完整藏文原文 · 德格版页 当前仅加载第 13 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གསུམ་ལ་ཡང་ཆད་པ་མ་བྱེད་པར་ཡོངས་སུ་དག་པ་བཞིའམ། དེ་ལས་མང་བ་རྣམས་ལ་ཆད་པ་བྱོས་ཤིག །ཆད་པ་གཅད་པ་ལ་ཇི་ལྟ་བ་ཆད་པ་གཞི་ནས་བསླང་བ་དང་། གཞི་ནས་སླར་བསླང་བ་དང་། ཡིད་མགུ་བར་བྱེད་པ་དང་། གཞི་ནས་བསླང་སྟེ་ཡིད་
D7a.013.0096b01.01མགུ་བར་བྱེད་པ་དང་། གཞི་ནས་སླར་བསླང་བའི་ཡིད་མགུ་བར་བྱེད་པ་རྣམས་ཀྱང་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཨུ་པཱ་ལིས་ཞུས་པ། བསླབ་པ་སྩལ་བ་ལ་དད་པ་སྩལ་དུ་རུང་ངམ། ཨུ་པཱ་ལི་མི་རུང་ངོ་། །ཆོས་ཉིད་ལ་རེག་ན་ནི་རུང་ངོ་། །
D7a.013.0096b02.01བཙུན་པ་བསླབ་པ་སྩལ་བ་ལས་དད་པ་བླང་དུ་རུང་ངམ། ཨུ་པཱ་ལི་དེ་ལ་དགེ་སློང་དུ་འདུ་ཤེས་བཞག་ན་གདོད་རུང་ངོ་། །གླེང་གཞིའི་སྒོ་གཉིས་པའི་མདོའི་ཚིགས་སུ་བཅད་པ་བཅུ་པ་རྫོགས་ཏེ་སྒོ་གཉིས་པ་རྫོགས་{སྷོ,སོ}།། །།མདོར་བསྡུས་པ་ནི། དཀྱིལ་འཁོར་
D7a.013.0096b03.01ལྷུང་བཟེད་དུགས་ཁང་དང་། །དུད་པ་བཏུང་དང་ཁར་ཕོར་དང་། །ལྕགས་སྐྲ་ཤིང་རྟའི་ལྟེ་བ་དང་། །གདང་ཤིང་སྒྲོན་མ་མཆོད་རྟེན་ནོ། །མདོར་ན། དཀྱིལ་འཁོར་ལྷ་ཡི་གནས་དང་ནི། །ཕྱེད་དང་གསུམ་དང་གནས་མི་འཆའ། །ལྷུང་བཟེད་མེད་པར་རབ་
D7a.013.0096b04.01ཏུ་བྱུང་། །ལྷུང་བཟེད་ལ་ཡང་མི་བྲི་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་སྐྱབས་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་གིས་གར་བབ་བབ་ཏུ་ལྷུང་བཟེད་བཀྲུས་པ་དང་། ས་ཕྱོགས་དེར་སྦྲང་མ་དག་གིས་
D7a.013.0096b05.01གང་སྟེ་མི་སྡུག་པར་གྱུར་པ་བྲམ་ཟེ་དང་ཁྱིམ་བདག་དག་གིས་མཐོང་ནས་ཅི་འཕགས་པ་དག་གིས་ཕྱོགས་འདིར་བཤང་གཅི་བགྱིས་སམ་ཞེས་སྨྲས་པ་དང་། དེ་དག་གིས་བཞིན་{བཟངས་,བཟང་}འདིར་བཤང་གཅི་དག་ནི་སུས་ཀྱང་མ་བྱས་ཀྱི་ངེད་ཀྱིས་ལྷུང་བཟེད་བཀྲུས་སོ་ཞེས་
D7a.013.0096b06.01སྨྲས་པ་དང་། དེ་དག་གིས་འཕགས་པ་ཁྱེད་ཀྱིས་འདིར་དཀྱིལ་འཁོར་བྱ་བའི་རིགས་སོ་ཞེས་སྨྲས་པ་དང་། དེ་དག་སྤ་གོང་ནས་ཅང་མི་ཟེར་བར་འདུག་གོ། །དེ་དག་འཕྱ་སྟེ། དགེ་སྦྱོང་ཤཱཀྱའི་བུ་དག་ནི་མི་གཙང་བ་སྟེ། གར་བབ་བབ་ཏུ་ལྷུང་བཟེད་འཁྲུའོ་
D7a.013.0096b07.01