完整藏文原文 · 德格版页 当前仅加载第 13 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
གར་མཆིས། ཁྱིམ་བདག་གནས་ཁང་ན་ཡོད་དོ་སྣོམས་ཏེ་སྤྱོན། དེ་དག་གིས་ཕྱུང་སྟེ་བྱིན་ནོ། །དེས་སྨྲས་པ། ད་སྤྱོད་ཡུལ་གྱི་དད་པ་སྐྱེད་དུ་བཞུད་ཅིག །དེ་དག་གིས་མ་སྤོབས་ནས། ཅང་མི་ཟེར་བར་འདུག་ནས། དེ་ལྟར་གྱུར་པ་དགེ་སློང་དག་གིས་བཅོམ་
D7a.013.0198a01.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་བདག་དེ་འཕྱ་བ་ནི་ཡུས་ཏེ། དེ་བས་ན་རྣམ་པ་བཞིས་ནི་མ་བགོ་ཤིག །དེ་ནི་མཆོད་རྟེན་ཐམས་ཅད་ཀྱི་དང་། ཕྱོགས་བཞིའི་དགེ་འདུན་ཐམས་ཅད་ཀྱི་དང་། ནད་གསོས་ཀྱི་རིན་ཐམས་
D7a.013.0198a02.01ཅད་དང་། ཟས་ནར་མ་ཐམས་ཅད་དོ། །གླེང་གཞི་ནི་མཉན་དུ་ཡོད་པ་ན་སྟེ། དྲུག་སྡེ་དག་ལྗོངས་རྒྱུ་བ་སྤྱོད་ཅིང་སྐར་མ་ཤར་ཙམ་ཞིག་ན་གཙུག་ལག་ཁང་ཞིག་ཏུ་ཕྱིན་པ་དང་། དགེ་སློང་དེ་དག་གིས་གང་དུ་མཛའ་བའི་གནས་སུ་ངལ་བསོ་ཞིང་འདུག་ཏུ་བཅུག་པ་དང་། དེ་དག་གིས་
D7a.013.0198a03.01སྨྲས་པ། ཚེ་དང་ལྡན་པ་དག་ཅི་ཞིག་བསྡད་དུ་ཡོད། སྟོན་པ་བཞུགས་བཞིན་དུ་བསྟན་པ་ཞིག་པར་བྱའམ། རྒན་རིམས་བཞིན་དུ་ཅིའི་ཕྱིར་མི་བགོ། །དེ་དག་ཇི་ལྟར་རྒན་རིམས་བཞིན་དུ་བགེད་པ་ལ་ཞུགས་པ་དང་། གསར་བུ་དག་མ་བགོས་པར་ནམ་ནངས་སོ། །དེ་དག་ནམ་
D7a.013.0198a04.01ནངས་པ་དང་ལངས་ཏེ། ཚེ་དང་ལྡན་པ་དག་ངེད་ཅག་འདོང་གིས་མལ་སྟན་ལོང་ཤིག །དགེ་སློང་དག་གིས་སྨྲས་པ། ཚེ་དང་ལྡན་པ་དག་ཁྱེད་ཅག་སྐད་ཅིག་འཁོད་པའི་ཕྱིར་ཁྱེད་ཀྱིས་དགེ་འདུན་ཐམས་ཅད་ལ་གནོད་པ་བྱས་སོ། །དེ་དག་གིས་སྨྲས་པ། དེ་ནི་སྟོན་པའི་བཀའ་ལུང་
D7a.013.0198a05.01བཞིན་ནོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྐར་མ་ཤར་ཕན་ཆད་མལ་སྟན་མ་བགོ་ཤིག །བགོས་ན་འདས་པ་དང་བཅས་པར་འགྱུར་རོ། །མལ་སྟན་བགེད་པས་ཀྱང་མ་བགོ་
D7a.013.0198a06.01ཤིག །བགོས་ན་འདས་པ་དང་བཅས་པར་འགྱུར་རོ། །རྐྱང་པའི་སྒོ་བཞི་པའི་མདོའི་ཚིགས་སུ་བཅད་པ་བདུན་པའོ།། །།མདོར་ན། རྒུན་འབྲུ་དང་ཡང་འབྲ་གོ་གཞན། །མེས་རུང་བ་ཡང་དེ་བཞིན་ཏེ། །ཞུགས་ཐབ་མར་མེ་སྡོང་བུ་དང་། །དྲང་སྲོང་ཆེན་པོས་གནང་
D7a.013.0198a07.01