完整藏文原文 · 德格版页 当前仅加载第 13 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མས་བསླངས་ན་སླར་བཤགས་པར་མི་འགྱུར་རོ། །དངོས་པོ་གང་གིས་ནོངས་བགྱིས་སུ་འགྱུར་བའི་དངོས་པོ་དེ་ཉིད་ཀྱིས་ནོངས་བགྱིས་སུ་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་རྩྭ་སྔོན་པོའི་སྟེང་དུ་བཤང་གཅི་
D7a.013.0221a01.01བྱས་ན་ཉེས་བྱས་སུ་འགྱུར་རོ། །དགེ་སློང་མས་བྱས་ན་ཉེས་བྱས་སུ་མི་འགྱུར་རོ། །དགེ་སློང་མས་ཤམ་ཐབས་ཀྱིས་རྐེད་པ་འདས་ཙམ་དུ་བགོས་ན་ཉེས་བྱས་སུ་འགྱུར་རོ། །དགེ་སློང་གིས་ཤམ་ཐབས་ཀྱིས་རྐེད་པ་འདས་པར་བགོས་ཀྱང་ཉེས་པ་མེད་དོ། །དགེ་སློང་ཕྱིན་ཏོ་སྙམ་པ་
D7a.013.0221a02.01ལས་ལྟུང་བར་མི་འགྱུར་བ་དང་། ལྟུང་བའོ་སྙམ་པ་ལས་ཕྱིན་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་ལ་དགེ་འདུན་གྱི་ལྷག་མའི་ནོངས་པ་བྱུང་ནས་དེ་ལ་དབྱུང་བའི་ལས་བྱེད་པའི་ཚེ་ལྷམ་གྱོན་ཞིང་འདུག་པ་དང་། ལག་པས་
D7a.013.0221a03.01པུས་མོ་གཉིས་ཀ་འཁྱུད་ཅིང་འདུག་པ་དང་། མགོ་གཡོགས་པ་དང་། རྩྭ་སྔོན་པོ་གཅོད་པ་དང་། ས་ལ་རི་མོ་འདྲི་བ་ལས་ཉེས་པ་བྱུང་བ་ནི་འདི་ལྟར་ཕྱིན་ཏོ་སྙམ་པ་ལས་ཉེས་པ་བྱུང་བའོ། །དགེ་སློང་གིས་ཉེས་པ་བྱུང་ངོ་སྙམ་པ་ལས་ཕྱིན་པ་གང་ཞེ་ན། དེ་འདི་ལྟར་དགེ་སློང་དེ་དགེ་འདུན་གྱི་
D7a.013.0221a04.01ལྷག་མའི་ཉེས་པ་བྱུང་བ་མི་མཐུན་པ་བྱུང་ངོ་སྙམ་པ་ལས་དེའི་མཚན་འཕོས་ཏེ་མཚན་འཕོས་པ་དགེ་སློང་མ་ལ་ནི་ཕྱིན་ཏེ། དེ་ལྟར་ན་ཉེས་པ་བྱུང་ངོ་སྙམ་པ་ལས་ཕྱིན་པ་ཡིན་ནོ། །མཚམས་བཀྲོལ་ལ་སྙམ་པ་ལས་བཅད་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་
D7a.013.0221a05.01པ། ཡོད་དེ། ལས་ཀྱི་མཚམས་བཀྲོལ་ཡང་གྲོང་གི་མཚམས་མ་བཀྲོལ་བར་འགྱུར་རོ། །སོང་བའི་རྗེས་སུ་སོང་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། མཚམས་སོ། །དགེ་སློང་གིས་ཉེས་པ་སྡེ་ལྔ་འབྱུང་བ་མཆིས་སམ། བཅོམ་ལྡན་འདས་ཀྱིས་
D7a.013.0221a06.01བཀའ་སྩལ་པ། ཡོད་དེ། བུད་མེད་ཀྱི་གོས་བྱས་ན་ཉེས་བྱས་སུ་འགྱུར་རོ། །བསླབ་པའི་སྡོམ་པ་བཅས་པའི་གྲོང་ནས་རང་གི་ལག་གིས་བཟའ་བ་དང་བཅའ་བ་བསླངས་ན་སོ་སོར་འཆགས་པར་འགྱུར་རོ། །བུད་མེད་ལ་ཚིག་ལྔའམ། དྲུག་ལས་ལྷག་པར་ཆོས་བསྟན་ན་ལྟུང་
D7a.013.0221a07.01