་གིས་དགེ་འདུན་གྱི་གཙུག་ལག་ཁང་ཞིག་བརྩིགས་ཏེ། དེས་དེར་ཆོས་གོས་དང་རྗེས་སུ་ཕན་པའི་སྨན་རྣམས་འབུལ་བ་ལས་
D7a.013.0021b02.01ཁྱིམ་བདག་གི་ཆུང་མ་དེ་དུས་ལས་འདས་ནས། དེ་དུས་ལས་འདས་པ་དང་གཙུག་ལག་ཁང་དེར་ཆོས་གོས་དང་རྗེས་སུ་ཕན་པའི་སྨན་རྣམས་འབུལ་བ་སུ་ཡང་མེད་དེ། དགེ་སློང་དག་གིས་ཁྱིམ་བདག་དེའི་དྲུང་དུ་སོང་སྟེ་འདི་སྐད་དུ་ཁྱིམ་བདག་ཁྱོད་ཀྱི་ཆུང་མ་དེས་གཙུག་ལག་ཁང་ཇི་ལྟར་བྱས་པ་དེ་ལྟར་
D7a.013.0021b03.01ཁྱོད་ཀྱིས་ཀྱང་ཆོས་གོས་དང་རྗེས་སུ་ཕན་པ་དང་ནད་པའི་སྨན་ཅུང་ཟད་མི་འབུལ་ལམ་ཞེས་སྨྲས་པ་དང་བཙུན་པ་ཆུང་མ་དེ་ནི་བསོད་ནམས་དང་ལྡན་ལ་མཐུ་ཆེན་མོ་ཞིག་སྟེ། གང་ཅུང་ཟད་སྨྲས་པ་དེ་ཐམས་ཅད་དེའི་ཕྱིར་བགྱིད་ན། དེ་སྟེ་བདག་ལ་ཁྱིམ་བདག་འདི་ཞེས་བྱ་བའི་ཆུང་མས་ཟན་བསྐྱལ་
D7a.013.0021b04.01བར་བགྱི་ན་དེ་བཞིན་དུ་ད་དུང་ཡང་འབུལ་བར་རྔོ་ཐོག་གོ་ཞེས་སྨྲས་པ་དང་། དགེ་སློང་དེ་དག་ཁྱིམ་བདག་དེའི་ཆུང་མའི་དྲུང་དུ་སོང་ནས་འདི་སྐད་དུ་ཁྱིམ་བདག་གི་ཆུང་མ་ཁྱོད་ཀྱིས་ཁྱིམ་བདག་འདི་ཞེས་བྱ་བ་ལ་ཟན་སྦྱིན་པར་ནུས་སམ་ཞེས་སྨྲས་ནས་བཙུན་པ་མི་ནུས་སོ། །ཁོ་མོའི་ཁྱིམ་འདི་
D7a.013.0021b05.01ཉིད་ན་བྱ་བ་མང་དུ་ཡོད་པ་དེ་ཉིད་ཀྱང་མི་ནུས་ན་གཞན་ལ་བསྐྱལ་བ་ལྟ་ཅི་སྨོས། དེ་དག་གིས་ཁྱིམ་བདག་གི་ཆུང་མ་སྤྲོ་བར་གྱིས་ཤིག །མཆོད་རྟེན་ལ་འབུལ་ལོ། །དགེ་འདུན་ལ་འབུལ་བར་འགྱུར་རོ་ཞེས་བསྒོ་བ་དང་། ཁྱིམ་བདག་གི་ཆུང་མའང་དད་པ་ཞིག་སྟེ། དེས་དད་དོ་ཞེས་
D7a.013.0021b06.01སྨྲས་ནས་དེ་གཉིས་ཡང་དང་ཡང་དུ་འདྲུལ་བ་དང་དུམ་པར་གྱུར་ཏོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དོ། །ཁྱིམ་བདག་ཅིག་གིས་དགེ་འདུན་གྱི་གཙུག་ལག་ཁང་ཞིག་བརྩིགས་ཏེ་དེས་དེར་ཆོས་གོས་དང་ན་བའི་སྨན་རྣམས་
D7a.013.0021b07.01