完整藏文原文 · 德格版页 当前仅加载第 13 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
དཀར་པོའི་ཕྱོགས་སུ་རྣམ་པ་ལྔར་བཟློག་སྟེ་བརྗོད་པར་བྱའོ། །ཆོས་ལྔ་དང་ལྡན་ན་ནད་པའི་ནད་གཡོག་དུ་བཅུག་པའི་མི་རིགས་སོ། །ཚིག་མི་སྲུན་པ་ཡིན་ཏེ། ཚིག་མི་སྲུན་པར་གྱུར་པའི་ཆོས་རྣམས་དང་ལྡན་པ་དང་། ནད་པ་ལ་ལུང་བསྟན་པ་བཞིན་མི་
D7a.013.0057a01.01བྱེད་པ་དང་། ནད་པ་ལ་ཕན་པ་དང་མི་ཕན་པ་མི་ཤེས་པ་དང་། ནད་པའི་སྨན་སྦྱོར་མི་ནུས་པ་དང་། ནད་པ་ལ་ཁ་ཟས་ཀྱི་ཕྱིར་ནད་གཡོག་བྱེད་ཀྱིས་ཆོས་ཀྱི་ཕྱིར་མ་ཡིན་ཞིང་སྨོད་པ་ཅན་ཡིན་ཏེ། ནད་པ་ལ་རབ་ཏུ་སྨད་ནས་ནད་པའི་བཤང་གཅི་དང་། མཆིལ་མ་དང་།
D7a.013.0057a02.01སྐྱུགས་པ་དང་། ཚད་པ་འདོར་དུ་མི་བཏུབ་ཅིང་སྨོད་པའོ། །དཀར་པོའི་ཕྱོགས་སུ་རྣམ་པ་ལྔར་བཟློག་སྟེ་བརྗོད་པར་བྱའོ། །ཆོས་ལྔ་དང་ལྡན་ཞིང་ལོ་བཅུ་ལོན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ་སྟེ། ལྔ་གང་ཞེ་ན། ཚུལ་
D7a.013.0057a03.01ཁྲིམས་དང་ལྡན་པ་དང་། མང་དུ་ཐོས་པ་དང་། མདོ་སྡེ་འཛིན་པ་དང་། འདུལ་བ་འཛིན་པ་དང་། མ་ལྟ་བུ་འཛིན་པའོ། །གཞན་ཡང་རྣམ་པ་ལྔར་བརྗོད་དེ། ཚུལ་ཁྲིམས་དང་ལྡན་པ་དང་། མང་དུ་ཐོས་པ་དང་། མདོ་སྡེ་ལ་མཁས་པ་དང་། འདུལ་བ་ལ་
D7a.013.0057a04.01མཁས་པ་དང་། མ་ལྟ་བུ་ལ་མཁས་པའོ། །གཞན་ཡང་རྣམ་པ་ལྔར་བརྗོད་དེ། ཚུལ་ཁྲིམས་དང་ལྡན་པ་དང་། མང་དུ་ཐོས་པ་དང་། མདོ་སྡེ་རིག་པ་དང་། འདུལ་བ་རིག་པ་དང་། མ་ལྟ་བུ་རིག་པའོ། །གཞན་ཡང་རྣམ་པ་ལྔར་བརྗོད་དེ། ཚུལ་ཁྲིམས་དང་
D7a.013.0057a05.01ལྡན་པར་གྱུར་པ་དང་། མང་དུ་ཐོས་པ་དང་། མདོ་སྡེ་ལ་གསལ་བ་དང་། འདུལ་བ་ལ་གསལ་བ་དང་། མ་ལྟ་བུ་ལ་གསལ་བའོ། །གཞན་ཡང་རྣམ་པ་ལྔར་བརྗོད་དེ། ཚུལ་ཁྲིམས་ཅན་དང་། མང་དུ་ཐོས་པ་དང་། ལྷན་ཅིག་སྤྱོད་པ་དང་། ཉེ་གནས་མདོ་སྡེ་
D7a.013.0057a06.01དང་། འདུལ་བ་དང་། མ་ལྟ་བུ་སློབ་ཏུ་འཇུག་ནུས་པའོ། །གཞན་ཡང་རྣམ་པ་ལྔར་བརྗོད་དེ། ཚུལ་ཁྲིམས་ཅན་དང་། མང་དུ་ཐོས་པ་དང་། ལྷག་པའི་ཚུལ་ཁྲིམས་དང་། ལྷག་པའི་སེམས་དང་། ལྷག་པའི་འདུལ་བ་ལ་བསླབས་པ་ཡིན་ནོ། །གཞན་ཡང་
D7a.013.0057a07.01