完整藏文原文 · 德格版页 当前仅加载第 13 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་རྣམས་ཀྱིས་ཉུང་ངུ་ཞིག་བཞག་སྟེ། དེ་ཉིད་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མང་དུ་འཁོར་ལ་དེ་དག་ལས་ཕྱེད་ནི་སྔར་ཟན་ཟོ་ཞིག །བཅོམ་ལྡན་འདས་ཀྱིས་ཤིང་ཐོག་ཨ་མྲའི་འབྲས་བུ་སྨིན་པ་དགེ་འདུན་ལ་
D7a.013.0136a01.01བྲིམས་ཤིག་ཅེས་གསུངས་པ་དང་། གང་གི་ཚེ་སྨིན་པར་གྱུར་པ་དེའི་ཚེ་སྲིན་བུས་ཟོས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གནས་འཆའ་བ་རྣམས་ཀྱིས་སོ་སོར་བརྟག་པར་བྱོས་ཤིག་སོ་སོར་བརྟག་པར་བྱེད་པ་དེ་དག་ཅ་ཅོ་ཆེ་ནས་དགེ་སློང་རྣམས་ཀྱིས་དེ་
D7a.013.0136a02.01ལས་བཟློག་ཀྱང་དེ་དག་མི་བཏུབ་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། འཕགས་པའི་མི་སྨྲ་བས་སོ་སོར་བརྟག་པར་བྱ་སྟེ་ཅ་ཅོ་མ་སྨྲ་ཤིག །སྨྲ་ན་འདས་པ་དང་བཅས་པར་འགྱུར་རོ། །
D7a.013.0136a03.01གླེང་གཞིའི་སྒོ་བཞི་པའི་མདོའི་ཚིགས་སུ་བཅད་པ་དགུ་པའོ།། །།མདོར་ན། རུང་བར་བྱ་དང་དགེ་ཚུལ་ཕ། །བདག་གིས་བྱིན་གྱིས་བརླབས་པ་དང་། །བླངས་ཤིང་བྱིན་ལེན་བྱེད་པ་དང་། །ཡང་ན་དེ་ལྟར་བསྟན་པ་དང་། །མཚམས་བཅིང་བ་དང་སྟོང་པ་དང་། །ཐབ་མོ་དང་ནི་
D7a.013.0136a04.01རྫོགས་པའོ། །བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །བཅོམ་ལྡན་འདས་ཀྱིས་ཤིང་ཐོག་ཨ་མྲའི་འབྲས་བུ་བྲིམས་ཤིག་ཅེས་གསུངས་པ་དགེ་སློང་རྣམས་སུས་བྲིམ་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0136a05.01རུང་བར་བྱེད་པས་བྲིམས་ཤིག །རུང་བར་བྱེད་པ་མེད་ན་དགེ་ཚུལ་ཕས་བྱོས་ཤིག །དགེ་ཚུལ་ཕ་མེད་ན་དགེ་སློང་རང་གིས་ལག་པ་བཀྲུས་ཏེ་བྱིན་ལེན་བྱོས་ལ་སོ་སོར་རུང་བར་གྱིས་ཏེ་བྲིམ་པར་བྱོས་ཤིག །བཅོམ་ལྡན་འདས་ཀྱིས་དགེ་སློང་རང་གི་ལག་པ་ཁྲུས་ལ་བྱིན་ལེན་བྱོས་ཏེ་སོ་སོར་
D7a.013.0136a06.01རུང་བར་བྱོས་ལ་བྲིམས་ཤིག་ཅེས་བཀའ་སྩལ་པ་དང་། འབྲས་བུ་མང་པོས་གང་བའི་སྐོན་བུ་གཅིག་པུས་མ་ཐེག་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པས་ཀྱང་གྲོགས་བྱོས་ལ་གཉི་གས་བྲིམ་པར་བྱ་སྟེ། གང་ཁྱིམ་པས་བྲིམས་པ་དེ་ནི་བྱིན་ལེན་དུ་བྱའོ། །
D7a.013.0136a07.01