完整藏文原文 · 德格版页 当前仅加载第 13 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཏེ། མཚམས་ཀྱི་ནང་དུ་ལྷན་ཅིག་གནས་པ་ལས་གསོ་སྦྱིན་ཐ་དད་དུ་བྱས་པས་སོ། །དགེ་སློང་མའི་དགེ་འདུན་ཀྱང་ཕྱེ་ནས་ཐ་དད་དུ་གནས་པ་ཞེས་བྱའོ། །ཅི་དགེ་སློང་མའི་དགེ་འདུན་བྱེ་བ་ལ་ཟླ་བ་ཕྱེད་ཕྱེད་ཅིང་ལུང་བསྟན་པར་བགྱིའམ། བཅོམ་ལྡན་
D7a.013.0230a01.01འདས་ཀྱིས་བཀའ་སྩལ་པ། བསྟན་པར་མི་བྱ་སྟེ། སྲིང་མོའི་རྣམས་མཐུན་པར་གྱིས་ཤིག་ཅེས་སྔར་བསྒོ་བར་བྱའོ། །རྣམ་པ་གཉིས་ཀྱི་ཕྱིར་དགེ་འདུན་བྱེ་བ་རྗེས་སུ་བསྒྲགས་པ་དང་ཚུལ་ཤིང་བྲིམས་པ་ལགས་སོ་ཞེས་གསུངས་ན། གང་གིས་དབྱེ་ཞིང་གནོད་པར་བརྩམས་ཏེ་རྗེས་
D7a.013.0230a02.01སུ་བསྒྲགས་སམ་ཚུལ་ཤིང་བྲིམས་པ་ལས་བླངས་ན། དགེ་འདུན་བྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །ལས་བགྱིད་པ་ལ་ཅིར་འགྱུར། དབྱེན་གྱི་འཁོར་དུ་གཏོགས་པས་ན་དེ་སྟེ་དགེ་འདུན་ཐམས་ཅད་ཀྱིས་ན་དགེ་འདུན་ཐམས་ཅད་ཀྱང་འདས་པ་དང་བཅས་པར་འགྱུར་རོ། །
D7a.013.0230a03.01ཕྱི་རོལ་ན་དགེ་སློང་མའི་དགེ་འདུན་ཕྱོགས་དང་ཕྱོགས་མ་ཡིན་པར་གནས་པར་གྱུར་ན་དེ་དག་ལ་ཟླ་བ་ཕྱེད་ཕྱེད་ཅིང་ལུང་བསྟན་པ་སྩལ་བར་བགྱིའམ། དགེ་སློང་མའི་དགེ་འདུན་ཀྱང་བྱེ་བར་འགྱུར་གྱིས་སྦྱིན་པར་བྱའོ། །ཡངས་པ་ཅན་གྱི་དགེ་སློང་མ་རྣམས་ལ་ལུང་བསྟན་པར་
D7a.013.0230a04.01བགྱི་བ་ལས་དེ་ན་ཀཽ་ཤཱམ་བཱི་ཡང་མཆིས་པར་གྱུར་ན་དེ་དག་ལས་ཇི་ལྟ་བུར་བསྟན་པར་བགྱི། མཚམས་ཀྱི་ཕྱི་རོལ་དུ་སོང་ལ་བསྟན་པར་བྱའོ། །མདོར་ན། གཅིག་གིས་གཅིག་ལ་སྤངས་པ་དང་། །གཉིད་ཀྱིས་ལོག་ནས་སྤངས་པ་དང་། །གཞན་དག་གིས་ཀྱང་གང་ཟག་
D7a.013.0230a05.01ལ། །ཚུལ་བཞིན་དུ་ཡང་མ་བྱས་པའོ། །བཙུན་པ་བཅོམ་ལྡན་འདས་ཀྱིས་ཆོས་བཞིན་མ་ཡིན་པས་བྱས་ལ་མ་འདུས་པ་དང་། ཆོས་བཞིན་མ་ཡིན་ལ་འདུས་པ་དང་། ཆོས་བཞིན་མ་ཡིན་པ་དང་འདྲ་བ་ལ་འདུས་པ་དང་། ཆོས་བཞིན་མ་ཡིན་པ་དང་འདྲ་བ་ལ་མ་འདུས་
D7a.013.0230a06.01པའོ་ཞེས་གསུངས་ན། ཆོས་བཞིན་མ་ཡིན་པར་བགྱིས་ན་མ་འདུས་པ་གང་ལགས། བསྡིགས་པའི་ལས་བྱ་བར་རིགས་པ་ལས་སྤངས་ནས་འདུས་པ་སྟེ། དེ་ལྟར་ན་ཆོས་བཞིན་མ་ཡིན་པར་བྱས་ལ་མ་འདུས་པའོ། །ཆོས་བཞིན་མ་ཡིན་པ་ལ་འདུས་པ་གང་ཞེ་ན།
D7a.013.0230a07.01