完整藏文原文 · 德格版页 当前仅加载第 13 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིའམ། ཨུ་པཱ་ལི་དགེ་སློང་མ་དག་གིས་ཀྱང་རྒྱབ་དང་རྐེད་པ་དང་མགོ་ལ་ཁུར་མ་ཁྱེར་ཅིག །དེ་སྟེ་(ཁྱར་,ཁྱེར་)ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཞིག་གིས་རིགས་མཉམ་པ་ལས་ཆུང་
D7a.013.0112b01.01མ་ཞིག་བླངས་ཏེ། དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱད་ནས་དུས་ཕྱི་ཞིག་ན་དེའི་ཆུང་མ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ་དགུ་ལོན་པ་དང་། དེ་ལ་བུ་གཟུགས་ལེགས་པ་བལྟ་ན་སྡུག་པ།
D7a.013.0112b02.01བཟང་བ། ཡན་ལག་ཐམས་ཅད་དང་ལྡན་པའི་ཁྱེའུ་ཞིག་བཙས་ཏེ། དེ་དག་གིས་སྐྱེས་པའི་སྐྱེས་སྟོན་ཆེན་པོ་བྱས་ནས་མིང་བཏགས་སོ། །དེ་བསྲིངས་བསྐྱེད་དེ་ཆེར་གྱུར་པ་དང་། ཇི་ཙམ་དུས་ཕྱི་ཞིག་ན་ཕ་མ་ལ་མ་གསོལ་བར་བཅོམ་ལྡན་འདས་ཀྱི་བསྟན་པ་ལ་
D7a.013.0112b03.01རབ་ཏུ་བྱུང་ངོ་། །དེ་སྔ་དྲོ་ཤམ་ཐབས་བགོས་ནས་ལྷུང་བཟེད་དང་ཆོས་གོས་ཁྱེར་ཏེ་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དེའི་ཕ་རྒན་པོས་མཐོང་ནས་བུ་ཁྱོད་རབ་ཏུ་བྱུང་ན་ངེད་ཅག་སུས་གསོ་བར་འགྱུར་ཞེས་སྨྲས་པ་དང་། དེ་སྤ་གོང་ནས་ཅང་མི་སྨྲ་
D7a.013.0112b04.01བར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཕ་དང་མ་ནི་བུའི་དཀའ་བ་བྱེད་པ་ཡིན་ཏེ། དེ་ལྟ་བས་ན་བུ་རབ་ཏུ་བྱུང་ཡང་ཕ་མ་གཉིས་ཀྱི་བཟའ་བ་དང་བགོ་བ་དག་
D7a.013.0112b05.01སྦྱོར་བར་རྗེས་སུ་གནང་ངོ་། །བཅོམ་ལྡན་འདས་ཀྱིས་རབ་ཏུ་བྱུང་ཡང་ཕ་མ་གཉིས་ཀྱི་བཟའ་བ་དང་བགོ་བ་དག་སྦྱོར་ཅིག་ཅེས་གསུངས་པ་དང་། དགེ་སློང་དག་གིས་ཇི་ལྟར་སྦྱར་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གང་ལྷུང་བཟེད་དང་ཆོས་
D7a.013.0112b06.01གོས་ལྷག་པར་གྱུར་པ་དེས་སྦྱར་བར་བྱོས་ཤིག །དེ་སྟེ་མེད་ན་སྦྱིན་བདག་ལས་སློངས་ཏེ་སྦྱོར་ཅིག །དེ་སྟེ་དགེ་འདུན་དུ་གཏོགས་ལ་དགེ་འདུན་གྱི་རྙེད་པ་དབང་བར་གྱུར་ན་དེའི་ཕྱེད་བྱིན་ཅིག །དེ་སྟེ་བསོད་སྙོམས་པ་ཞིག་ན་བསོད་སྙོམས་ཀྱི་ཕྱེད་སྦྱིན་པར་གྱིས་
D7a.013.0112b07.01