完整藏文原文 · 德格版页 当前仅加载第 13 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞི་བ་དང་། འདུལ་བ་དང་། སྤོང་བ་དང་། འགོག་པའི་ཕྱིར་ཏེ། དེ་ལྟར་ན་རྩོད་པ་ཞི་བའི་ཆོས་ཞེས་བྱའོ། །རྩོད་པ་རབ་ཏུ་མ་ཞི་བ་གང་ཞེ་ན། ཆོས་ལྔ་དང་ལྡན་ན་རྩོད་པ་ལེགས་པར་ཞི་བར་མི་འགྱུར་ཏེ། ལྔ་གང་ཞེ་ན། དགེ་འདུན་
D7a.013.0239a01.01ལ་མ་གསོལ་བ་ཡིན། རྒྱལ་བའི་གསུང་དང་མི་མཐུན་པ་ཡིན། ཕྱོགས་དང་མཐུན་པའི་ཕྱོགས་ཀྱིས་དགེ་སློང་རྣམས་ལ་མ་བསྒོ་བ་ཡིན། ཆོས་མཐུན་པར་རྒོལ་བ་དང་། ལན་ལོན་པའི་དགེ་སློང་རྣམས་གུས་པར་མ་བཟློག་པ་ཡིན། ཉེས་པ་བྱུང་བའི་དགེ་སློང་
D7a.013.0239a02.01གིས་ཉེས་པ་མ་སྦྱངས་པའང་ཡིན་ཏེ། ཆོས་འདི་ལྔ་དང་ལྡན་ན་རྩོད་པ་ལེགས་པར་ཞི་བ་མ་ཡིན་ནོ། །ཆོས་ལྔ་དང་ལྡན་ན་རྩོད་པ་ལེགས་པར་ཞི་བ་ཡིན་ཏེ། ལྔ་གང་ཞེ་ན། དགེ་འདུན་ལ་གསོལ་བ་བྱས་པ་ཡིན། རྒྱལ་བའི་གསུང་དང་མཐུན་པ་ཡིན། ཕྱོགས་དང་
D7a.013.0239a03.01ཕྱོགས་མི་མཐུན་པའི་དགེ་སློང་རྣམས་ལ་བསྒོ་བ་ཡིན། ཆོས་མཐུན་པར་རྒོལ་བ་དང་ལན་ལྡོན་པའི་དགེ་སློང་རྣམས་གུས་པར་བཟློག་པ་ཡིན། ཉེས་པ་བྱུང་བའི་དགེ་སློང་གི་ལྟུང་བ་སྦྱངས་པ་ཡིན་ཏེ། ཆོས་དེ་ལྔ་དང་ལྡན་ན་རྩོད་པ་ལེགས་པར་ཞི་བ་ཡིན་ཏེ་དེ་ནི་རྩོད་པ་རབ་ཏུ་ཞི་བ་
D7a.013.0239a04.01ཞེས་བྱའོ། །ཀློག་པ་གང་ཞེ་ན། གང་བཞི་པའམ་བཅུ་གསུམ་པའང་སྟེ། རྒྱས་པར་ཀློག་པ་དེ་ནི་ཀློག་པའོ་ཞེས་བྱའོ། །མི་ཀློག་པ་གང་ཞེ་ན། གནས་གང་ན་སོ་སོར་ཐར་པའི་མདོ་ཀློག་པའི་དགེ་སློང་གིས་སོ་སོར་ཐར་པའི་མདོ་མི་ཀློག་ན་དེའི་རྗེས་ནས་ཀློག་པ་གཞན་གྱིས་
D7a.013.0239a05.01ཀློག་པར་བྱའོ། །དེས་ཀྱང་མ་བཀླགས་ལ་མི་སྤོབས་ན། དེའི་ཡང་རྗེས་ནས་ཟློས་པ་གཞན་གྱིས་ལྷོགས་ཤིག །དེས་ཀྱང་མི་ནུས་ལ་མ་སྤོབས་ཏེ། དེ་བཞིན་དུ་རྗེས་ནས་ཟློས་པའི་མཐར་ཕྱིན་གྱི་བར་དུ་གང་གིས་ཀྱང་སྤོབས་པ་མེད་ན་དེ་མ་བཀླགས་པ་ཞེས་བྱའོ། །བྱིན་གྱིས་
D7a.013.0239a06.01བརླབ་པ་གང་ཞེ་ན། དགེ་སློང་གང་གནས་ན་གཅིག་པུ་འདུག་ན་དེས་བཅོ་ལྔའི་གསོ་སྦྱིན་དེ་ཉིད་དུ་སྔར་ལངས་ཏེ་མཆོད་རྟེན་དང་ཁང་པར་ཕྱག་དར་བྱ། ཁྱམས་ཀྱང་ཕྱག་དར་བྱ། གསོ་སྦྱིན་གྱི་གནས་ཀྱང་ཕྱག་དར་བྱས་ལ་ཤིན་ཏུ་གསར་པའི་བ་ལང་གི་ལྕི་བས་འཇམ་
D7a.013.0239a07.01