完整藏文原文 · 德格版页 当前仅加载第 13 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་རོ་ཞེས་སྨྲས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྨན་པས་ཤ་སར་པ་ལས་ཁུ་ཤར་བྱོས་ལ་བྱིན་ཅིག་ཅེས་བསྒོ་ན་ནི་དེ་ལྟ་བས་ན་རྗེས་སུ་གནང་བ་ནི་ཤ་སར་པ་ལས་
D7a.013.0110b01.01ཁུ་ཤར་གྱིས་ལ་དར་གྱིས་ཚོགས་ཏེ་བྱིན་ཅིག །དགེ་སློང་དག་གིས་དེ་བཞིན་དུ་བྱིན་ཡང་སོས་པར་མ་གྱུར་ནས། དགེ་སློང་དག་གིས་སྨན་པ་ལ་ཞིབ་ཏུ་སྨྲས་པ་དང་། དེས་འཕགས་པ་དག་སྣག་ཚོགས་བྱོས་ལ་བྱིན་ཅིག་ཅེས་སྨྲས་པ་དང་། དེ་ལྟར་གྱུར་པ་དགེ་
D7a.013.0110b02.01སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྨན་པས་སྣག་ཚོགས་བྱིན་ཅིག་ཅེས་བསྒོ་ན་ནི་བྱིན་ཅིག །དེ་ལ་སོགས་ཏེ་གཏུབས་པ་དང་། སྐམ་པོ་ཐམས་ཅད་ཀྱང་བྱིན་ཅིག །དེ་ལ་ཐེ་ཚོམ་མ་བྱེད་
D7a.013.0110b03.01ཅིག །གླེང་གཞིའི་སྒོ་གསུམ་པའི་མདོའི་ཚིགས་སུ་བཅད་པ་གསུམ་པའོ།། །།མདོར་ན། དུད་པ་བཏུང་དང་སེང་རས་དང་། །སྣར་བླུགས་པ་དང་ཕོར་བུ་དང་། །ཁབ་རལ་དང་ནི་མིག་བྱུག་པ། །དྲང་སྲོང་ཆེན་པོས་གནང་བའོ། །སངས་རྒྱས་བཅོམ་ལྡན་
D7a.013.0110b04.01འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དུད་པ་བཏུང་བའི་སྦུབ་བུ་ཆོངས་ཤིག་ཅེས་གསུངས་ན། ཇི་ལྟ་བུ་
D7a.013.0110b05.01བཅང་བར་བགྱི། ཨུ་པཱ་ལི་རིན་པོ་ཆེ་ལས་བྱས་པ་མ་གཏོགས་སོ། །བཙུན་པ་བཅོམ་ལྡན་འདས་ཀྱིས་སེང་རས་ཆོངས་ཤིག་ཅེས་གསུངས་ན། ཇི་ལྟ་བུ་བཅང་བར་བགྱི། བལ་ལས་བྱས་པ་དང་། ཟར་མ་ལས་བྱས་པ་དང་། རས་ལས་བྱས་པའོ། །བཙུན་པ་བཅོམ་
D7a.013.0110b06.01ལྡན་འདས་ཀྱིས་སྣའི་ནང་དུ་བླུགས་པ་ཆོངས་ཤིག་ཅེས་གསུངས་ན་ཇི་ལྟ་བུ་བཅང་བར་བགྱི། ཨུ་པཱ་ལི་རིན་པོ་ཆེ་ལས་བྱས་པ་མ་གཏོགས་སོ། །བཙུན་པ་བཅོམ་ལྡན་འདས་ཀྱིས་རྗེས་བཞིན་བཏུང་བའི་ཕོར་བུ་ཆོངས་ཤིག་ཅེས་གསུངས་ན། ཇི་ལྟ་བུ་བཅང་བར་བགྱི།
D7a.013.0110b07.01