完整藏文原文 · 德格版页 当前仅加载第 13 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ངན་དུ་སྨྲ་བའི་ཆོས་དང་འདུལ་བའི་མུ་སྟེགས་ཅན་འདི་དག་ཅི་འདོད་པ་བླངས་ནས་མུ་
D7a.013.0088b01.01སྟེགས་སུ་བགྱི་བ་བགྱིད་ན། བཅོམ་ལྡན་འདས་ཀྱིས་གནང་ན་ནི་དེ་དང་དེ་དག་ཏུ་ཞེས་བྱ་བ་ནས་དགེ་འདུན་ལ་ཡོན་འབུལ་བར་དགོད་དོ་ཞེས་བྱ་བའི་བར་དུ་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་ངས་ཁྱིམ་བདག་རྗེས་སུ་གནང་
D7a.013.0088b02.01གིས་ཅི་འདོད་པ་བསླངས་ཏེ། སངས་རྒྱས་དང་ཆོས་དང་དགེ་འདུན་ལ་བྱ་བ་བྱེད་པར་བྱོས་ཤིག །བཅོམ་ལྡན་འདས་ཀྱིས་ཅི་འདོད་པ་བླངས་ཏེ། སངས་རྒྱས་དང་ཆོས་དང་དགེ་འདུན་ལ་བྱ་བ་བྱོས་ཤིག་ཅེས་བཀའ་སྩལ་ནས། ཁྱིམ་བདག་མགོན་མེད་ཟས་སྦྱིན་
D7a.013.0088b03.01གྱིས་ཡང་དག་པར་བསྐུལ་བར་བརྩམས་པ་དང་། བྲམ་ཟེ་དང་ཁྱིམ་བདག་དག་གིས་འཕགས་པ་དག་ཀྱང་ཡང་དག་པར་བསྐུལ་ན་ནི་བདག་ཅག་ལ་བསོད་ནམས་དེ་བས་ཀྱང་རབ་ཏུ་མང་བར་འགྱུར་རོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་
D7a.013.0088b04.01སློང་དག་གིས་ཀྱང་གྲོགས་གྱིས་ཤིག །བྲམ་ཟེ་དང་ཁྱིམ་བདག་དག་གིས་དེ་སྟེ་བདག་ཅག་གི་མིང་ནས་བརྗོད་ན་ནི་ལེགས་པར་འགྱུར་རོ་ཞེས་སྨྲས་པ་དང་། བཅོམ་ལྡན་འདས་ཀྱིས་སྦྱིན་བདག་གིས་བྱིན་ན་བརྗོད་པར་བྱོས་ཤིག་ཅེས་བཀའ་སྩལ་པ་དང་། ཁྱིམ་བདག་
D7a.013.0088b05.01གིས་ཀྱང་བརྗོད་པར་བྱས་ནས་བྲམ་ཟེ་དང་ཁྱིམ་བདག་གིས་དེ་སྟེ་འཕགས་པ་དག་གིས་བརྗོད་ན་ནི་བདག་ཅག་ལ་དེ་བས་ཀྱང་བསོད་ནམས་མང་དུ་འགྱུར་རོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་ཀྱང་བརྗོད་པར་བྱོས་ཤིག །
D7a.013.0088b06.01བྲམ་ཟེ་དང་ཁྱིམ་བདག་དག་གཙུག་ལག་ཁང་དུ་འོངས་ནས་ཕུལ་བ་དང་། བཅོམ་ལྡན་འདས་ཀྱིས་གཙུག་ལག་ཁང་དུ་ཡང་བརྗོད་པར་བྱོས་ཤིག་ཅེས་བཀའ་སྩལ་ཏོ། །རྗོད་པར་བྱེད་པ་དེ་སྐྱེ་བོ་མང་པོ་དག་གིས་བསྐོར་ནས་མི་སྣང་བར་གྱུར་པ་དང་། བཅོམ་ལྡན་འདས་
D7a.013.0088b07.01