完整藏文原文 · 德格版页 当前仅加载第 13 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པས་ལྷ་གུ་ལང་དང་། བ་རུ་ཎ་དང་། ངལ་བསོ་པོ་དང་། བ་ས་བ་ལ་སོགས་པ་ལྷ་སྟོང་ལ་གསོལ་ཀྱང་དེའི་བུ་གསོན་པར་མ་གྱུར་ཏེ། དེ་ལ་གཞན་ཞིག་གིས་དེ་སྟེ་ཁྱོད་ལ་བུ་ཕོ་ཞིག་བཙས་ན་བུ་མོའི་མིང་དུ་ཐོགས་ཤིག་དང་ཡུན་རིང་དུ་འཚོ་བར་
D7a.013.0105a01.01འགྱུར་རོ་ཞེས་བསྒོའོ། །དེ་དུས་ཕྱི་ཞིག་ན་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱད་དོ། །དེས་རྩེ་དགའ་ཡོངས་སུ་སྤྱད་པས་དེའི་ཆུང་མ་སེམས་ཅན་དང་ལྡན་པར་གྱུར་ནས། ཟླ་བ་བརྒྱད་དམ་དགུ་ལོན་ནས་ཁྱེའུ་ཞིག་བཙས་ཏེ། དེ་གཟུགས་ལེགས་ཤིང་བལྟ་ན་
D7a.013.0105a02.01སྡུག་པ། མཛེས་པ། མདོག་གསེར་གྱི་ཁ་དོག་ལྟ་བུ། མགོ་གདུགས་འདྲ་བ། ལག་པ་རིང་བ། དཔྲལ་བའི་དབྱེས་ཆེ་བ་དང་། ཀོས་ཀོ་རིང་བ། སྨིན་མ་སྙོམས་པ། སྣ་མཐོ་ཞིང་ཡན་ལག་དང་ཉིང་ལག་ཐམས་ཅད་དུ་ལྡན་པ་ཞིག་བཙས་ཏེ། དེ་བཙས་
D7a.013.0105a03.01པའི་བཙས་སྟོན་ཆེན་པོ་བྱས་ནས་མིང་གདགས་པར་བརྩམས་ཏེ། མཛའ་བོའི་བུ་དེ་བུ་མོའི་མིང་དུ་བཏགས་པས་ན་ཁྱེའུ་འདིའི་མིང་བུ་མོ་མཛའ་མོར་གདགས་སོ། །ཅི་ཙམ་ན་ཁྱེའུ་བུ་མོ་མཛའ་མོ་ཞེས་བྱ་བ་དེ་ཆེར་གྱུར་པ་དང་། དེའི་ཕ་ཡང་རྒྱ་མཚོ་ཆེན་པོའི་ནང་དུ་
D7a.013.0105a04.01ཞུགས་ཏེ། དེ་དེ་ཉིད་དུ་ཤི་བར་གྱུར་ཏོ། །དེ་ནས་བུ་མོ་མཛའ་མོས། མ་ལ་བདག་གི་ཕ་སྔོན་གྱི་ལས་འབྲས་བུ་གང་གིས་འཚོ། བདག་ཀྱང་ཕྱིས་དེ་བཞིན་དུ་བསྒྲུབ་བོ་ཞེས་སྨྲས་པ་དང་། མས་བསམས་པ། སྔོན་རྒྱ་མཚོ་ཆེན་པོའི་ནང་དུ་འཇུག་པའི་ཚོང་པ་ཡིན་
D7a.013.0105a05.01ནོ་ཞེས་འདི་ལ་སྨྲས་ན་ནི་འདི་ཉིད་ཀྱང་རྒྱ་མཚོ་ཆེན་པོའི་ནང་དུ་ཞུགས་ཏེ་དེ་ཉིད་དུ་ཤི་བར་འགྱུར་རོ་སྙམ་དུ་བསམས་ནས། དེས་བུ་ཁྱོད་ཀྱི་ཕ་ནི་སྔོན་འབྲུ་འཚོང་བ་བྱེད་བྱེད་དེ། ཁྱོད་ཀྱང་དགའ་ན་འབྲུ་འཚོང་བ་གྱིས་ཤིག་ཅེས་སྨྲས་པ་དང་། དེས་འབྲུའི་ཚོང་ཁང་བརྩིགས་
D7a.013.0105a06.01ཏེ། ཐོག་མའི་ཉིན་པར་ཀཱར་ཥཱ་པ་ཎ་བཞི་རྙེད་དེ། དེས་དེ་དག་མ་ལ་བྱིན་ནོ། །དེ་ནས་དུས་ཕྱི་ཞིག་ན་གཞན་ཞིག་གིས་དེ་ལ་ཁྱོད་ཀྱི་ཕ་ནི་སྔོན་དྲི་འཚོང་བའོ་ཞེས་སྨྲས་པ་དང་། དེས་འབྲུ་འཚོང་བ་བཏང་སྟེ། དྲི་འཚོང་བའི་ཚོང་ཁང་བརྩིགས་སོ། །དེ་ནས་ཉི་མ་
D7a.013.0105a07.01