完整藏文原文 · 德格版页 当前仅加载第 13 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བར་སྤྱད། དགེ་སློང་མས་ཀྱལ་ཀ་བྱས་སོ། །དེ་ཇི་ལྟར་བྱས་ཞེས་སྨྲས་པ་དང་། དེ་ལྟར་གྱུར་པ་རྒྱས་པར་དགེ་སློང་དག་ལ་སྨྲས་སོ། །དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ན་དགེ་སློང་གཅིག་དང་
D7a.013.0179b01.01དགེ་སློང་མ་གཅིག་གནས་པ་དེ་ན་དགེ་སློང་དེ་གྲལ་ཀྱང་དང་པོ། ཆུ་ཡང་དང་པོ། ཟན་ཡང་དང་པོར་ཟོ་ཤིག །གང་ན་དགེ་སློང་མ་གཉིས་སམ། གསུམ་མམ། དེ་ལས་ལྷག་པ་ཞིག་ལ་དགེ་སློང་གཅིག་ཅིག་འོངས་ན་དགེ་སློང་གཅིག་པུ་དེ་སྟན་ཡང་དང་པོ། ཆུ་ཡང་དང་པོ།
D7a.013.0179b02.01ཟན་ཡང་དང་པོར་ཟོ་ཤིག །གང་དེ་སྟེ་དགེ་སློང་མ་དག་འབའ་ཞིག་ན་ཡང་རྟག་ཏུ་གྲལ་གྱི་དང་པོར་སྟན་ཅིག་ལྷག་པར་ཞོག་ལ་འཁོད་ཅིག་དེ་སྟེ་དགེ་ཚུལ་ཕ་ཞིག་འོངས་ན་ཡང་དེ་དེར་འདུག་ལ་ཟོ་ཤིག །དེ་སྟེ་དེས་མི་ནུས་པར་གྱུར་ན་ཡང་དགེ་སློང་མས་སྦྱིན་པའི་ཡོན་ཏན་ལྷོགས་
D7a.013.0179b03.01ཤིག །དགེ་སློང་མས་དེ་ལྟར་མ་བྱས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། ཁྱིམ་བདག་མགོན་མེད་ཟས་སྦྱིན་པས་ཛེ་ཏའི་ཚལ་དུ་དུས་སྟོན་ཆེན་པོ་བྱས་ནས་བུ་དང་ཆུང་མ་དགེ་འདུན་ལ་ཡོན་དུ་ཕུལ་བ་དང་། དགེ་སློང་དག་གིས་ཇི་
D7a.013.0179b04.01ལྟར་བྱ་བ་མི་ཤེས་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ལ་དྲིས་ཤིག །དྲིས་པ་དང་། ཕ་དེས་སྨྲས་པ། འཕགས་པ་དག་རིན་ཐང་ཆོད་ཅིག་དང་བདག་གིས་གླུང་གསོལ་ལོ། །
D7a.013.0179b05.01དྲུག་སྡེ་དག་གིས་དེ་ལ་འགྲན་ཅིང་སྤེལ་བ་ལ་ཞུགས་པ་དང་། དེའི་ནང་ནས་ཆུང་མ་བུ་ཆུང་ངུ་མ་ཅན་གྱིས་ཁྱིམ་བདག་མགོན་མེད་ཟས་སྦྱིན་གྱི་རྐང་པ་ལ་བཏུད་དེ་ཇོ་བོ་བདག་གི་བུ་ཆུང་གིས་བདག་མ་གཏང་ཤིག་ཅེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་
D7a.013.0179b06.01ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སེམས་ཅན་གྱི་ནང་ན་བུད་མེད་ལས་སྙིང་ཆུང་བ་མེད་ཀྱིས་འཇིགས་པར་མ་བྱ་ཤིག །དེ་བས་དགེ་སློང་གིས་བུད་མེད་ཀྱི་རིན་ཐང་མ་གཅོད་ཅིག །བཅད་ན་འདས་པ་དང་བཅས་པར་འགྱུར་རོ། །སྦྱིན་
D7a.013.0179b07.01