完整藏文原文 · 德格版页 当前仅加载第 13 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
མར་འཚལ་ནས་ཞུགས་མར་གྱི་སྣོད་ཀྱང་འཚལ་ཏེ་མཆིས་ན། བཅོམ་ལྡན་འདས་ཀྱིས་རྗེས་སུ་གནང་བར་མཛོད་ཅིག་དང་། བདག་གིས་ཞུགས་མར་གྱི་ཁང་བུ་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་བས་ན་
D7a.013.0115a01.01ཁྱིམ་བདག་ངས་རྗེས་སུ་གནང་གིས་དེ་ལྟར་བྱོས་ཤིག །དེས་མར་མེའི་ཁང་བུ་དག་ཀྱང་བྱས་སོ། །དབུ་སྐྲ་དང་སེན་མོའི་མཆོད་རྟེན་ལ་བ་ལང་དག་གིས་བསྙོགས་པ་དང་། དེ་ཡང་བཅོམ་ལྡན་འདས་གང་ན་བ་དེར་སོང་ནས་ཞབས་ལ་ཕྱག་བྱས་ཏེ་འདི་
D7a.013.0115a02.01སྐད་ཅེས་གསོལ་ཏོ། །བཅོམ་ལྡན་འདས་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་བརྩིགས་པ་ལ་བ་ལང་དག་གིས་བསྙོགས་པར་གྱུར་ན། བཅོམ་ལྡན་འདས་ཀྱིས་དེ་ལ་རྗེས་སུ་གནང་བར་མཛོད་ཅིག་དང་། བདག་གིས་སྟེགས་བུས་
D7a.013.0115a03.01བསྐོར་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་ངས་རྗེས་སུ་གནང་གིས་བསྐོར་བར་བྱོས་ཤིག །དེས་སྟེགས་བུས་བསྐོར་ན་རྟ་བབས་མེད་པ་དང་། མི་མཛེས་པར་གྱུར་ཏེ། དེ་ཡང་བཅོམ་ལྡན་
D7a.013.0115a04.01འདས་གང་ན་བ་དེར་སོང་ནས་ཞབས་ལ་ཕྱག་འཚལ་ཏེ་གསོལ་པ། བཅོམ་ལྡན་འདས་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་གྱི་ཐ་མ་སྟེགས་བུས་བསྐོར་ན་སྟེགས་བུ་དེའི་རྟ་བབས་མ་མཆིས་ཏེ་མི་མཛེས་ན། དེ་ལ་བཅོམ་ལྡན་འདས་ཀྱིས་
D7a.013.0115a05.01རྗེས་སུ་གནང་བར་མཛོད་ཅིག་དང་། བདག་གིས་སྟེགས་བུའི་རྟ་བབས་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་ངས་རྗེས་སུ་གནང་གིས་བྱོས་ཤིག་ཅེས་བཀའ་སྩལ་པ་དང་། དེས་རྟ་བབས་བྱས་ཏེ་ཡོ་
D7a.013.0115a06.01བྱད་ཐམས་ཅད་བསོགས་ནས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ལ་མཛའ་བོ་དང་ཕུ་ནུ་དང་གཉེན་དག་བསོགས་ནས་མཆོད་པ་ཆེན་པོ་བྱས་སོ། །སྐྱེ་བོ་མང་པོ་དག་དེ་ལྟ་བུ་མཐོང་ནས་རབ་ཏུ་མོས་ཏེ། དེ་དག་དད་པ་སྐྱེས་ནས་དེ་དག་གིས་ཀྱང་རྣམ་པ་
D7a.013.0115a07.01