完整藏文原文 · 德格版页 当前仅加载第 13 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གནས་པའམ། སོ་སོར་གནས་པའམ། ཉེ་བར་ཕྱོགས་པའམ། བསླབ་པ་བྱིན་པར་བདག་ཉིད་ཀྱིས་ཁས་བླངས་ནའང་ཡོངས་སུ་དག་པ་མ་བརྗོད་པ་ཞེས་བྱའོ། །ཡོངས་སུ་དག་པ་བརྗོད་པའི་དགེ་སློང་དེས་ཡོངས་སུ་དག་པ་བླངས་ནས་ཉལ་བར་མི་བྱ། སྙོམས་
D7a.013.0262b01.01པར་འཇུག་པར་མི་བྱ་སྟེ། ཤེས་བཞིན་པས་ཡོངས་སུ་དག་པ་བརྗོད་པར་བྱ་སྟེ། དེའང་སྟན་ལས་ལངས་ནས་བླ་གོས་ཕྲག་པ་གཅིག་ཏུ་བྱོས་ལ་དགེ་སློང་གི་མདུན་དུ་ཙོག་ཙོག་པོར་འདུག་སྟེ་ཐལ་མོ་རབ་ཏུ་སྦྱོར་ལ་ཚིག་འདི་སྐད་སྨྲོས་ཤིག །དགོངས་ཤིག་ཚེ་དང་ལྡན་པ།
D7a.013.0262b02.01དེང་དགེ་འདུན་གྱི་བཅོ་ལྔའི་གསོ་སྦྱིན་ཏེ། དགེ་སློང་མིང་འདི་ཞེས་བགྱི་བའི་ཡང་བཅོ་ལྔའི་གསོ་སྦྱིན་ཏེ། དགེ་སློང་མིང་འདི་ཞེས་བྱ་བའི་བར་ཆད་ཀྱི་ཆོས་རྣམས་ཀྱང་དག་གོ་ཞེས་བདག་ཉིད་མཆི་སྟེ། དེས་གསོ་སྦྱིན་ལ་ཡོངས་སུ་དག་པའང་དབུལ་ན་བདག་གིས་དེའི་
D7a.013.0262b03.01མིང་ནས་བརྗོད་པར་བྱའོ། །ཚུལ་ཤིང་ཡང་ལོང་ཤིག་ཅེས་དེ་ལྟར་ལན་གཉིས་ལན་གསུམ་དུ་སྨྲོས་ཤིག །དེས་ཀྱང་རིགས་སོ་ཞེས་སྨྲོས་ཤིག །གཉིས་པས་ནི་ལེགས་སོ་ཞེས་བྱའོ། །རྣམ་པ་བཞིས་ནི་ཡོངས་སུ་དག་པ་མ་བརྗོད་པ་ཞེས་བྱའོ། །བཞི་གང་ཞེ་ན།
D7a.013.0262b04.01ངོ་ཚ་མེད་པ་དང་། བག་མེད་པ་དང་། གཉིད་ཀྱིས་ལོག་པ་དང་། སྙོམས་པར་ཞུགས་པའོ། །དེ་ལ་གང་ངོ་ཚ་མེད་པ་དང་། གང་བག་མེད་པ་དང་རྣམ་པ་འདི་གཉིས་ནི་ཉེས་པ་དང་བཅས་པར་འགྱུར་རོ། །གང་གཉིད་ཀྱིས་ལོག་པ་དང་། སྙོམས་པར་ཞུགས་པ་དང་།
D7a.013.0262b05.01རྣམ་པ་འདི་གཉིས་ནི་ཉེས་པ་མེད་པར་འགྱུར་བ་སྟེ། འདི་ནི་ཡོངས་སུ་དག་པ་བརྗོད་པའི་རབ་ཏུ་ལྡན་པ་ཞེས་བྱའོ། །དད་པ་དང་ཡོངས་སུ་དག་པའི་རབ་ཏུ་ལྡན་པ་གང་ཞེ་ན། གང་དུ་གསོ་སྦྱིན་དང་དགེ་འདུན་གྱི་ལས་བྱེད་པ་ན་དེར་དད་པ་དང་ཡོངས་སུ་དག་པ་བསྲེས་ཏེ་དབུལ་
D7a.013.0262b06.01བར་བྱ་སྟེ། འདི་ནི་དད་པ་དང་ཡོངས་སུ་དག་པའི་རབ་ཏུ་ལྡན་པ་ཞེས་བྱའོ། །དད་པ་དང་ཡོངས་སུ་དག་པ་དབུལ་བའི་རབ་ཏུ་ལྡན་པ་གང་ཞེ་ན། དགེ་སློང་གང་ནད་པ་གསོ་སྦྱིན་གྱི་གནས་སུ་འགྲོ་མི་ནུས་པ་ནི་དད་པ་དང་ཡོངས་སུ་དག་པ་དབུལ་བར་བྱའོ། །དེ་སྟེ་མི་ན་བར་མ་སོང་
D7a.013.0262b07.01